logo

сиёсат

ИЛМУ ДАВЛАТ НАЗМИ КОРИ МИЛЛАТ АСТ

Таассурот аз мақолаи профессор С. Ятимов «Илм ва амният» // "Ҷумҳурият". – 2017. – 30 май. – №107 (23188). – С. 2-3.
Илму давлат назми кори миллат аст,
Илму давлат эътибори миллат аст.
Муҳаммад Иқбол.

Давлат ҳамчун категорияи таърихӣ шакли ташкили сиёсии ҷомеа, пеш аз ҳама, ниёз ба амният дорад, зеро бидуни амният парокандагӣ ва таназзул таҳдид мекунад. Аз ин рӯ, давлат барои таъмини амният васоити ҳифозат ва иҷборсозӣ низ дорад ва он, пеш аз ҳама, лашкар ва аҳли сипар – милитсия аст. Давлати миллӣ, ки ҳатто аз номи он пайдост, пеш аз ҳама, ба арҷгузории арзишҳои миллӣ ва дифои онҳо саъй мекунад ва дар ҳамин замина шаклҳои дигари шуури ҷамъиятиро рушд мебахшад ва ин ҳама танҳо тавассути амнияти сиёсӣ даст медиҳад, ки дар заминаи истиқлолияти сиёсӣ сабзидааст. «Амнияти давлат, – менависад профессор С. Ятимов, – мафҳуми системавӣ мебошад. Он аз ячейкаи одии давлат оғоз ва дар олитарин муассисаҳои давлатӣ ба тарзи принсипиалӣ таҷассум меёбад. Муҳтавои ин масъала дар Қонуни асосии ҳар кишвар сабт гаштааст. Тибқи он дар давлат нафар, муассиса, корхонае вуҷуд надорад, ки амали вай берун аз манфиатҳои таъмини амнияти давлат мавриди назар гирифта шавад. Субъектҳои дорои ҳуқуқ, ҳамзамон, вазифаҳои муайян дар самти таъмини амнияти давлатро доранд».
Шакли шуури фаъол, ки боиси шинохти ҳақиқат тавассути қиёсу таҳлил даст медиҳад, илм аст. Аз ин хотир, дар каломи ҳунарӣ – адабиёти бадеӣ, ки ифодагари сатҳи тафаккури миллӣ аст, мафҳумҳои ифодагари аркони меҳварии бақои миллату давлат таҷассум ёфтаанд. Фаразан, дар осори адабии асримиёнагӣ ва муосири миллии мо сайфу қалам кор гирифта шудааст, ки манзур аз он лашкар ва зиёӣ аст. Яъне мурод таъмини бехатарию амният ва дигаре фарҳангу маънавият ва созандагии ҷомеа мебошад. Воқеан, аз таҷрибаи таърихӣ маълум аст, ки сайфу қалам ҷисму ҷони ҷомеа маҳсуб мешавад, ки яке бе дигаре фаъол нест.
Барои бақои амният ва ҷузъиёти он, таҳкими шуури миллӣ, ворастагӣ ва ваҳдати миллӣ, гиромидошти ватану миллат ва иттиҳоду воҳиди миллӣ мақоми каломи ҳунарӣ ва махсусан каломи ҳунарии манзум – шеър басо муҳим, меҳварӣ ва ҳатто калидӣ аст. Ба ин маънӣ қазовати ниҳоят ҷолиб ба профессор С. Ятимов мутааллиқ аст, ки басо мӯшикофона ва бо қиёсу мудаллал менависад: «Илм хосияти системаофаринӣ дорад. Аз натиҷаҳои дақиқи тадқиқоти илмӣ ҳар як ҷузъи системаи ягонаи таъмини амнияти миллӣ, дар вобастагӣ ба салоҳият, функсия ва вазифаҳояш истифода мекунад.
Адабиёт муҳимтарин ҷузъи ин система мебошад. Трансформатсияи (табдили) тадқиқоти илмӣ, ошкор кардани сабаб ва оқибат, моҳият ва зуҳуроте, ки таъмини амнияти миллиро зери хатар мебарад, зарур аст, тавассути инфрасохтори бадеӣ – одӣ, фаҳмо бо образҳо, ҷузъиёти марбути эмотсионалӣ ба қишрҳои гуногуни аҳолӣ фаҳмонда шавад».
Дар ин қазоват ғолибан неруи каломи ҳунарӣ ҳамчун васоити муқаввои муассиркунанда баён шудааст.
Дар ҳақиқат, асолати каломи ҳунарӣ, ки марбут ба истеъдоди фитрӣ ва ҳунари эҷодкор аст, агар, воқеан, ҳунармандона эҷод шуда бошад, муассирии том дорад. Чунончи, дар ин қазовати Фаридуддини Аттори Нишопурӣ, ки сифати ҷавонмардии ҷавонмардонро таҷассум мекунад, омадааст:
Гуфт: назди ман ҷавонмард он бувад,
Камтарин кораш фидои ҷон бувад.
Албатта, манзур дифои миллат ва  марзу буми кишвар аст, ки ҷавонмардони боору номуси диёр дар дифои он истодаанд ва он, яъне марзу буми Ватан барои аҷнабии бадандеш қуллаи дастнорас маърифат мешавад, зеро дар дифои он чизе дареғ дониста намешавад.
Дар хусуси муассирии каломи ҳунарӣ профессор С. Ятимов баҳс ба миён оварда, хоса, дар симои персонажҳои манфӣ таҷассум намудани амалҳои зишти бадандешон ва алорағми онҳо овардани накукориҳо ва хисоли ҳамидаи қаҳрамонҳои мусбат ва қиёсан омӯхтани ин образҳоро тавассути адабиёти бадеӣ чунин муҳокима меронад: «Ҳамзамон барои ҳаматарафа нишон додани қаҳрамонони мусбат, тарафҳои манфӣ – сабаб ва натиҷаҳои аъмоли ашхосеро, ки роҳи созанда ҳаёти имрӯзаро сарфи назар мекунанд, муваффақиятҳои бузурги давлати миллии моро дар кӯтоҳтарин давраи таърихӣ нодида мегиранд, ба ифротгароӣ, экстремизм ва терроризм рӯ овардаанд, ба номи давлат ва миллат иснод меоранд, ошкор созанд.
Бузургии тафаккури бадеӣ дар тавони дидани воқеоти реалӣ, ҳодисаҳо, равандҳои ҷомеа дар маҷмӯъ, ягонагӣ дар алоқамандӣ бо ҳамдигар мебошад. Он чизеро, ки дар ифода карданаш илм мувоҷеҳ бо мушкилот мегардад, сухани бадеӣ хеле сода, одӣ ба таври оммафаҳм, заминӣ ифода мекунад».
Воқеан, як нуктаро метавон хотиррасон кард, ки дар мақолаи «Илм ва амният»-и профессор С. Ятимов мо нигоҳи бунёдӣ ва комилан тоза дар хусуси маърифати илм ва анвои он – ҳам улуми ақлӣ ва ҳам илмҳои нақлӣ ё манқулро мебинем ва зиёда аз он, дар ҳамаи бахшҳои мақолаи мазкур бо муҳтавои комилан муқаввои сиёсӣ ба проблемаҳои «Давлат ва амният», «Ҳақиқати илмӣ ва амнияти миллӣ», «Илм – информатсия ва амният», «Манфиат ва амният», «Илм: адабиёт ва амният» дахл карда шудааст, ки ҳам масъалагузорӣ, принсипҳои маърифату бардошт аз онҳо, баррасии мушкилоти фавқуззикр, ҳадаф аз гузориши онҳо, хоса дар шароити ҷаҳони пуртазоди муосир ва натиҷагириҳою хулосабарориҳо аз инҳо нахустиқдом аст. Махсусан дар мақола роҷеъ ба илм, адабиёт, амнияти миллӣ ва сиёсат баҳси комилан бунёдӣ сурат гирифтааст, ки нигоҳи тоза ва оройи фалсафии олим бо қавитарин қиёсҳои илмӣ – мантиқӣ баррасӣ гардидаанд, барои ҳамаи қишри ҷомеа ва ҳамаи мардумони касбу кори гуногун пурманофеъ ва арзишманд аст.
Абдулҳай МАҲМАДАМИНОВ,
Мирзо СОЛЕҲОВ,
устодони Донишгоҳи миллии Тоҷикистон


Баёни ақида (0)    Санаи нашр: 04.07.2017    №: 139    Мутолиа карданд: 639

21.01.2020


"ҶОМИ РУШД – 2020". Тоҷикистон тими Исландияро шикаст дод

Россия ва Франсия ба музокирот дар чорчӯбаи «2+2» тайёрӣ мебинанд

Баҳои коршиноси Амороти Муттаҳидаи Араб ба конфронси Берлин оид ба қазияи Либия

Салиби сурх: «Ҷанги Яман боиси фирори се миллион нафар гашт»

Шарқи Канада зери барф монд

Соли гузашта дар Италия ҳар ним соат замин ҷунбид

Ҷаҳон дар як сатр

03.01.2020


 БАЙНИ ТОҶИКИСТОН ВА АФҒОНИСТОН РОҲИ ОҲАН БУНЁД МЕГАРДАД

 ДАР ХОРУҒ КӮДАКИСТОН МАВРИДИ БАҲРАБАРДОРӢ ҚАРОР ГИРИФТ

 ХОВАЛИНГ. БЕМОРХОНАИ РАҚАМӢ БА ИСТИФОДА ДОДА ШУД

 AIRBUS БОРИ НАХУСТ АЗ СОЛИ 2011 АЗ BOEING ПЕШ ГУЗАШТ

 ОБХЕЗӢ ДАР ИНДОНЕЗИЯ БОИСИ ҲАЛОКАТИ 26 НАФАР ГАШТ

 НИДЕРЛАНД РАСМАН АЗ "ГОЛЛАНДИЯ" ДАСТ КАШИД

 ДАР ҚАЗОҚИСТОН МУСОФИРИ ҲАВОПАЙМОИ СУҚУТКАРДАРО МУКОФОТОНДАНД

ДАР ӮЗБЕКИСТОН ТӮЙҲОИ ПУРДАБДАБАРО МАНЪ НАМУДАНД

25.12.2019


"RIAS Ingineering" телевизору яхдонҳои тоҷикӣ месозад

Қазоқистон ҳукми қатлро пурра бекор карданист

Дар Австралия аз сӯхтори ҷангал шаҳр ба коми оташ рафт

Сарвари Индонезия тарҳи пойтахти нави кишварро интихоб намуд

Чин боҷи қариб ҳазор моли хориҷиро кам месозад

Ҷаҳон дар як сатр

24.12.2019


"ПЕШВОИ МИЛЛАТ ПОЯГУЗОРИ СУЛҲ ВА МЕЪМОРИ ВАҲДАТ"

Баррасии густариши ҳамкориҳо дар соҳаи сайёҳӣ

Қурбон Ҳакимзода ҳайати шаҳри Вэйнанро ба ҳузур пазируфт

Нуробод. Пешгирии шомилшавии ҷавонон ба ҳаракатҳои ифротгаро

Ҷаҳон дар як сатр

Арчаи солинавии Тоҷикистон рамзи Истиқлолияти давлатӣ

Лавров: Трамп ба муколама бо Россия доир ба масоили ҳалталаб омода аст

Москва ва Киев шартномаи таҳвили газро барои панҷ сол имзо мекунанд

Комиссияи Аврупо таҳримоти ИМА зидди «Маҷрои шимолӣ - 2»-ро маҳкум намуд

Дар Тошканд маркази рушди «ҳукумати электронӣ» ифтитоҳ меёбад

23.12.2019


Путин: «Соли гузашта дар Россия 33 амали террористӣ пешгирӣ гардид»

Минск ба ҳамгироӣ бо Россия дар асоси баробарӣ омода аст

Комиссияи интихоботии Афғонистон Ашраф Ғаниро президенти кишвар эълом дошт


Дар сомонаҳои дигари Тоҷикистон хонед