logo

фарҳанг

АГАРЧИ АЗ ДИДАҲО РАФТ...

Дили Ӯлмас Ҷамол, рӯзноманигор ва шоири маъруфи ӯзбекзабони кишвар, барандаи Ҷоизаи Иттифоқи журналистони Тоҷикистон ба номи Абулқосим Лоҳутӣ, 27 июни соли 2017 дар синни 83 аз тапидан боз монд.

Ӯ 17 майи соли 1934 дар шаҳри Ургути Самарқанд чашм ба олами ҳастӣ кушод. Соли 1947 ба Тоҷикистон омад ва минбаъд кору зиндагияшро то ба охир бо он пайваст. Дар ҳамин ҷо соҳиби маълумоти миёнаи умумӣ гардид. Инчунин, дар ин кишвар баъди хатми факултаи таъриху филологияи Донишгоҳи миллии Тоҷикистон бо баҳои аъло, яъне соли 1961 ба гирифтани маълумоти олии касбӣ мушарраф шуд. Чанд муддат ба шогирдони мактаб дарс дод.
Фаъолияти рӯзноманигорияш аз соли 1961 оғоз меёбад. Ду сол котиби масъули рӯзномаи «Регар» (шаҳри Турсунзода), корманди шуъбаи ӯзбекии Радиои Тоҷикистон буд. Аз соли 1963 то соли 2012, яъне расидан ба синни нафақа дар рӯзномаи «Халқ овозӣ» фаъолияти чашмрас дошт. Бо шеърҳои баландғоя ва матлабҳои рӯзноманигорияш дар тарбияи ҷомеа, рушду шукуфоии кишвар саҳми асосӣ ва арзанда мегирифт.
Маҷмӯаҳои ашъораш бо номҳои «Чашмаи муҳаббат», «Гӯш ба дил», «Даъват ба дуродур», «Дар васфи офтоб», «Фасли некукорӣ», «Эҳсос», «Ситораи орзу», «Гули ороста», «Дӯстнома», «Ҳаёт ва эҷодиёт», «Сарҳисоб», «Як нигоҳ» дар дохил ва берун аз кишвар ба табъ расидаанд. Китоби «Писари офтоб» - аш бо забони русӣ соли 1986 дар шаҳри Маскав аз дасти чоп баромад. Шеърҳояш ба забонҳои тоҷикӣ, украинӣ ва қирғизӣ низ тарҷума шудаанд.
Ин шоири шаҳир соҳиби чаҳор «Девон»-и мукаммал бо номҳои «Сурур», «Масрур», «Манзур» ва «Маъмур» мебошад, ки дар асри навин нашр гардидаанд.
Соли 1993 қиссаи «Ҷоми шароб» - аш чоп шуд, ки чун ҳамаи асарҳои ӯ аз ҷониби хонандагон гарм истиқбол ёфтанд.
Охирин асари таълифкардаи шоир «Исён» ном дорад, ки дар дасти чоп мебошад.
Ӯлмас Ҷамол шеърҳои шоирони тоҷик Мирзо Турсунзода, Боқӣ Раҳимзода, Муъмин Қаноат, Гулрухсор, Лоиқ Шералӣ, Гулназар, Абдуҷаббор Қаҳҳорӣ, Қутбӣ Киром, Меҳмон Бахтӣ ва дигаронро ба забони ӯзбекӣ тарҷума кардааст. Инчунин, бисёр асарҳои насрӣ ва драмавии адибони тоҷикро туфайли тарҷума дастраси хонандагони ӯзбекзабон гардондааст. Дар тарҷумаи ашъори шоирони шаҳири дигар халқҳо, аз қабили Сергей Михалков, Евгений Евтушенко, Лев Ошанин, Расул Ҳамзатов ба забони ӯзбекӣ муваффақ шудааст. Ӯ дар тарбияи насли нави шоирон ва тарҷумонҳои ӯзбекзабон саҳми асосӣ ва арзандаро гирифт.
Чун инсони ҳалиму мушфиқу ғамхор аз маҳбубияти хос бархӯрдор буд.
Аз соли 1974 узви Иттифоқи нависандагони Тоҷикистон аст. Хидматҳояш бо ордени «Дӯстӣ» қадрдонӣ шудааст.
Ӯлмас Ҷамол агарчи аз дидаҳо рафта бошад ҳам, аз дилҳо нарафтаву намеравад.
Аҳли эҷоди рӯзномаи «Ҷумҳурият»


Баёни ақида (0)    Санаи нашр: 05.07.2017    №: 140    Мутолиа карданд: 406

19.06.2019


Дар Кӯлоб Фестивали ҷумҳуриявии дӯстии ҷавонон баргузор шуд

Баррасии вазъ ва дурнамои ҳамкориҳо

Боздид аз Муассисаи давлатии «Боғи миллии Ваҳдат”

ПАНҶАКЕНТ. Омодагиҳо ба ҷашни фархунда

Писарбачаи тоҷик дар Хабаровск дӯсташро аз чоҳи оби ҷӯш наҷот дод

Тоҷикистону Беларус: «Муҳокимаи тақвияти ҳамкориҳои низомӣ»

Си Ҷинпин азми сафари Ҷумҳурии Халқии Демократии Корея дорад

Ҷаҳон дар як сатр

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад

Ҷаҳон дар як сатр

ФАРХОР. Бонувон ба ҳунаромӯзӣ ҳавасманд мешаванд

"Куллиёт" - и Миробид Саййидои Насафӣ

04.06.2019


Лукашенко: "Эмомалӣ Раҳмонро оммаи мардум интизор аст"

Бунёдкорони роботтехникаи Россия ва Чин дар Владивосток ҷамъ омаданд

Ҷаҳон дар як сатр

Машварати сиёсии вазоратҳои корҳои хориҷии Тоҷикистон ва Белгия

Муаррифии портали хизматрасониҳои электронӣ барои андозсупорандагон

Дар ноҳияи Рашт конфронси минтақавӣ баргузор мегардад

ФУТБОЛ. Ду бозии рафиқона бо мунтахаби Ӯзбекистон

03.06.2019


Дар Тоҷикистон баландтарин афзоиши теъдоди сайёҳон ба қайд гирифта шуд

Гармои тоқатфарсо дар Ҳиндустон

Тасдиқи барнома оид ба бозомӯзии касбии кормандони соҳаи маориф

Иди саиди Фитр 5 июн таҷлил мешавад


Дар сомонаҳои дигари Тоҷикистон хонед