logo

фарҳанг

РӮЗГОРЕ БАРОИ ИБРАТ

Падрудаш бо дунё ногаҳонӣ буд, агарчи бар вақти худ, яъне дар вақти худ буд. Мегуфт, ки ман аз умри дароз метарсам.

Ҳаштоду ҳашт сол зист. Метарсид, ки аз ин бештар, бештару бештар мезияд. Дардҳо ранҷаш медоданд ва ба рӯзгори рафта мебурдандаш. Ёду пеши назар овардани он рӯзгори мудҳишро ҳеҷ намехост. Аммо гоҳе, ки  он гиребонашро мегирифт, чашмаш пуроб мешуд. Он рӯзгор иборат аз чанд рӯзе набуд, чанд сол буд, чанд соле, ки асари бадаш ба тамоми зиндагии баъдияш низ расид.
Дар пеши чашмаш сад китобашро сӯхтанд, рӯған рехтанду сӯхтанд, то ӯ бештар бисӯзад, зудтар бисӯзад. Ёдовар мешуд, ки чӣ хел намесӯзӣ, вақте мебинӣ, ки «Қуръон» месӯзад, «Гулистон» - у «Бӯстон» - у «Ал – қонун» - у «Девон»- ҳои бузургон месӯзад. Аз ин ҳама мегуфт ва мо даҳшати он рӯзгору солҳоро тасаввур мекардем.
Соли 1927 таъқиби падараш оғоз шуд. Пас  аз он ӯро таъқиб карданд. Ниҳоят зиндонияш намуданд. Даҳ солро дар зиндон бо ранҷу машаққатҳои бурунию дарунӣ пушти сар кард. Соли 1944 озод шуд. Соли 1951 боз ҳабсаш намуданд. Бояд понздаҳ сол дар зиндон менишаст, аммо баъди чор солу нуҳ моҳу сездаҳ рӯз, яъне моҳи ноябри соли 1955 афв шуд. Баъди озодӣ ба шаҳри Кӯлоб омад ва ба сифати посбон кор кард. «Қувватам барои иҷрои кори дигар намерасид. Пойҳоям дард пайдо карда буданд», - мегуфт ӯ.
Соли 1967 дар ин шаҳр маҳфили адибонро таъсис дода буданд. Чил нафар аз шумори шоирон бо навбат дар хонаи ҳамдигар ҷамъ меомаданду маҳфилро гарм медоштанд. Онро низ баъдҳо бастанд, ба ин баҳона, ки суҳбатҳои динӣ меороянд.
Аз ашъори пурсӯзи ӯст:
Дар зери меғи марг ниҳон офтоб шуд,
З-ин ғуссаву алам ҷигари халқ об шуд.
Оташ забона зад, дили мардум кабоб шуд,
Чанги аҷал ба мақсади худ комёб шуд.
Фарзанд рафт, дидаи равшан хароб шуд,
Дил об шуд, бирехт, ҷигарҳо кабоб шуд.
Фарзандаш Абдуқаҳҳор дар хидмат, дар сафи Қувваҳои Мусаллаҳ, берун аз ин кишвар вафот кард. «Бо пойи худ рафту бо пойи дигарон омад. Пас аз бист рӯзи он фарзанди дигарам Абдулвадудро бар хок супурдам», - мегуфт ӯ. Ва ҳам мегуфт, ки аз «Дафтари сабз» - аш  бихонем. Ба ҳар бор, ки онро мекушодам, чашмам нахуст ба ин мисраъҳо меафтод:
Дареғо, нури чашмам рафт, қувват рафту дармонам,
Ба шоми бекасӣ дар кунҷи узлат дидагирёнам.
Ба гардун мерасад ҳар шаб садои оҳу афғонам,
Зи ошӯби ғамат селоби хун резад зи мижгонам.
Ҷигарбандам, азизам,
меҳрубонам, риштаи ҷонам,
Куҷо қасди сафар кардӣ, суроғатро намедонам.

Чашмони обраву хаставу дардмандаш дигар хатро намедид.
Оре, сухан дар бораи Сомеъ Одиназода, он шоири маъруф, олими раббонӣ, хатоти моҳир, тарғибгари маърифат аст, ки бисту ду сол пеш дунёро падруд гуфт. Фасли хазон он замон ҳукм меронд ва дарахтон барг мерехтанд.
Ӯ ба ҳангоми видои дӯстону наздикон, агар ҳам барои чанд рӯз мебуд, ҳамеша  бо муҳаббату самимият мегуфт:
Эй дӯст, биё, ки мо туроем,
Бегона машав, ки ошноем.
Аммо имрӯз мисли ин аст, ки мо бегона шудаем. Чанд рӯз пештар ӯ яксаду даҳсола шуд. Ин санаро фаромӯш кардем ва бо баргузории маҳфиле, ҳамоише  аз ин инсони шариф ёд наёвардем, ҳатто дар шаҳри Кӯлоб. Ёди он барои тарбияи насли наврас, шинохти таърихи миллат ва ҳувияти миллӣ зарур аст, балки бисёр зарур.
Абдулқодири РАҲИМ, «Ҷумҳурият»


Баёни ақида (0)    Санаи нашр: 05.07.2017    №: 140    Мутолиа карданд: 497

19.11.2019


Тасдиқи Тартиби кори шабакаи иттилоотӣ-телекоммуникатсионии интернет аз рӯи технологияи Wi-Fi

Мулоқоти Ҷамолиддин Нуралиев бо Ҷон Гинкел

Тақвияти ҳамкориҳои иқтисодӣ матраҳ гардид

Туҳфаи Рустами Эмомалӣ барои сокинони шаҳри Хоруғ

Панкратион. Паҳлавони тоҷик чемпиони ҷаҳон шуд

18.11.2019


Таҷлили Рӯзи Президент дар шаҳри Хоруғ

Ҷаласаи вазирони корҳои хориҷии Осиёи Марказӣ дар Тошканд

Масъалаи сармоягузории хориҷӣ ба низоми бонкии Тоҷикистон матраҳ гардид

Путин БРИКС - ро кафили суботи ҷаҳон номид

Чаро ИМА ва Корея машқҳои муштаракро мавқуф гузоштанд?

ХДУ ва СРУ дар вилояти Киев "яке аз сарони ДИ" - ро боздоштанд

Туркия 23 террористро ба Қирғизистон истирдод мекунад

Ҷаҳон дар як сатр

Ҷоми ҷаҳон дар Бразилия монд

15.11.2019


Ҳамоиш бахшида ба Рӯзи Президент

Вохӯрии Ҷамшед Нурмаҳмадзода бо ҳайати Фонди қарзии кафолатии Тоҷикистон

Хонандагони тоҷик дар озмуни «Роботтехника» сазовори ҷойи дуюм шуданд

Талаби Си Ҷинпин аз ҳукуматдорони Ҳонконг

Фоҷиа. 90 дарсади Венетсия зери об монд

Дар Франсия таҷдиди Нотр - Дам боиси ҷанҷол шуд

Дар Ӯзбекистон лоиҳаи маърифатии «Як миллион барномасоз» роҳандозӣ мешавад

Ҷаҳон дар як сатр

14.11.2019


Мулоқоти Ҷамолиддин Нуралиев бо намояндагони «Moody’s Investors Service»

Оид ба имконоти рушди кӯдакон форуми байналмилалӣ доир мешавад

Тақвияти робитаҳои иқтисодию тиҷоратӣ бо музофоти Ҳубэй

Таэквондо. 22 медали варзишгарони тоҷик аз Бухоро

"Тулӯи ҳақиқат" дар Рӯзи Президент

Шумораи сайёҳон дар Россия беш аз 20 дарсад афзудааст

Ашқобод мизбони нишасти зиддитеррористии ниҳодҳои дипломатии кишварҳои ҳамсуд

Сарвазири Ҳиндустон вохӯрияш бо Путинро олиҷаноб номид

Сесад ҷангии «Давлати исломӣ» дар Афғонистон таслим шуд

Коломойский ба Украина рӯ ҷониби Россия оварданро пешниҳод намуд

Ҷаҳон дар як сатр

13.11.2019


Дар Осетия пайкараи Абулқосим Фирдавсӣ гузошта шуд


Дар сомонаҳои дигари Тоҷикистон хонед