logo

фарҳанг

РӮЗГОРЕ БАРОИ ИБРАТ

Худоӣ Шарифзода аз олимони шинохта ба шумор рафта,  дар давоми фаъолияти сермаҳсули хеш тавонистааст дар таҳаввулу ташаккули илми адабиётшиносии тоҷик саҳми арзанда гузорад.
Устод тӯли  фаъолияти бисёрсолаи илмию омӯзгории хеш тавонистанд, ки дар ҳалли як қатор масоили умдаи илми филология шарафёб гардида, бо таълифи рисолаҳо, дастуру китобҳо ва мақолаҳои илмиву оммавӣ дар рушди бемайлони соҳаи адабиётшиносӣ нақши бориз гузоранд. 
Нисфи зиёди умри бобаракати худро устод дар синфхонаҳои факултети филологияи Донишгоҳи миллии Тоҷикистон ба таълиму тадрис гузарондаанд. Дар баробари таълиму тадрис тавонистанд таҳқиқоти арзандаеро дар ин роҳ ба сомон расонанд. Китобҳои сершумори таълифнамудаи устод аз пуркориву заҳматҳои шабонарӯзиашон дарак медиҳад. Намунаи дастовардҳои илмии ӯ дар асарҳои «Каломи бадеъ», «Назмшиносӣ», «Назарияи наср», «Озурдагон ва умедворон», «Балоғат ва суханварӣ», «Сухан аз адабиёти миллӣ», «Сездаҳ мақола», «Шоҳнома» ва шеъри замони Фирдавсӣ» гирд оварда шудаанд. Ин асарҳо барои донишҷӯёни соҳаи филология ва кулли  дӯстдорони каломи бадеъ ҳамчун китобҳои рӯимизӣ тавсия шудаанд. Заҳматҳои хастанопазираш буд, ки устод дар илми адабиётшиносии тоҷик шохаҳои наверо ба вуҷуд орад. Ҳамчунин, бо ташаббуси устод фанҳои тахассусие, ки дар тарбияи мутахассисони ҷавон  хеле муҳим ҳастанд, роҳандозӣ гардиданд.  Аз ҷумла, дар ҷорӣ намудани фанҳои «Балоғат ва суханварӣ», «Сарчашмашиносӣ», «Сабкшиносӣ» ва ғайра саҳми Х. Шарифзода муҳим аст. Дигар аз ибтикороте, ки устод бо талошҳои пайваста дар амалӣ намудани он ба натиҷаи дилхоҳ расиданд, ҷорӣ намудани ихтисоси «Мероси хаттӣ» дар назди факултети филология мебошад.  
Талошҳои пайвастаи устод дар ҷодаи илм эшонро ба қуллаҳои баландтарини маърифат расонданд ва натиҷаи пажӯҳишҳои пайвастааш дар макотиби олии берун аз ҷумҳурӣ низ истифода мешавад. Дар тамоми кишварҳои форсизабон Х. Шарифзодаро ҳамчун мунаққиду донишманди соҳаи адабиёт мешиносанду эътироф менамоянд.
Худоӣ Шарифзода устоди соҳибмактабанд  ва ба муҳаққиқони зиёде ҳаққи устодӣ доранд. Шумораи муҳаққиқоне, ки зери роҳбарии устод рисолаҳои номзади илмро дифоъ намудаанд, ба 32 нафар мерасад. Ҳамчунин, 9 нафари дигар зери мушовараи устод рисолаҳои докторӣ дифоъ намудааст.  
Устод Худоӣ Шарифзода инсоне ҳаст, ки ҳамеша кӯлбори андешааш пур аз суханҳои тоза аст. Навовару навофаранд, куҳнагӯиро намеписанданд ва ба мавзӯъҳое дахл мекунанд, ки касе ба онҳо даст назада бошад. Ин ҳама аз ботини саршор аз муҳаббаташ ба адабиёту Ватан сарчашма мегирад. Устод имрӯз ҳам барои пешрафти ин сарзамину адабиёт ҳамеша дар ҷустуҷӯ аст. Шарофати ҳастии чунин абармарди саъдахтар, ки умри бобаракати худро барои равнақи илми тоҷик бахшидааст, сафои рӯҳу равон буда, ҳаётро ҷилодор мекунаду умедро барои фардо поянда.
Гулрухсор НОЗИМОВА,
номзади илмҳои филология


Баёни ақида (0)    Санаи нашр: 30,06,2017    №: 137    Мутолиа карданд: 378

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе


Дар сомонаҳои дигари Тоҷикистон хонед