logo

иҷтимоиёт

САДОҚАТ БА КАСБ САДОҚАТ БА МИЛЛАТ АСТ

Матлаби Гулнисо Неъматова – корманди Пажӯҳишгоҳи илмӣ – клиникии стоматология ва ҷарроҳии ҷоғу рӯйро, ки 13 марти соли 2017 дар рӯзномаи «Ҷумҳурият» ба табъ расида буд, бо шавқи зиёд мутолиа намудам. Иқрор мешавам, он маро водор сохт, ки дар иҷрои рисолати инсонӣ ва касбӣ бештару беҳтар масъулият эҳсос бикунам.
Воқеан, касбе, ки мо – хоҳарони шафқат интихоб намудем, агарчи мушкил аст, аммо пуршарафу пурифтихор низ мебошад. Ин касбро пешиниён машҳуру дӯстдоштанӣ карданд. Чӣ гуна? Албатта, бо хидмати софдилона, меҳру муҳаббат ва шафқати беандоза. Бемор аз табиб ҳаминро хоҳон мебошад. Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон  муҳтарам Эмомалӣ Раҳмон  зимни ироаи Паёми навбатӣ ба Маҷлиси Олӣ барҳақ иброз доштанд, ки «миллати солим таҳкурсии ҷомеаи солим мебошад». Зимни шарҳу баёни моҳияти ин суханони пурҳикмат Дилшод Давлатов, муовини директори Маркази миллии тиббии ҷумҳурӣ (ҳоло директори озмоишгоҳи миллии референсӣ), таъкид мекард, ки танҳо туфайли муҳаббат ва шинохти масъулияти касбӣ метавон ба натиҷаи дилхоҳ расид. Ҳамчунин, ба ҳидоят иброз медошт, ки аз хусусияти касбии мо – хоҳарони шафқат аст, ки барои дигарон бояд бизием, аммо он дар асл барои худ зистан аст.
Барҳақ, ин марди ба тамоми ҳастӣ дӯстдори касби худ шуълаҳои меҳри ин ихтисоси пешакардаро дар дили мо  - навхатмкунандагони коллеҷҳои тиббӣ афрӯхт. Падарона насиҳатамон мекард, ки дар омӯзиш, андӯхтани таҷрибаи пешқадам ҳеҷ гоҳ қонеъ набошем. Аз таъкидҳои ӯ аст, ки ба покизагии зоҳиру ботин бояд махсус аҳамият бидиҳем. Мегуфт, ки бо бемор тозарӯй ва хушсухан бошем. Аз ҳидоятҳои ӯ буд, ки беморро бо ҳамроҳии табиб метавон бо сухани хуш ва умедворкунанда ба шифои комил ёфтанаш табобат намуд.
Вақте мо аз рӯи ин тавсия бештару беҳтар амал мекардем, ба мушоҳида мерасид, ки бемор рӯҳу неруи тоза меёбад. Ин ҳама дар навбати худ моро шод мекард.
Дар муолиҷаи бемор шарти амонат ва ростиро низ бо таъкид ёдовар мешуд. Пас аз шарҳу тавзеҳи он мегуфт, ки ин панду раҳнамоии Буқротро ҳеҷ аз ёд набарем.
Ҳолиё меандешем, ки мо дар як муддати кӯтоҳ ба василаи ин фидоии пеша на танҳо андак-андак дониш андӯхтем, балки масъулиятшинос низ шудем. Мо дарёфтем, ки инсон барои инсон бояд муқаддас бошад. Ва ҳам бемор на танҳо ба табобат, балки ба шафқату меҳрубонӣ пур ниёз дорад. Дуруст аст, ки инсоне танҳо барои худ мезияду барои хушбахтии худ меандешад, ҳеҷ гоҳ на зиндагии хубу дуруст карда метавонад ва на хушбахт мегардад.
Моҳинав ҲАФИЗОВА,
хоҳари шафқати Маркази миллии тиббии ҷумҳурӣ


Баёни ақида (0)    Санаи нашр: 10.07.2017    №: 143    Мутолиа карданд: 455

21.11.2018


Аз таркиш дар Кобул беш аз 50 нафар ҳалок шуд

Ӯзбекистон нахустин намоишгоҳ-ярмаркаи байналмилалии содиротӣ мегузаронад

Могерини: «Иттиҳоди Аврупо «артиши аврупоӣ» ташкил карданӣ нест»

Табобати гепатити С дар Беларус аз арзонтарин дар Аврупост

Ҷаҳон дар як сатр

ДУШАНБЕ. Таҷлили нахустин ҷашни занони соҳибкор

ДЕВАШТИЧ. Тантанаи Рӯзи Президент

Иштироки мунтахаби футболи бонувон дар CAFA

20.11.2018


СУҒД. Оғози сохтмони раёсати маориф

ЛЕВАКАНТ. Конфронси илмӣ - назариявӣ ба ифтихори Иҷлосияи XVI

"Парасту" дар Тоҷикобод

Сарони кишварҳои Осиёи Марказӣ барои машварат дар Тошканд ҷамъ меоянд

Финляндия ҷонибдори ҳузури Россия дар Шӯрои Аврупо

Вазорати маорифи Афғонистон 30 ҳазор занро ба кор мегирад

Баррасии рушди инклюзивии иқтисоди қитъа дар Гвинея Папуаи Нав

Ҷаҳон дар як сатр

АНВАР ЮНУСОВ СОҲИБИ КАМАРБАНДИ WBF

"СОРО КОМПАНИЯ" ҒОЛИБИ ЛИГАИ КАСБИИ ФУТЗАЛИ ТОҶИКИСТОН

19.11.2018


ДЕВАШТИЧ. Авҷи созандагиҳо дар Ҷамоати деҳоти Яхтан

Артиши Сурия охирин истеҳкоми «ДИ» дар ҷануби кишварро зери назорат гирифт

Дар ҳама минтақаҳои Ӯзбекистон «мактаби президентӣ» месозанд

Роҳандозии барномаи махсуси давлатии ипотекӣ барои дӯзандагони Қирғизистон

Киштии зериобии «Сан Хуан» - ро дар уқёнуси Атлантика ёфтанд

Ҷаҳон дар як сатр

Кулишов: «Марзҳои ИДМ бо таҷҳизоти муосир таъмин карда мешаванд»

Дар Тоҷикистон омӯзгори забони англисӣ барои таблиғи «ДИ» 19 сол гирифт

Қазоқистон мубориза бо машруботро сахттар мекунад

Фоидаи туризм ба кадом шаҳри дунё бештар аст?

Ҷаҳон дар як сатр

"ИСТИҚЛОЛ" бори аввал барои Ҷоми чемпионҳои КФО мубориза хоҳад бурд

Омодагии тими миллӣ ба марҳилаи интихобии Ҷоми ҷаҳон – 2022

УСМОН ТОШЕВ САРМУРАББИИ НАВИ ДАСТАИ МУНТАХАБ

15.11.2018


Ҳамоиш бахшида ба Рӯзи Президент

Нурдинҷон Исмоилов ба Тоҷикистон меояд


Дар сомонаҳои дигари Тоҷикистон хонед