logo

иҷтимоиёт

"ШОҲИН". МАВСИМ ОҒОЗ ШУДА БОШАД ҲАМ...

Басти аввали мавсими истироҳат кайҳо оғоз шуда бошад ҳам, дар ин ҷо баҳри истироҳаткунандагони наврас як муҳити тоза ва рангину афсонавӣ ҳанӯз муҳайё нагардидааст. «Шоҳин» қаблан бо номи «Орлёнок» машҳур буд. Дар яке аз мавзеъҳои басо хушманзари соҳили «Баҳри тоҷик»  доман густурдаву  ҳавои мусаффою беғубор ва насими рӯҳбахш дорад. Бо мақсади шиносоии амиқтар роҳ сӯи «Шоҳин» гирифтем. Ҷавоне ҳозир гашта,  бо муаррифии «Ман старший пионервожатий Акбар Самадов» маро   то дафтари кории муовини директори ҶДММ «Шоҳин - БМТ» Умеда Раҳимова роҳбаладӣ кард.
Дар саҳни лагер корҳои таъмиру тармим идома меёфтанд. Дуртар аз бинои маъмурӣ зери дарахтон машқи пагоҳирӯзӣ бо забони ғайридавлатӣ мегузашт.
Умеда Раҳимова тазаккур дод, ки лагер дар масоҳати зиёда аз 23 гектар доман паҳн кардааст.  «Шоҳин» имкон дорад дар як навбат то 650 нафарро пазироӣ намояд, ҳоло бошад, дар оғози мавсим ҳамагӣ наздики 150 нафар истироҳаткунандагон омадаанду халос. Суол мекунам, ки шояд сабаб гаронии роҳхат бошад, ки  арзиши  10 рӯзи фароғат вобаста ба шароити зист аз 850 то 1000 сомониро ташкил медиҳад. Аммо масъулин сабаби теъдоди ками муштариёнро аз рафти имтиҳонот дар макотиби таҳсилоти миёнаи умумӣ арзёбӣ карданд.
Дар тамоми майдони лагер ба истиснои як - ду акси ҳайвон дигар ҷузъиёте, ки олами афсонавӣ, дунёи рангини бачаҳоро бозгӯ намояд, нест.
- Биёед, ба суолҳои шумо вобаста ба мазмуну мундариҷаи барномаҳо Фаридун Муҳсинзода посух диҳанд, - гуфт ӯ.
Фаридун Муҳсинзода нав сарвари лагер таъйин шудааст, таҷрибаи хуби корӣ дорад, зеро шаш сол дар лагери аҳамияти ҷумҳуриявидоштаи  «Уқобча» - и Деҳмойи ноҳияи Ҷаббор Расулов фаъолият дошт. Ӯ оид ба чӣ тавр ҷараён гирифтани басти аввали мавсими имсола, амал кардани  наздики 15 маҳфили гуногун, аз қабили кулолгарӣ, рассомӣ, омӯзиши забонҳои хориҷӣ, баргузории чорабиниҳои дигар нақл кард. Аммо аён буд, ки ҳанӯз дар лагер чунин фазову муҳит муҳайё нест. Мактабиён аз дарсҳо хаста шуда, баҳри осоиш ва фароғат ба лагер меоянд. Бо онҳо акнун дар ин ҷо на бо маърӯзахонӣ,  балки бо аёният, бо манзараҳо гуфтугӯ бояд кард.
Сарвари лагер дар иртибот ба таҳияи барномаи фароғатии истироҳаткунандагон тазаккур дод, ки то ин дам дар ин ҷо барномаҳо бо забони давлатӣ таҳия намешуданд. Дар  мавсими нав чунин як кӯшиш шуд. Имсол тибқи барнома наврасон метавонанд  дар давоми истироҳат  аз ҷойҳои таърихии вилоят - қасри «Арбоб», осорхонаи таърихӣ – кишваршиносӣ дидан кунанд. Албатта, натиҷаҳо ҳанӯз кифоя ва басанда нестанд. Имрӯз дар масъалаи шароити хуби зиндагӣ, истироҳат ва ғизо мушкилоте вуҷуд надорад, аммо барномаҳо бояд эҷодкорона бошанд.
1 июни соли ҷорӣ зимни машварати корӣ Сарвари давлат Эмомалӣ Раҳмон вобаста ба ташкили истироҳату фароғати кӯдакону наврасон дар истироҳатгоҳу лагерҳои наздимактабӣ роҳбарони вазорату идораҳои дахлдорро вазифадор карданд, ки ба ин масъала диққати ҷиддӣ диҳанд. Иншооти фарҳангию фароғатӣ самаранок истифода шаванд, шароити истироҳат ба меъёрҳои стандартӣ ҷавобгӯ ва барномаҳо рангину дилнишин бошанд.
Мутаассифона, дар «Шоҳин - БМТ» барномаи ҷолибе ба назар нарасид.
Ҷовиди АШТӢ,  «Ҷумҳурият»


Баёни ақида (0)    Санаи нашр: 06.07.2017    №: 141    Мутолиа карданд: 403

22.02.2019


Ҷаласаи Комиссияи сетарафаи танзими муносибатҳои иҷтимоию меҳнатӣ

Забони тоҷикӣ таърихи зиёда аз чорҳазорсолаи хату алифбо дорад

ББТ барои фаъолияти оператори низоми пардохтии “Осон” иҷозатнома гирифт

МАВСИМИ НАВИ ЛИГАИ ОЛӢ МОҲИ АПРЕЛ ОҒОЗ МЕГАРДАД

Путин самтҳои асосии сиёсати хориҷии Россияро тавзеҳ дод

Хадамоти вижаи 7 кишвари ИДМ машқи "Арарат-Антитеррор" мегузаронанд

Чин дар кайҳон неругоҳи барқи офтобӣ месозад

21.02.2019


ХУҶАНД. Оғози сохтмони бинои нави «Тоҷикстандарт»

ФУТБОЛ. Тақвими бозиҳои тими мунтахаби олимпии кишвар муайян гардид

Табибон аз Тотористон бо ҳампешаҳои тоҷики худ мубодилаи таҷриба мекунанд

Роҳандозии лоиҳаҳои инноватсионӣ дар Қазоқистон

Дар Ҳиндустон 13 иштирокдори тӯй зери чархи мошини боркаш монд

Сӯхтор сабабгори марги ҳафт кӯдак дар Канада

Ҷаҳон дар як сатр

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид


Дар сомонаҳои дигари Тоҷикистон хонед