logo

туризм

САЙЁҲИИ ТАЪРИХӢ – ФАРҲАНГӢ. БА ОН ТАВАҶҶУҲИ ЗАРУРӢ ЗОҲИР НАМЕШАВАД

Сайёҳии фарҳангӣ яке аз навъҳои маъруф ва оммавӣ ба ҳисоб рафта, дар Тоҷикистон дар ҳоли рушд қарор дорад. Кишвари мо дорои мероси ғании таърихиву фарҳангӣ мебошад ва он диққати зиёди сайёҳони хориҷиро ба худ ҷалб кардааст. Инчунин, дар замонҳои қадим аз ҳудуди ҳозираи Тоҷикистон яке аз шохаҳои Шоҳроҳи бузурги Абрешим мегузашт, ки ин низ метавонад дар равнақу ривоҷи ин навъи сайёҳӣ нақш гузорад.
Тибқи маълумоти шуъбаи ҳифз ва истифодаи мероси таърихӣ - фарҳангии Вазорати фарҳанг соли 2009 дар шаҳри Сеани Ҷумҳурии Мардумии Чин ҳашт ёдгории таърихиву фарҳангӣ ва меъмории кишвар – ёдгориҳои асри миёнаи Панҷакенти Қадим, Бунҷикат, шаҳри Ҳисор, Тахти сангин, дайри баддоии Аҷинатеппа, мадрасаи Хоҷамашҳад, шаҳри Ҳулбук, қалъаи Ямчун ва ёдгориҳои водии Вахум ба рӯйхати пешакии ЮНЕСКО пешниҳод гардид. Хушбахтона ҳамаи онҳо номнавис гардиданд. Мувофиқи рӯйхати пешакӣ, ки бо пешниҳоди мақомоти давлатии вилоятҳо ва шаҳру ноҳияҳо дар асоси харитаи бостоншиносии навоҳӣ соли 2016 тартиб ёфтааст, дар кишвар 3047 ёдгории таърихию фарҳангӣ ва меъморӣ мавҷуд аст. Вале  ин рақам ниҳоӣ набуда, бо назардошти иловаи ёдгориҳои бостонӣ шумораи онҳо меафзояд. Ин ёдгориҳоро  метавон барои рушди минбаъдаи ин навъи сайёҳӣ истифода бурд ва бо ин васила ба рушди иқтисодиёти мамлакат мусоидат кард.
Аммо, мутахассисон иброз медоранд, ки иқтидори мавҷудаи сайёҳии таърихиву фарҳангӣ дар мамлакат ба таври зарурӣ ба кор намеравад. Роҳбаладони соҳа дар бораи мавзеъҳои таърихии мамлакат, ки хеле ҷолибу диданианд, маълумоти кофӣ надоранд ва ба сайёҳони хориҷиву дохилӣ маълумоти муфассалу фарогирро манзур дошта наметавонанд. Баръакс, баъзан гидҳое, ки аз кишварҳои ҳамсоя меоянд,  ба туристон дар бораи мамлакатамон маълумоти ҷолиб пешниҳод менамоянд. Ғайр аз ин, дар сомонаҳои ширкатҳои сайёҳӣ маълумот нав намешавад. Иттилои мавҷуда ниҳоят кам ва қонеъкунанда нест. Умуман, тамоми иқтидори сайёҳии таърихиву фарҳангӣ мавриди истифода қарор намегирад. Ин боиси аз инкишоф бозмондани на танҳо сайёҳии таърихӣ - фарҳангӣ, балки дигар навъҳои он низ мегардад.
Ба сайёҳии таърихӣ - фарҳангӣ ҳамчунин, туризмҳои маърифатӣ, омӯзишӣ ва этнографӣ дохил шуда метавонанд. Зеро сайёҳон дар баробари сайр дар мавзеъҳои таърихиву фарҳангӣ, ҳамзамон бо тарзи зисти мардуми маҳаллӣ, урфу одат ва анъанаҳои сокинон бохабар мешаванд.
Пурсишҳои иҷтимоӣ аз он шаҳодат медиҳанд, ки туризми таърихию фарҳангӣ дар Тоҷикистон афзалияти бештар дорад. Барои рушди туризми таърихию фарҳангӣ мавҷудияти осори ғании ниёкони тоҷик, ҷойгиршавии ёдгориҳои зиёди сабтгардида ва онҳое, ки барои шомил гаштан ба феҳристи объектҳои ҳифзшавандаи ЮНЕСКО пешниҳод шудаанд, мусоидат менамоянд.
Шаҳноз ҚУРБОН, “Ҷумҳурият”


Баёни ақида (0)    Санаи нашр: 29.06.2017    №: 136    Мутолиа карданд: 2117

11.12.2019


Баррасии масоили тақвияти ҳамкориҳо

Бахтиёр Худоёрзода бо ҳайати Дафтари ниҳодҳои демократӣ ва ҳуқуқи инсони САҲА мулоқот намуд

Намоиши филмҳои тоҷикӣ дар Бангладеш

“МАҲБУБИ ВАТАН”

Трамп: «Бо Лавров вохӯрии хубе гузарондем»

Зеленский гуфт, ки бо Путин гуфтушунид кардан мураккаб аст

Сарвазири Эфиопия соҳиби Ҷоизаи сулҳи Нобел шуд

«Толибон» дар шимоли Афғонистон 40 куҳансолро рабуданд

МУСОБИҚАИ СИТОРАҲОИ ДЗЮДО. Бори нахуст кишварро 4 гӯштигир намояндагӣ мекунад

Ҷаҳон дар як сатр

10.12.2019


Мулоқоти Қоҳир Расулзода бо Хуан Тсзян Жун

Шиносоии Азим Иброҳим аз ҷараёни корҳои сохтмонии роҳҳои Душанбе

Дар доираи Озмуни ҷумҳуриявии «Сайри гули лола» машварати корӣ баргузор гардид

Дар Париж, Москва ва Киев оид ба муовизаи асирон ба мувофиқа омаданд

Туркия ба рафъи хатари «Давлати исломӣ» дар Афғонистон мусоидат мекунад

Сарвазири нави Финляндия - ҷавонтарин дар ҷаҳон сарвари ҳукумат

Disney дар остонаи рекорди нави ҷаҳонӣ

Ҷаҳон дар як сатр

09.12.2019


Боз як майдончаи нави варзишу бозии кӯдакон кушода шуд

Сохтмони гузаргоҳи зеризаминӣ бо дарозии 260 метр

Чемпионати осиё. Тоҷикистон дар гурӯҳи "А"

Сӯхтор дар фабрикаи Деҳлӣ боиси марги беш аз 40 нафар шуд

Медведев шартҳои бастани шартномаи газ бо Киевро гуфт

Ёрии ҷаҳонӣ ба Афғонистон 46 дарсад коҳиш ёфт

Аморати Муттаҳидаи Араб кайҳоннавард интихоб мекунад

Ҷаҳон дар як сатр

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр


Дар сомонаҳои дигари Тоҷикистон хонед