logo

фарҳанг

МОДАР

Он вақт мактабхон набудам. Яъне, ҳанӯз ҳафт сол надоштам. Ҳамон айём, як саҳар рӯйи долони хокии хонаамон, ки навсохт буд, сари дастурхон, рӯ ба рӯйи модари бузургворам нишаста, наҳорӣ мехӯрдам. Чун аз тановул фориғ шудам,   фалахмонамро аз кисаам берун баровардам. Ба ин тарафу он тарафаш дида дӯхтам. Сипас, ба тӯри чарминаш санг андохтам.  Резини онро ду-се маротиба ба тарафи худам кашидаму  сар додам. Барои модарам пинҳон намонд, ки санг дорад ва бо оромӣ гуфт: – Бачаҷонам, шӯхӣ макун, мабодо санг аз дастат раҳо шаваду  ба ман расад». Ман ба ҳарфи ӯ эътибор надодам. Хислати якравӣ ва нозу эркагии фарзанди кенҷаи ӯ буданам маро иҷозат намедод, ки ҳамраъйи модарам бошам. Бозиамро идома додам. Билохира, тавре шуд, ки модарам пешгӯӣ карда буд, санг аз тӯр раҳо хӯрду рост ба чашмаш зад.
– «Оҳ, ҷигарат нарезад бача, кӯрам кардӣ», – гуфт модари бечораам ва даст ба чашмонаш бурд. Даступохӯрда шудам ман. Ҳарфе ба забон оварда наметавонистам, гӯё забонам гунг шуда буд. Моту мабҳут монда, гунаҳкорона ба модари озордидаам нигаристам, аз чашмонаш об мерафт. Таги чашми латхӯрдааш дар як лаҳза сипсиёҳ шуда буд. Аз кори шуда он қадар пушаймон шудам, ки он лаҳза мурданамро авло донистам.   Дилам барои модарам чунон сӯхт, ки гӯё дарунам дастаи оташ забона мезад. Инони гиряро сар додам. Чунон талх гиристам, ки модарам дарди ҷонкоҳи худро фаромӯш карду дастамро гирифта, маро ба оғӯшаш кашид. Сарамро ба қафаси синааш зер кард ва онро гаштаю баргашта сила  карду  бӯсиду ҳарфи тасаллӣ бароям хонду оромам намуд...
Он лаҳза дарк накардам, ки танҳо модар ба чунин афву бахшиш қудрат дорад, ҳама гуноҳи фарзандро мебахшад, ҳазор маротиба аз ӯ озор бинад ҳам, забонаш намегардад, ки ҳарфи бад дар ҳаққаш ба лаб орад. Бузургии модар низ дар ҳамин таҷассум меёбад.
Сироҷиддин ИКРОМӢ


Баёни ақида (0)    Санаи нашр: 04.07.2017    №: 139    Мутолиа карданд: 297

21.01.2019


Фестивали байналмилалии «Наврӯз – мероси фарҳангии сайёҳӣ» баргузор хоҳад шуд

"Парасту - 2019" – ҷашнвораи ҷумҳуриявии театрҳои касбӣ

ҶАҲОН ДАР ЯК САТР

Баргузории ҷашнвораи байналмилалии «Рӯзи барф» дар Калуга

Дар Арабистони Саудӣ ҷалби бонувон ба корҳои ҷамъиятӣ меафзояд

Соли 2018 прокуратураи Қазоқистон ба буҷети кишвар $90 миллион талофӣ кард

Дар Тошканд хазинаи қадима ёфт шуд

Дороии 26 шахси сарватмандтарини дунё ба даромади 3,8 миллиард ниёзманд баробар аст

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар


Дар сомонаҳои дигари Тоҷикистон хонед