logo

туризм

САЙЁҲӢ. ИҚТИДОРИ ВОҚЕӢ БАРОИ РУШД

Мероси ғании таърихию фарҳангӣ ва захираҳои табиию рекреатсионии шаҳру ноҳияҳои вилояти Хатлон барои рушди туризми дохилӣ ва қабули сайёҳони хориҷӣ мусоидаткунанда мебошанд. Миёни мардум чакандӯзию гулдӯзӣ, чӯбтарошию заргарӣ барин ҳунарҳои мардумӣ эҳё шуда, ривоҷ ёфта истодаанд. Ба андешаи коршиносон, инкишофи туризмҳои экологӣ, пиёдагардии кӯҳӣ, сайёдӣ ва фарҳангӣ барои вилоят хос мебошанд.


Корҳои тарғиботиву ташкилӣ назаррасанд, вале…
Тибқи маълумоти оморӣ дар се моҳи аввали соли ҷорӣ ба вилояти Хатлон 3 ҳазору 100 нафар сайёҳони дохилӣ ва 16 туристи хориҷӣ, ки бештарашон аз Испания буданд, ташриф овардаанд.
Коршиносон иброз медоранд, ки дар Тоҷикистон мавсими сайёҳӣ аз моҳҳои март – май оғоз мешавад ва минбаъд омадани сайёҳон бештар мегардад.
Бо мақсади ҷалби ҳар чи бештари сайёҳон ба вилоят маҷмӯи харитаҳои туристӣ бо нишондоди мавзеъҳои таърихӣ, табиӣ-рекреатсионӣ, меҳмонхонаҳо ва дигар инфрасохтори туристӣ бо теъдоди ҳазор нусха ба забонҳои русӣ ва англисӣ омода шуда, буклету роҳнамоҳои алоҳида оид ба мавзеъҳои туристӣ ва таърихӣ омода гардиданд. Бо мақсади беҳ гардондани сифати хизматрасонӣ дар меҳмонхона, тарабхона ва дигар марказҳои ташрифи сайёҳон аз ҷониби раёсати ҷавонон, варзиш ва сайёҳии вилоят ҳамчун сохтори масъул омӯзишҳо гузаронда мешаванд. Тайи солҳои охир ҷавонон барои таҳсил ҷиҳати дарёфти ихтисосҳои роҳбалад, тарҷумон ва дигар ихтисосҳои зарурӣ сафарбар шуданд. Гузашта аз ин, се муассисаи олии вилоят дар ин самт мутахассис омода мекунанд.
Дар ноҳияи Балҷувон, ки минтақаи асосии ташрифи сайёҳон маҳсуб меёбад, 4 хатсайри сайёҳӣ таъсис ёфтааст. Ширкатҳои сайёҳии «Сарихосор Тревел» дар ноҳияи Балҷувон ва «Морхӯр» дар ноҳияи Шамсиддини Шоҳин ба сайёҳон хизмат мерасонанд. Мувофиқи маълумоти дастрас, ҷамъиятҳои масъулияташон маҳдуди «Сайёҳ 21» ва «Сайри Тагнов» барои гирифтани иҷозатнома ҳуҷҷатҳояшонро ба идораи дахлдор пешниҳод кардаанд.
Дар баробари ин, як қатор мушкилиҳо ҷой доранд, ки барои нигоҳдории теъдоди ташрифи саёҳони анъанавӣ ва ҷалби гурӯҳҳои нави шаҳрвандони хориҷӣ ба кишвар таъсири манфӣ мерасонанд. Аввалан, маблағгузории маҳдуди соҳаи туризм аз буҷети маҳаллӣ ва норасоии мутахассисони соҳибтахассуси соҳа. Дигар ин ки дар шаҳрҳои Қӯрғонтеппа ва Кӯлоб ду фурудгоҳи байналмилалӣ фаъолият дошта бошад ҳам, хатсайрҳои парвоз танҳо ба шаҳрҳои Федератсияи Русия ҳасту халос.
Ба гуфтаи коршиносон, захираҳои сайёҳии вилоят ба таври зарурӣ истифода намегарданд. Инфрасохтори соҳа дар баъзе мавзеъҳо рушд накардааст.

Туризми экологӣ: имкониятҳо зиёданд
Тибқи маълумоти коршиносони Созмони ҷаҳонии туристӣ туризми экологӣ дар даҳсолаи охир байни сайёҳон маъруфияти бештар пайдо карда, яке аз фишангҳои устувори рушд гардидааст. Натиҷаҳои омӯзиши иқтидори туристии кишвар нишон медиҳанд, ки вилояти Хатлон барои рушди туризми экологӣ имконияти зиёд дорад. Асоси онро шароити нодири табиӣ, мероси фарҳангӣ ва этникии мардуми вилоят ташкил медиҳад.
Тибқи арзёбии мутахассисон иқтидори иқтисодии сайёҳии экологӣ дар вилоят воқеан бемаҳдуд аст, вале барои ташаккул ва рушди он маблағгузории муайян ва хароҷоти мақсаднок лозим аст. Таъсиси инфрасохтори зарурӣ барои туризми экологӣ имкон медиҳад, ки дастрасии гӯшаҳои нодири табиӣ барои сайёҳон таъмин шавад. Ба ин хотир, барои ҷалби сармояи хориҷӣ фароҳам овардани шароити мусоид зарур аст.
Иҷрои ин тавсияҳо ва таъмини талаботи махсуси туризми экологӣ дар ҳудудҳои табиии махсус муҳофизатшаванда, нигоҳдории намудҳои  нодири ҳайвонот ва наботот, инчунин, тавсеаи мунтазами ҷуғрофияи  хатсайрҳо имкон медиҳанд, ки рушди бомуваффақияти туризмро дар вилоят пешгӯӣ намоем.
Шаҳноз ҚУРБОН, Лола РИЗОЕВА,
«Ҷумҳурият»,
Душанбе – Қӯрғонтеппа – Душанбе


Баёни ақида (0)    Санаи нашр: 28.06.2017    №: 134-135    Мутолиа карданд: 2039

23.04.2019


ДЗЮ – ДО. Медали нуқраи Темур Раҳимов аз Чемпионати Осиё

Тиб. Муваффақияти камназири ҷарроҳони рус

Пирӯзии Зеленский дар интихоботи Украина

Фоҷиа дар Шри-Ланка Теъдоди қурбониён ба 300 нафар расид

Лукашенко Россияро ҳомии истиқлолияти Беларус номид

Ёрии низомию техникии Қазоқистон ба Тоҷикистон

Ҷаҳон дар як сатр

22.04.2019


НИММАРАФОНИ БАЙНАЛМИЛАЛИИ ДУШАНБЕ. Фенти Тилахан дар мақоми аввал

Ваҳдат ҳусни тоза мегирад

ХОРУҒ. Бунёди бинои шабакаи ёрии таъҷилӣ

19.04.2019


Вохӯрии Сироҷиддин Муҳриддин бо Жан - Батист Лемуан

Пойтахт ба таҷлили Рӯзи Ғалаба омодагӣ мебинад

Масоили рушди соҳаи маориф матраҳ гардид

Дар Донишгоҳи давлатии Данғара конфронси ҷумҳуриявӣ доир мешавад

Душанбе варзишгарони 15 кишварро ба ҳам меорад

Ҷаҳон дар як сатр

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр


Дар сомонаҳои дигари Тоҷикистон хонед