logo

иҷтимоиёт

МУХТОРИ ШУМО ЗИНДА АСТ!

Инсон ҳамеша барои зистан талош кардааст ва ҳатто баъди марг низ онро нахостааст. Чун шоир, нависанда, разманда, қаҳрамон, олим, рассом, файласуф, ҳунарпеша ва ҳамзамону ҳаммашраби ин ё он бузургвор пас аз марг низ вирди забон шудан хостааст.

 

Инро аз талоши як зани солхӯрда аз деҳаи Ғазантараки ноҳияи Деваштич Сабоҳат Розиқова бори дигар пай бурдем. Ӯ ба мо муроҷиат кард, ки додари хурдиаш Мухтор Розиқов соли 1995 ба ноҳияи Восеъ ба хизмати ҳарбӣ рафта, баъдан дар роҳи ҳифзи сохти конститутсонии Ҷумҳурии Тоҷикистон ҷонбозиҳо карда, ҳалок шудааст ва мехоҳад дар борааш ёддоште нависем.
Хоҳари сарбози беномунишоншуда хотираҳои он рӯзгорро чунин нақл кард: «Дар ёд дорам он рӯзеро, ки Мухторро ба хизмати ҳарбӣ мефиристодем. Хешу пайвандон, ҳамсояҳо ҷамъ шуда буданд, падарам дасти дуо бардошту модарам нон газонд. Он солҳо ҳарчанд вазъи кишвар нобасомон буду хабарҳои нохуш мешунидем, аммо камтар бовар мекардем. Ҳаргиз гумон надоштем, ки дар минтақаҳои Рашту Хатлон ва шаҳри Душанбе амният то ба ин ҳад рахна шуда. Баъди як соли хизмат як нома аз ӯ омад, ки то охири умр модарам онро мисли як муқаддасот бо худ медошт. Бо ҳамин соли 1997 хабар расид, ки ӯ фавтидааст. Албатта, ба ин шумхабар бовар накардем, махсусан модарам рӯйу мӯй меканду мегуфт: «Дурӯғ аст, дурӯғ! Мухтори ман зинда аст! Зинда-а-а!». Ҳанӯз ҳам фиғони ҷонхароши модар аз дару девораш садо медиҳанд.
Холаи Сабоҳат ба нақлаш идома медиҳад: «Сокини деҳаи Гулободи ноҳия Муҳаммад Рӯзиматов, ки ҳамяроқи додарам будааст, баъди ҷанг баргашта, ба комиссариати ноҳия расман маълумот дод, ки Мухтор ҳангоми муҳориба дар мавзеи Сағирдашти ноҳияи Тавилдара (имрӯза Сангвор) ҳалок шудааст. Падарам вақте ки хати вафоташро овард, бори дигар осмон омада ба замин часпид. Ёд дорам, 12 августи соли 1997 - ро. Ҷаноза эълон карда, барои Мухтори беномунишон мотам гирифтем. Аз ҳама аламовар он буд, ки рӯзи 17 август, яъне баъди ҳамагӣ чор рӯзи ҷанозаи Мухтор модарам низ аз ҳасрати ҷонкоҳи ҷигарбандаш ҷон ба ҷонофарин супурд.
Мухтор ҳафт моҳ қабл аз ба хизмат рафтанаш хонадор шуда буд. Як сол ҳам хонадорӣ накарда, ба хизмат рафт. Шояд бечора умед ҳам надошт, ки хизмат бо ҷанг мепайвандад. Инак, аз ӯ ному нишоне нест. Ҳамсарашро бо таассуф ба хонаи падар гуселонда, бахти сафеду саодати рӯзгорашро аз Парвардигор хостем. Тавассути ниҳодҳои дахлдор мазори шаҳидони ҷангро дар Сангвор муайян карданд ва бино ба тахминҳои пешакӣ хокҷои Мухтор низ он ҷо будааст. Модарам хост ба ҷустуҷӯи мазори писараш равад, аммо фарзандону пирони деҳа иҷозат надоданд ва бо ҳамин армон рахт аз дунё баст».
Дар охири суҳбат холаи Сабоҳат гиряро оғоз кард: «Хоҳиш мекунам, номи Мухтор гум нашавад. Дар газета менависед, дар радио эълон мекунед, хулоса номашро зинда нигаҳ доштанатонро мехоҳам. Кошки дар як гӯшаи мактаби таҳсилдидаи ӯ акс ва ҳолномааш овехта мешуд…» 
Аз дарвозаи соҳибхона баромада, ба андеша фурӯ рафтам: вақте ҷанг аст, дигар эҳсосу отифа, меҳру мурувват, раҳму шафқат ҷои худро ба разолату бераҳмӣ ва хунхориву ҷаҳолат медиҳад. Бале, ҷанги шаҳрвандии дар Тоҷикистон рухдода низ ҳамин воқеияти мудҳишро дар пай дошт. Мухтор Розиқов ҳамчун шаҳрванди бовиҷдони Тоҷикистон вазифаву уҳдадории худро иҷро кардааст ва ватандори асил будани худро собит сохтааст.
Акнун имрӯз вазифаи мо – шаҳравандони дар осудагию фароғат зиндагикунанда аз он иборат аст, ки ба хотири хуну ашкҳои рехташуда, армону интизориҳои модарони фарзандгумкарда, беваю бечораҳо, кӯдакони ятим озодиву ободии Тоҷикистон ва иттиҳоду ягонагии онро ба ҷон ҳимоя кунем. На танҳо бо яроқ, балки бо қалам, дониш, ҳунар низ ягонагию сарҷамъии халқи худро метавон нигаҳ дошт.
Имрӯз ба фиғони дили модари равоншоди Мухтор чунин посух гуфтанием: «Дуруст, Мухтор зинда аст! То рӯзе, ки дар Тоҷикистон Истиқлолият ва Ваҳдат пойдор аст, Мухтор ҳам намемирад!»
Бузургмеҳри БАҲОДУР, «Ҷумҳурият»


Баёни ақида (0)    Санаи нашр: 04.07.2017    №: 139    Мутолиа карданд: 285

13.11.2018


Мулоқоти Сироҷиддин Муҳриддин ва Юе Бин

Баимзорасии ёддошти тафоҳум

Нақшаи чорабиниҳои амалӣ намудани корҳои ободонию бунёдкорӣ дар давраи солҳои 2019 – 2021 тасдиқ гардид

БӮСТОН. Таҷдиди шуъбаи урология

ВАҲДАТ. 5 иншооти ҷашнӣ ба истифода дода шуд

ЁВОН СИМОИ ТОЗА МЕГИРАД

НОҲИЯИ ШАМСИДДИНИ ШОҲИН. Кӯшишҳо самар медиҳанд

"Дар ин дунё Карим Девонае буд"

Ҳузури бераводиди тоҷикистониён дар Туркия 3 баробар дароз шуд

Аврупо дар бозёбии партовҳои уран дар Тоҷикистон саҳм мегирад

Москва аз ҷумлаи даҳ шаҳри беҳтарини дунёст

Гунаҳгорони ҳалокати 52 ӯзбекистонӣ зиндонӣ шуданд

Чин дар ҷаҳон калонтарин воридкунандаи газ

Ҷаҳон дар як сатр

ҚУБОДИЁН. 48 медали варзишгарон дар нуҳ моҳ

12.11.2018


Дар Париж ҳамоиши сулҳ ифтитоҳ ёфт

Бо эҳтимоми ҳукумати Ҳиндустон нархи сӯзишворӣ арзон мешавад

ЭКСПО дар Шанхай: шартномаҳо ба маблағи қариб $60 миллиард ба тасвиб расиданд

Сӯхтори ҷангал дар Калифорния боиси ҳалокати 25 нафар гашт

Ҷаҳон дар як сатр

ВАХШ. Суратҳисоби бонкӣ барои ятимон

ОЛИМПИАДАИ “GENIUSKIDS – 2018” 35 медали хонандагони тоҷик

САМБО. Хушқадам Хусравов – қаҳрамони ҷаҳон

09.11.2018


Ҳамоишҳои ҷавонон бахшида ба Рӯзи Президент

Баррасии масоили рушди ҳамкориҳо

Мулоқоти Юсуф Раҳмон бо Кристофер Рэй

Таъсиси гурӯҳи корӣ баҳри иҷрои «Барномаи рушди иҷтимоию иқтисодии шаҳри Душанбе барои давраи то соли 2025»

Давлаталӣ Саид дар Корея

20-умин конфронси расонаҳои Осиёи Марказӣ дар Остона баргузор шуд

«Толибон» рӯйхати иштирокдорони мушовараи Москваро интишор дод

Таърихшиноси фаронсавӣ ба Макрон нақши Россияро дар наҷоти Аврупо хотиррасон кард

Ҷаҳон дар як сатр

"TASHKENT GRAND PRIX" ИШТИРОКИ ПАҲЛАВОНОНИ ТОҶИК ДАР ОН

"Истиқлол" бори ҳафтум чемпиони Тоҷикистон шуд!


Дар сомонаҳои дигари Тоҷикистон хонед