logo

туризм

САЙЁҲӢ. АЗ РОҲҲОИ КАМХАРҶУ СЕРДАРОМАД ИСТИФОДА НАМЕБАРЕМ, ЧАРО?

Бо фаро расидани фасли тобистон кормандони марказҳои сайёҳӣ  хеле серкор шуда, сайёҳони хориҷиро ба минтақаҳои интихобкардашон раҳнамоӣ мекунанд. Маркази рушди сайёҳии шаҳри Душанбе низ яке аз чунин марказҳост, ки 8 сол боз роҳнамоию хизматрасонии сайёҳонро бар зимма дорад.
- Имрӯз, ки айни сайру саёҳат аст, мутахассисони  шумо дар самти рушди сайёҳӣ чӣ корҳоеро анҷом медиҳанд? – пурсидем аз Баҳриддин Исомуддинов, сарвари марказ.
- Айни замон баҳри он кӯшиш ба харҷ медиҳем, ки ба сайёҳон хизмати шоиста расонем. Чанд соли охир  ҳавасмандии сайёҳони хориҷӣ ба  кӯҳбароӣ, саёҳат бо қаиқ ва сайру саёҳат кардан бо мошин  бештар шудааст, - гуфт ӯ.
Ҳама мехоҳем, ки ташрифи сайёҳон ба кишварамон сол ба сол бештар шавад. Барои ба он ноил шудан бояд тарғиби ёдгориҳои таърихию бостонӣ, кӯҳҳои осмонбӯс, обҳои софу равону шифобахш ва табиати нотакрору тамошобоби ватанамонро берун аз хоки кишвар ҳар чи бештар  тарғибу ташвиқ кунем. Як нақши бузургро интернет мебозад, ки бояд аз он пурсамар истифода барем. Ҳоло, ки роҳ то минтақаи Искандаркӯл мумфаршу озода аст,  сайёҳон бо мошинҳои сабукрав аз пойтахт дар дуюним соат ба он ҷо расида, аз манзараҳои нотакрораш лаззати маънавӣ мегиранд. Лекин барои сайёҳон бо мошин ба Вилояти Мухтори Кӯҳистони Бадахшон сафар кардан  гарон меафтад. Агар  хатсайрҳои собиқи ҳавоӣ кушода шаванд, шумораи сайёҳони ҳавасманд чандин баробар меафзояд. Дар минтақаҳои сайёҳии Варзобу Ромит мушкилие нест. Рӯзҳои шанбею якшанбе аз саҳар то бегоҳ он мавзеъҳо пури сайёҳ аст.
Айни замон ба ҷумҳуриамон сайёҳон бештар аз Аврупо, аз ҷумла кишварҳои Фаронса, Швейтсария ва Олмон, меоянд. Ҷопониҳо низ ба манзараҳои марғуби Тоҷикистон таваҷҷуҳи зиёд доранд. Сайёҳон бештар ба пиёдагардию кӯҳбароӣ шавқманданд.
Сайёҳӣ бо велосипед низ чанд соли охир рӯ ба афзоиш дорад. Сайёҳон ҳавасманданд, ки аз Душанбе то Помир бо велосипед раванд. Ин гуна сайёҳон шаҳрвандони кишварҳои Аврупоянд. Як гурӯҳи онҳо бо велосипед аз чанд давлат гузашта аз қаламрави Ӯзбекистон ба Тоҷикистон ворид мешаванд. Гурӯҳи дигар велосипеди сафарии худро бо ҳавопаймо меорад. Бояд гуфт, ки дар пойтахт як нуқтаи иҷора додани велосипедҳо мавҷуд аст, аммо шароити равуо ба минтақаҳои дурдаст дар он ба назар гирифта нашудааст. Сайёҳони хориҷӣ хоҳишманди онанд, ки дар Душанбе велосипеди дилхоҳи худро киро намуда, онҳоро дар минтақаи анҷоми сафарашон гузошта, пас гарданд. Фикр мекунам, анҷоми ин хоҳиш бо харҷи кам метавонад даромади хуб биёрад.
Аз оғоз то имрӯз аз 200 то 500 нафар сайёҳӣ велосипедсавор ба Тоҷикистон омада, аз кишварамон бо таассуроти фараҳбахш ба кишварҳои худ бозгаштаанд. Ва имкон ҳаст, ки ин навъи сайёҳиро дар оянда рушд диҳем.
Дар торнамои марказ дар бораи Тоҷикистон ба ду забон – русиву англисӣ маълумоти зарурӣ мавҷуд аст, ки аз он ҳама хоҳишмандон, аз ҷумла сафоратҳои дар Тоҷикистон буда,  метавонанд истифода баранд.
У. МУРОД, «Ҷумҳурият»


Баёни ақида (0)    Санаи нашр: 05.07.2017    №: 140    Мутолиа карданд: 2137
14.08.2020


САНГВОР. ДЕҲАҲО ТАРОВАТИ ТОЗА МЕГИРАНД

ВАҲДАТ. ЭҲСОСИ ШУКӮҲИ ҶАШНИ МИЛЛӢ

ДАЪВАТИ СММ АЗ ҶОМЕАИ ҶАҲОНӢ

Ҷаҳон дар як сатр

ҶОМИ ҶАҲОН – 2022. БОЗИҲОИ МАРҲИЛАИ ИНТИХОБӢ СОЛИ 2021 БАРГУЗОР МЕШАВАНД

12.08.2020


ТОҶИКИСТОН. АЗ COVID – 19 БОЗ 39 БЕМОР ШИФО ЁФТ

ВИДЕОКОНФРОНСИ “ОСИЁИ МАРКАЗӢ + ЯПОНИЯ”

ВОХӮРИИ МУҲАММАДЮСУФ ИМОМЗОДА БО МУҲАММАД ЗОҲИР АҒБАР

ҶАМЪБАСТИ ОЗМУНИ ҶУМҲУРИЯВИИ ФОСИЛАВИИ «ТОЗАГӢ – ГАРАВИ САЛОМАТӢ»

ЛИГАИ АВРУПО. ҶУФТҲОИ ДАВРИ НИМНИҲОӢ МАЪЛУМ ГАРДИДАНД

10.08.2020


КОРОНАВИРУС. ШУМОРАИ ШИФОЁФТАГОН БА 6 ҲАЗОРУ 573 КАС РАСИД

ЁРИИ НАВБАТИИ ПЕШВОИ МИЛЛАТ БА СОКИНОНИ ЭҲТИЁҶМАНДИ БАДАХШОН

САФАРИ МУОВИНИ САРВАЗИРИ МАМЛАКАТ ШИРИН ИСМАТУЛЛОЗОДА БА ШАҲРУ НОҲИЯҲОИ ҶУМҲУРӢ

«СУҒД ТЕКСТАЙЛЗ» ФАЪОЛИЯТАШРО ТАВСЕА МЕБАХШАД

ЛИГАИ ОЛӢ. "ИСТИҚЛОЛ", "ХУҶАНД" ВА "ХАТЛОН" ДАВРИ ДУЮМРО БО ПИРӮЗӢ ОҒОЗ КАРДАНД

БАДАХШОН. АВЛАВИЯТ БА ТАВСЕАИ МАЙДОНИ КИШТ

АГЕНТИИ НАШЪАОВАР. МУСОДИРАИ БЕШ АЗ 1 ТОННА МАВОДИ НАШЪАОВАР ВА МАҲВИ 26 ГУРӮҲИ ҶИНОЯТӢ

07.08.2020


ТОҶИКИСТОН. 6 ҲАЗОРУ 443 БЕМОРИ COVID-19 ШИФО ЁФТ

ВМКБ. ШИНОСОИИ АЗИМ ИБРОҲИМ БО ҶАРАЁНИ КОР ДАР ИНШООТИ ҶАШНӢ

КМИР. НАҚШАИ ТАҚВИМИИ ЧОРАБИНИҲОИ ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОНРО ТАСДИҚ КАРД

ЛИГАИ БОНУВОН. «ХАТЛОН» ҒОЛИБИ МАРҲИЛАИ АВВАЛ

ҶАҲОН ДАР ЯК САТР

06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ


Дар сомонаҳои дигари Тоҷикистон хонед