logo

иҷтимоиёт

ПАНҶАКЕНТ. МАРҲАЛАИ НАВИ СОЗАНДАГӢ ВА ШУКУФОӢ

Пас аз касби Истиқлолияти давлатӣ ва таҳкими сулҳу субот дар кишвар симои шаҳри бостонии Панҷакент ба куллӣ дигаргун шуд. Дар хиёбони Рӯдакӣ ва дигар кӯчаҳои шаҳр биноҳои баландошёнаи маъмурӣ, фарҳангӣ, истиқоматӣ, боғҳо ва гулгаштҳои зебою назаррабо сол ба сол зиёд мешаванд.
Дар партави сиёсати созандаи роҳбарияти олии мамлакат айни ҳол дар шаҳр бунёди 14 иншооти муҳими таъйиноти иҷтимоӣ, маишӣ ва фарҳангӣ идома дорад, ки ба зудӣ мавриди истифода қарор хоҳанд гирифт. Бо мақсади ҳамоҳангсозии фаъолият, ҳалли мушкилоти ташкилотҳои сохтмонӣ ва суръат бахшидани корҳо таҳти роҳбарии раиси шаҳр Ислом Зиёзода ситоди доимоамалкунандаи мақомоти иҷроияи маҳаллии ҳокимияти давлатии шаҳр фаъолият мекунад.
Имрӯзҳо дар шафати бинои мавҷудаи таваллудхонаи шаҳр сохтмони бинои  иловагии табобатгоҳ аз  ҳисоби буҷети шаҳр босуръат идома дорад. Он аз таҳхона ва се ошёна иборат хоҳад буд. Дар таҳхона насби таҷҳизоти ҳозиразамони тиббӣ ва кушодани ташхисгоҳи муосир дар назар аст. Дар  ҳуҷраҳои табобатии ин бино 80 кат ҷой дода хоҳад шуд. Ислом Зиёзода зимни мулоқот бо сохтмончиён изҳор дошт, ки дар таъмини маблағ барои  бунёди  иншоот  мушкилӣ пеш намеояд. Биноро ташкилоти сохтмонии ҶСК «Асл» месозад. Ҳоло дар ин ҷо 30 нафар дар ду баст кор мекунад.
Дар канори рости майдони Деваштичи шаҳр  соҳибкор Нурулло Суюшев тӯйхона бунёд менамояд. Дар  ошёнаи якуми бино нуқтаҳои тиҷоратӣ фаъолият хоҳанд кард. Гузашта аз ин, қарор аст, дар назди даромадгоҳи асосӣ фаввора гузошта шуда, майдончаи назди он гулкорӣ шавад. 
Соҳибкори муваффақ Исломиддин Бобоев дар паҳлуи боғи истироҳатии назди Осорхонаи ҷумҳуриявӣ бинои 5-ошёнаи истиқоматӣ ва тиҷоратию маишӣ месозад. Мавсуф зикр кард, ки  се ошёнаи боло аз шаш хонаи сеҳуҷрагӣ иборат аст. Дар ошёнаҳои якуму дуюм маркази тиҷоратӣ ва коргоҳи дӯзандагӣ фаъолият хоҳанд кард.
Варзишгоҳи марказии шаҳри Панҷакент низ имрӯзҳо бозсозӣ мегардад. Он соли 2008 ба муносибати ҷашни 1150-солагии устод Рӯдакӣ навсозӣ шуда буд. Пас аз бозсозии навбатии қисматҳои ғарбию шимолӣ, варзишгоҳ дорои 6000 ҷойи нишаст хоҳад шуд. Фармоишгари сохтмон идораи сохтмони асосии вилоят буда, корҳои бозсозиро ҶДММ «ПМК- 278» ба уҳда гирифтааст.
Ба муносибати Соли ҷавонон эълон шудани соли 2017 бо ибтикори мақомоти иҷроияи маҳаллии ҳокимияти давлатии шаҳри Панҷакент, аз ҳисоби буҷет ба маблағи 7 миллион сомонӣ, дар хиёбони Рӯдакӣ бинои боҳашамати Маркази ҷавонон қомат меафрозад.
Мақомоти иҷроияи ҳокимияти давлатии вилояти Суғд ва шаҳри Панҷакент тасмим гирифтаанд, ки дар назди ин бинои бошукӯҳ муҷассамаи Шоири халқии Тоҷикистон Лоиқ Шералиро гузоранд. Дар асоси  маслиҳату машварат бо гурӯҳи коршиносону фарҳангиён пайкараи собиқи Лоиқ Шералӣ дар ҷои зебоманзари зодгоҳи устод-деҳаи Мазори Шариф, дар пасманзари кӯҳҳои Чилмеҳробу Лайлӣ  ва арчазори ҳамешасабз, ки манбаи илҳоми саршори устоди барҷастаи шеъри навини тоҷик буд, гузошта хоҳад шуд, ки ин ҳама созандагиҳо ҳусни шаҳри бостонии Панҷакентро боз ҳам бештар менамояд.
Додоҷон  РӮЗИЕВ,
Луқмонҷон  ҚУРБОНОВ


Баёни ақида (0)    Санаи нашр: 13.07.2017    №: 146    Мутолиа карданд: 526

20.06.2019


Гумерова: «Омӯзгорони рус дар Тоҷикистон мондан мехоҳанд»

СММ: «Ҳиндустон дар нуфуси аҳолӣ баъди 8 сол аз Чин мегузарад»

Пекин тавсеаи ёрии иқтисодӣ ва башарӣ ба Сурияро зарур мешуморад

Дар Ҷопон ҷазои ҷисмонии кӯдаконро манъ карданд

Ҷаҳон дар як сатр

19.06.2019


Дар Кӯлоб Фестивали ҷумҳуриявии дӯстии ҷавонон баргузор шуд

Баррасии вазъ ва дурнамои ҳамкориҳо

Боздид аз Муассисаи давлатии «Боғи миллии Ваҳдат”

ПАНҶАКЕНТ. Омодагиҳо ба ҷашни фархунда

Писарбачаи тоҷик дар Хабаровск дӯсташро аз чоҳи оби ҷӯш наҷот дод

Тоҷикистону Беларус: «Муҳокимаи тақвияти ҳамкориҳои низомӣ»

Си Ҷинпин азми сафари Ҷумҳурии Халқии Демократии Корея дорад

Ҷаҳон дар як сатр

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад

Ҷаҳон дар як сатр

ФАРХОР. Бонувон ба ҳунаромӯзӣ ҳавасманд мешаванд

"Куллиёт" - и Миробид Саййидои Насафӣ

04.06.2019


Лукашенко: "Эмомалӣ Раҳмонро оммаи мардум интизор аст"

Бунёдкорони роботтехникаи Россия ва Чин дар Владивосток ҷамъ омаданд

Ҷаҳон дар як сатр

Машварати сиёсии вазоратҳои корҳои хориҷии Тоҷикистон ва Белгия

Муаррифии портали хизматрасониҳои электронӣ барои андозсупорандагон

Дар ноҳияи Рашт конфронси минтақавӣ баргузор мегардад


Дар сомонаҳои дигари Тоҷикистон хонед