logo

сиёсат

РУШДИ ДАВЛАТ БА АМНИЯТИ ОН ВОБАСТА АСТ

(ДАР ҲОШИЯИ МАҚОЛАИ С. ЯТИМОВ “ИЛМ ВА АМНИЯТ”)
Дар шароити тағйирёбии ҳарлаҳзаинаи вазъи ҷамъиятию сиёсии ҷаҳони муосир ва ба гирдоби ҷангу ҷидол гирифтор гардидани кишварҳои алоҳида нашри матлаби илмии доктори илмҳои сиёсӣ Саймумин Ятимов таҳти унвони “Илм ва амният”дар рӯзномаи “Ҷумҳурият” саривақтӣ мебошад.
Масъалаи таъмини амнияти шахс, ҷомеа ва худи давлат маҳаки асосии низоми давлатдориро ташкил дода, бидуни он рушди давлат ғайриимкон мебошад. Агар ба таърихи Истиқлолияти давлатӣ назар афканем, маълум мегардад, ки дар солҳои аввали соҳибистиқлолӣ, қабл аз ҳама, таъмини амнияти миллат пеш омада буд. Дар он шабу рӯзҳо бетаваҷҷуҳӣ ба ин масъала хатари аз байн рафтани давлатро низ ба вуҷуд меовард. Хушбахтона, бо хиради азалии халқи тоҷик, корнамоиҳои бесобиқаи мардони шуҷои Ватан ва тақдири давлатдориро ба даст гирифтани Президенти мамлакат муҳтарам Эмомалӣ Раҳмон сулҳу ваҳдат дар кишвари мо дубора пойдор гардид. Дар ин марҳала низ таъмини амнияти давлат дар мадди аввал меистод. Сарвари давлат ва мақомоти қудратӣ талош ба он меварзиданд, ки марҳала ба марҳала пояҳои давлатдориро мустаҳкам ва волоияти қонунро дар ҷомеа таъмин намоянд.
Ҳамин тавр ҳам шуд. Тақрибан як миллион нафар аҳолии Тоҷикистон, ки дар солҳои ҷанги шаҳрвандӣ гуреза шуда буданд, ба Ватан баргаштанд. Амният дар кишвар пойдор гардида, корхонаҳои истеҳсолӣ ба кор даромаданд, бозору дуконҳо дубора дари худро ба рӯи сокинон боз намуданд. Вале, ба гунае, ки муаллифи мақола таъкид месозад: “То замоне ки давлат - гаронтарин ҷузъи системаи сиёсии ҷомеа, миллат ва миллатҳо вуҷуд дорад, тақрибан ба ҳамин андоза (қиматнокӣ, арзишмандӣ, баробарвазнӣ) барои фалаҷ кардан, аз фаъолият боз монондан ва оқибат нест кардани он хатарҳо мавҷуданд. Ин таҳдидҳо якранг, дар як сатҳ, бетағйир ва мутлақ буда наметавонанд.
Воқеан, таҳлили ҳаводиси 10 соли охир дар Тоҷикистон рӯйдода гуфтаҳои болоро бешак, собит месозанд. Ҳодисаҳои гуногуни дар минтақаҳои Тоҷикистон ва ниҳоят пойтахти мамлакат (воқеаҳои 4 сентябри соли 2015) бавуқӯъпайваста бори дигар ҳушдор медиҳанд, ки хатарҳои халалдор намудани амният ҳоло низ мавҷуд буда, нодида гирифтани онҳо метавонад ба барҳам задани амнияти давлат оварда расонад. Сари вақт аксуламал нишон додани мақомоти қудратӣ бо саркардагони ҳодисаҳои болозикр ва пешгирӣ намудани заминаҳои чунин зуҳуроти хатаровар собит намуд, ки Тоҷикистон дар таъмини амнияти хеш устувор гардида, имкони саркӯб намудани ҳар гуна гурӯҳҳои бадхоҳро дорад.
Таҳлили ҳаводиси кишварҳои олами араб нишон медиҳад, ки иқтисоди пешрафта, қонеъ намудани талаботи ҷавонон ва ниёзҳои мардум низ кафолати пурраи таъмини амнияти давлат буда наметавонад. Зеро дар ин кишварҳо сатҳи зиндагии мардум ба маротиб боло буда, имкони кору таҳсил фароҳам оварда шудааст. Аммо мардуми бехабар аз бозиҳои пасипардагӣ бо мақсади “зиндагии шоиста” (шиоре, ки аз ҷониби сарпарастҳо сохта шудааст. Н.Ш.) ба кӯчаҳо баромада, дар ниҳоят боис ба ҷанги шаҳрвандӣ гардиданд, ки имрӯз гурӯҳҳои алоҳида дар ин кишварҳо ҳар яке бо мақсади расидан ба “ҳақиқат”-и худ мубориза мебаранд.
Дуруст аст, ки коргардонҳои бозиҳои пасипардагӣ тавассути мухолифон пайваста “талабот”-ҳои нав ба нав эҷод карда, баҳри ба кӯчаю хиёбонҳо баровардани ҷавонон ва ба ҳам задани амният, яъне бесарусомон кардани давлатҳои мавриди назар қароргирифта нақшаҳо тарҳрезӣ карда, замина мегузоранд. Мухолифони бехабар ин талабот – ниёзҳоро чун асл пиндошта, бо “мақсади зиндагии шоиста” пайваста сӯи миллату давлат сангандозӣ карда, аз худ ватанхоҳу меҳанпараст тарошиданӣ мешаванд. Зеро “Бадбахтии мухолифони манфиатҳои миллии мо иборат аз он аст, ки онҳо "ҳақиқат"- и худро доранд. Дурусттар ифода гардад, "ҳақиқат"- е, ки тавассути "хайрия", "грант", пулу моли аҷнабиён дар майнаи онҳо ҷо кунонида шудааст” (С. Ятимов).
Дар қисмати ниҳоии мақола муаллиф вобаста ба таъсири адабиёт дар таъмини амнияти давлат зикр месозад, ки “Он бояд равиши ниҳоят мушкили давлатофаринӣ ва миллатсозии замони навинро давра ба давра таҷассум карда тавонад. Образҳои қаҳрамонон - хирадмандӣ, корнамоӣ, ҷавонмардӣ, хислатҳои олии инсонпарварона, миллатдӯстӣ ва ватанпарастии онон дараҷаи ғоявию эстетикии асарҳои бадеиро ташкил кунад. Ҳамзамон, барои ҳаматарафа нишон додани қаҳрамонони мусбат, тарафҳои манфӣ - сабаб ва натиҷаҳои аъмоли ашхосеро, ки роҳи созандаи ҳаёти имрӯзаро сарфи назар мекунанд, муваффақиятҳои бузурги давлати миллии моро дар кӯтоҳтарин давраи таърихӣ нодида мегиранд, ба ифротгароӣ, экстремизм ва терроризм рӯ овардаанд, ба номи давлат ва миллат иснод меоранд, ошкор созанд.”  Дарвоқеъ, вақти он расидааст, ки адабиёт дар шаклгирии афкори ҷомеа саҳм гирифта,  ба он таъсир расонда тавонад. Яъне, адабиёт дастовардҳои сирф миллии тоҷиконро тавре инъикос намояд, то бадхоҳони миллат амалан дарк намоянд, ки амнияти давлат пойдор, рушди босуботи он дар ҳаракат ва пешрафти босуръат қарор дорад
Хулоса, матлаби “Илм ва амният” воқеиятҳоро бо далелҳои раднашаванда, дарки моҳияти масъала, шинохти арзишҳои миллӣ ва ҳимоя аз Ватану миллат ба таври саҳеҳ ошкор кардааст. Яъне, ҳар фарде, ки барояш мафҳумҳои «Ватан», «Истиқлолият», «Ваҳдати миллӣ» муқаддас аст, дарк менамояд, ки рушди минбаъдаи бонизоми Тоҷикистон ба амнияти он вобастагии ногусастанӣ дорад.
Наврӯз ШАРИФ


Баёни ақида (0)    Санаи нашр: 03.07.2017    №: 138    Мутолиа карданд: 429

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе


Дар сомонаҳои дигари Тоҷикистон хонед