logo

фарҳанг

БА ТАҚЛИД "САЛОМ" БИГӮЕМ?!

Матлаби «Ахлоқ. Беҳтарин тақлид!» - и Абдулқодири Раҳимро, ки 3 июни соли 2017 дар рӯзномаи дӯстдоштаам «Ҷумҳурият» ба табъ расидааст, мутолиа кардам. Ин бор бо шинохти масъулияти бештар онро бо шогирдон баррасӣ намудем.
Масъала ҳаргиз масъалаи хурду одӣ нест ва нодида гирифтани он бунёди ахлоқи милливу динии моро хароб месозад. Пештар иддао мекардему бо ҳасрат мегуфтем, ки «ҳарчи ӯ аз моли дунё дошт, дод». «Ӯ» дар ин ҷо ишорат ба миллат аст. Ҳолиё хомӯшем. Чаро? Чунки «салом» моли моддӣ нест ва гирифтани онро ба чашми ақли камтар касон мебинанд.
Муаллиф дуруст таъкид месозад, ки агар дар ин бора лаб во бикунӣ ё содаат мехонанд ва ё қафомонда.
Дар раванди ҷаҳонишавӣ бо ноогоҳиву ғафлат варзидан гавҳарҳои бас қимати маънавиётамонро аз даст медиҳем. Дар оянда ба ин вазъи ногувор чӣ гуна даъво карда метавонем, ки «салом» - ин гавҳари бас қимат моли мо аст? Оре, дар сурате аз он бегона мешавем. Мебинем, ки дар кишварҳои мутамаддину пешрафта гуфтани «салом» имрӯз бисёр роиҷ гардидааст. Бо табассуму чеҳраи кушода ҳамдигарро, агар ҳам мешиносанд ва агар ҳам намешиносанд, «салом» медиҳанд.
Наслҳои пешин ба ин масъала бештар диққат медоданд. Таъкид мекарданд, ки бар ҳамдигар «салом» бидиҳанд. Агар нафаре дар мавридаш «салом» намегуфт, бар ӯ эрод мегирифтанд ва мегуфтанд: «Адаб наомӯхтаӣ. Падар дорӣ?! Чаро бар ту «салом» - ро наомӯхтааст»?
Воқеан, пойдевори ахлоқ дар ҷомеа суст мешаваду бепарвоӣ зоҳир мекунем. Моро пештар дар тамоми дунё бо ин амал тавсиф менамуданд.
Барҳақ, дар он ҷое, ки  «салом» аз миён меравад, ваҳдат, дӯстӣ, якдигарфаҳмӣ ва баракат намемонад. Дар «салом» изҳори меҳр, муҳаббат, амният ва таманноҳои нек аст.
Пешиниён ва аҳли илм ин ҳадисро зимни насиҳат ёдовар мешуданд: «Оё шуморо бар амале роҳнамоӣ накунам, ки василаи  издиёди муҳаббат миёни шумо хоҳад шуд»? Ҳамаи мо меандешидем, ки он чӣ гуна амал аст. Ҷавобро ба бетоқатӣ интизор мешудем. Мегуфтанд: «Ва он ин, ки саломро миёни якдигар роиҷ ва ом гардонед». Бар ин гуфта амал мекарданд. «Салом» - ро ом гардонданду роиҷ. Бо вучуди ин, ҳадиси мазкурро пайваста таъкид менамуданд, то масъулият барои рӯзе кам нашавад.
«Салом» дар навбати худ дуо аст. Бар якдигар аз Худо мехоҳӣ, ки ҳар навъ саломатӣ ва офиятро насиб гардонад. Барои фардҳои хурдтар аз худ ин калимаи шафқат маҳсуб мешавад.
Дуруст аст, ки таъсири хоси як амал замоне зоҳир мешавад, ки дар он рӯҳ вуҷуд дошта бошад. Пас, бояд бо меҳру муҳаббат, самимият бар якдигар «салом» бигӯем ва онро боз аз нав ому роиҷ бигардонем. Интизор набошем, ки кай таъсири бади он бештар мерасаду он гоҳ коре аз дастамон наояд.
Воқеан, барои миллати куҳанбунёди мо айб аст, ки бо тақлиди ғарбиён бар ҳамдигар «салом» - и худро бигӯему ифтихор ба тамаддуни дигар мамолик намоем.
Ҳалима ОТАБОЕВА,
омӯзгор, шаҳри Панҷакент


Баёни ақида (0)    Санаи нашр: 04.07.2017    №: 139    Мутолиа карданд: 572
12.08.2020


ТОҶИКИСТОН. АЗ COVID – 19 БОЗ 39 БЕМОР ШИФО ЁФТ

ВИДЕОКОНФРОНСИ “ОСИЁИ МАРКАЗӢ + ЯПОНИЯ”

ВОХӮРИИ МУҲАММАДЮСУФ ИМОМЗОДА БО МУҲАММАД ЗОҲИР АҒБАР

ҶАМЪБАСТИ ОЗМУНИ ҶУМҲУРИЯВИИ ФОСИЛАВИИ «ТОЗАГӢ – ГАРАВИ САЛОМАТӢ»

ЛИГАИ АВРУПО. ҶУФТҲОИ ДАВРИ НИМНИҲОӢ МАЪЛУМ ГАРДИДАНД

10.08.2020


КОРОНАВИРУС. ШУМОРАИ ШИФОЁФТАГОН БА 6 ҲАЗОРУ 573 КАС РАСИД

ЁРИИ НАВБАТИИ ПЕШВОИ МИЛЛАТ БА СОКИНОНИ ЭҲТИЁҶМАНДИ БАДАХШОН

САФАРИ МУОВИНИ САРВАЗИРИ МАМЛАКАТ ШИРИН ИСМАТУЛЛОЗОДА БА ШАҲРУ НОҲИЯҲОИ ҶУМҲУРӢ

«СУҒД ТЕКСТАЙЛЗ» ФАЪОЛИЯТАШРО ТАВСЕА МЕБАХШАД

ЛИГАИ ОЛӢ. "ИСТИҚЛОЛ", "ХУҶАНД" ВА "ХАТЛОН" ДАВРИ ДУЮМРО БО ПИРӮЗӢ ОҒОЗ КАРДАНД

БАДАХШОН. АВЛАВИЯТ БА ТАВСЕАИ МАЙДОНИ КИШТ

АГЕНТИИ НАШЪАОВАР. МУСОДИРАИ БЕШ АЗ 1 ТОННА МАВОДИ НАШЪАОВАР ВА МАҲВИ 26 ГУРӮҲИ ҶИНОЯТӢ

07.08.2020


ТОҶИКИСТОН. 6 ҲАЗОРУ 443 БЕМОРИ COVID-19 ШИФО ЁФТ

ВМКБ. ШИНОСОИИ АЗИМ ИБРОҲИМ БО ҶАРАЁНИ КОР ДАР ИНШООТИ ҶАШНӢ

КМИР. НАҚШАИ ТАҚВИМИИ ЧОРАБИНИҲОИ ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОНРО ТАСДИҚ КАРД

ЛИГАИ БОНУВОН. «ХАТЛОН» ҒОЛИБИ МАРҲИЛАИ АВВАЛ

ҶАҲОН ДАР ЯК САТР

06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД


Дар сомонаҳои дигари Тоҷикистон хонед