logo

иҷтимоиёт

ТАНЗИМ. ЗИЁДАРАВИИ ШАХСОНИ МАНСАБДОР ПЕШГИРӢ ГАРДАД

Аз хотирҳо нарафта, ки даҳ сол қабл шаҳрвандон ҳини доир намудани тӯю маъракаҳои бодабдаба маблағҳои зиёд масраф менамуданд. Як идда аз ҳамсоя қафо намонам гуфта, аз ёру ошноҳо қарз мегирифтанд. Қисми дигар бо фоизи миёншикан рӯ ба бонкҳо меоварданд. Худнамоӣ мекарданду баъд солҳо аз пайи баргардондани қарз овора мегаштанд. Дар маросимҳои азо низ бенизомӣ зиёд буд. Маъракаҳои сею чилу сари сол, ҷумъагиву хотирҷамъӣ бо забҳи чорвои калон соҳибмаъракаро ба касодӣ меовард.
Қабл аз қабули Қонуни Ҷумҳурии Тоҷикистон «Дар бори танзими анъана ва ҷашну маросимҳо дар Ҷумҳурии Тоҷикистон» расму одатҳои хурофотӣ роиҷ ва теъдоди чорабиниҳо бағоят зиёд буданд. Амсоли тӯйи ақди никоҳ, маросимҳои хостгорӣ, ноншиканон, фотиҳаву сарупобарон, ордбезону сарупобинон, чойгаштаки духтарону нишастҳои дӯстони домод, ақди никоҳи давлатӣ, оши наҳору тӯйи калон, рӯбинону домодталбон, қудоталбон ва ҳоказо оилаҳоро соли дароз сарсону саргардон менамуданд.
Иҷрои қонун ба тадриҷ мушкилоти зиёди мардумро осон гардонд. Онҳо акнун дарк намуда истодаанд, ки қонуни мазкур танҳо бар манфиат асту он барои некуаҳволии халқ мусоидат мекунад. Ба қавле, мардум акнун нафаси озод кашида истодаанд. Алъон мардум аз ҳисоби камхарҷ доир намудани маъракаҳо маблағҳои зиёд сарфа менамоянд.
Аз рӯи ҳисоби оморӣ дар кишвар хароҷоти мардум дар баргузории маъракаҳо дар муқоиса ба солҳои пеш се маротиба кам гардидааст. Сарфи назар аз мушкилоти иқтисодӣ пасандози шаҳрвандон дар бонкҳо ҳамасола рӯ ба афзоиш аст. Акнун майли гирифтани қарз аз бонк барои  гузарондани маъракаҳо коҳиш ёфтааст.
Хушоянд аст, ки бо ибтикори Президенти Ҷумҳурии Тоҷикистон Эмомалӣ Раҳмон  дар ҷумҳурӣ такя ба анъанаи неки ниёгон баргузории тӯйҳои хайриявӣ ва дастаҷамъона ба ҳукми анъана даромада истодааст.
Тибқи иттилои омор, дар ин муддат дар ҳудуди кишвар хатнасури 85 ҳазор нафар тифл ва тӯйи домодиву арӯсии 5 ҳазор ҷуфти ҷавон аз оилаҳои камбизоат ба тариқи дастаҷамъӣ, бо ёриву мадади ҷавонмардони сахопеша, соҳибкорони хайрхоҳ баргузор шудааст. Ин иқдоми нек боис гашт, ки зиёда аз 96 ҳазор оила аз хароҷоти гузарондани маърака озод шаванд.
Аммо имрӯзҳо ҷо-ҷо аз ҷониби ашхоси мансабдор зиёдаравӣ ба назар мерасад, ки ин амали ноҷост. Сарвари давлат Эмомалӣ Раҳмон  дуруст зикр намуданд: «Бунёди ҷомеаи мутамаддин тақозо мекунад, ки расму оинҳоро аз зуҳуроти барои имрӯз ва ояндаи ҷамъият номатлуб тоза созем, онҳоро мутобиқи вазъи кунунии сиёсӣ, иҷтимоӣ, иқтисодӣ ва фарҳангӣ танзим намоем».
Вобаста ба ин, пешниҳод дорам, ки ҷавобгарӣ барои масъулони давлатӣ вазнинтар ва вақти баргузории тӯйи домодиву арӯсӣ то ду соат кам карда шавад. Хароҷоти болои мизи тӯй ҳадди муайян дошта бошад. Дар маросими чил ва сол – шумораи иштирокчиён аз нав дида баромада шавад.
Умари ШЕРХОН, адиб


Баёни ақида (0)    Санаи нашр: 06.07.2017    №: 141    Мутолиа карданд: 452

23.04.2019


ДЗЮ – ДО. Медали нуқраи Темур Раҳимов аз Чемпионати Осиё

Тиб. Муваффақияти камназири ҷарроҳони рус

Пирӯзии Зеленский дар интихоботи Украина

Фоҷиа дар Шри-Ланка Теъдоди қурбониён ба 300 нафар расид

Лукашенко Россияро ҳомии истиқлолияти Беларус номид

Ёрии низомию техникии Қазоқистон ба Тоҷикистон

Ҷаҳон дар як сатр

22.04.2019


НИММАРАФОНИ БАЙНАЛМИЛАЛИИ ДУШАНБЕ. Фенти Тилахан дар мақоми аввал

Ваҳдат ҳусни тоза мегирад

ХОРУҒ. Бунёди бинои шабакаи ёрии таъҷилӣ

19.04.2019


Вохӯрии Сироҷиддин Муҳриддин бо Жан - Батист Лемуан

Пойтахт ба таҷлили Рӯзи Ғалаба омодагӣ мебинад

Масоили рушди соҳаи маориф матраҳ гардид

Дар Донишгоҳи давлатии Данғара конфронси ҷумҳуриявӣ доир мешавад

Душанбе варзишгарони 15 кишварро ба ҳам меорад

Ҷаҳон дар як сатр

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр


Дар сомонаҳои дигари Тоҷикистон хонед