logo

ҳуқуқ

ТАНЗИМ. АЗ ПЕШГИРӢ ТО БАРТАРАФ НАМУДАНИ ҚОНУНШИКАНИҲО

Дар Прокуратураи генералии Ҷумҳурии Тоҷикистон ахиран ҷаласаи машваратии байниидоравӣ баргузор гардид. Дар он  роҳбарияти Кумитаи оид ба корҳои дин, танзими анъана ва ҷашну маросимҳои миллии назди Ҳукумати Ҷумҳурии Тоҷикистон, кормандони масъули Вазорати корҳои дохилӣ ва Раёсати бозрасии давлатии автомобилии ВКД ширкат варзида, натиҷаи санҷиши ҳолати иҷрои Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон»-ро мавриди баррасӣ қарор доданд.
Бино ба иттилои Прокуратураи генералии Ҷумҳурии Тоҷикистон, дар давраи амали қонун сатҳи камбизоатӣ дар мамлакат аз 53,3 дарсади соли 2007 то ба 30,3 дарсад дар соли 2016 паст гардида бошад ҳам, бинобар зоҳирпарастӣ, зиёдаравӣ ва паст гардидани сатҳи маърифати динии баъзе шаҳрвандон як қатор ҷашну маросимҳои миллӣ ва динӣ, ки бояд дар доираи хонавода ва наздикон гузаронда шаванд, ба маъракаҳои пурдабдаба ва серхароҷот табдил ёфтаанд. Зимни санҷишҳои прокурорӣ ва таҳлили вазъи иҷрои ин санади миллӣ дар фаъолияти маъмурияти тарабхонаҳо, ҳунармандон ва шаҳрвандони алоҳида камбудию қонуншиканиҳои зиёд, ба монанди дар маросими сабти давлатии ақди никоҳ истифода гардидани шумораи зиёди автомашинаҳои сабукрав, бо иштироки теъдоди зиёди меҳмонон гузарондани маъракаҳои хатнасур, оши тӯйи домодию арӯсӣ ва  чорабиниҳои бо қонун манъшуда муайян карда шуданд.
Гуфта шуд, ки мақомоти прокуратураи Ҷумҳурии Тоҷикистон ҷиҳати пешгирӣ, ошкор ва бартараф намудани қонуншиканиҳои ҷойдошта чораҳои эътиноии прокурорӣ меандешад.  Масалан, кормандони ин ниҳод бо натиҷаи санҷишҳои прокурорӣ ҷиҳати бартарафсозии қонуншиканиҳо ва сабабу шароитҳои ба содиршавии онҳо мусоидаткунанда унвони мақомоти иҷроияи маҳаллии ҳокимияти давлатии шаҳру ноҳияҳо, роҳбарони корхонаю ташкилотҳо ва муассисаҳо 163 пешниҳод ва 60 амр ирсол карда, ба санадҳои ғайриқонунӣ 12 эътироз овардаанд. Ҳамзамон, 204 нафар ба ҷавобгарии интизомӣ кашида шуда, нисбат ба 332 нафар парвандаи ҳуқуқвайронкунии маъмурӣ оғоз шудааст.
Дар ҷаласаи машваратии байниидоравӣ бо мақсади пурзӯр намудани назорати иҷрои қонуни танзим, пешгирӣ ва бартарафсозии қонуншиканиҳо, баланд бардоштани масъулияти комиссияҳои ҷамъиятӣ гурӯҳҳои кории доимоамалкунанда бо ҷалби шахсони мутасаддии Кумитаи оид ба корҳои дин, танзими анъана ва ҷашну маросимҳои миллӣ, Вазорати корҳои дохилӣ ва Раёсати бозрасии давлатии автомобилии ВКД созмон дода шуданд. Роҳбарияти Прокуратураи генералӣ ба ҳамаи паҳлуҳои масъалаҳои дар ҷаласа баррасишуда баҳои ҳуқуқӣ дода, барои бартараф намудани камбудию норасоиҳои ҷойдошта дар назди прокуророни вилоятҳо, шаҳру ноҳияҳо ва мақомоти дахлдор вазифаҳои мушаххас гузошт.
Додоҷон РӮЗИЕВ, «Ҷумҳурият»


Баёни ақида (0)    Санаи нашр: 10.07.2017    №: 143    Мутолиа карданд: 429

23.04.2019


ДЗЮ – ДО. Медали нуқраи Темур Раҳимов аз Чемпионати Осиё

Тиб. Муваффақияти камназири ҷарроҳони рус

Пирӯзии Зеленский дар интихоботи Украина

Фоҷиа дар Шри-Ланка Теъдоди қурбониён ба 300 нафар расид

Лукашенко Россияро ҳомии истиқлолияти Беларус номид

Ёрии низомию техникии Қазоқистон ба Тоҷикистон

Ҷаҳон дар як сатр

22.04.2019


НИММАРАФОНИ БАЙНАЛМИЛАЛИИ ДУШАНБЕ. Фенти Тилахан дар мақоми аввал

Ваҳдат ҳусни тоза мегирад

ХОРУҒ. Бунёди бинои шабакаи ёрии таъҷилӣ

19.04.2019


Вохӯрии Сироҷиддин Муҳриддин бо Жан - Батист Лемуан

Пойтахт ба таҷлили Рӯзи Ғалаба омодагӣ мебинад

Масоили рушди соҳаи маориф матраҳ гардид

Дар Донишгоҳи давлатии Данғара конфронси ҷумҳуриявӣ доир мешавад

Душанбе варзишгарони 15 кишварро ба ҳам меорад

Ҷаҳон дар як сатр

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр


Дар сомонаҳои дигари Тоҷикистон хонед