logo

иқтисод

ВОСЕЪ. НОРАСОИИ ОБИ ТОЗА Ё МУШКИЛЕ, КИ РЕША БА 70 СОЛИ ГУЗАШТА ДОРАД

Деҳаи Оқҷари Ҷамоати деҳоти ба номи Миралӣ Маҳмадалиеви ноҳияи Восеъ аз ҷумлаи рустоҳоест, ки сокинонаш чандин сол боз аз оби тозаи ошомиданӣ танқисӣ мекашанд. Ин масъала мардумро водор сохтааст, ки оби тозаро аз маркази ноҳия, бо мушкил дастрас намоянд.

Чанде пеш аз номи сокини ин деҳа Моҳсафар Табарова ба рӯзномаи «Ҷумҳурият» мактуби шикоятӣ ворид шуд, ки дар он, аз ҷумла омадааст: «Солҳои дароз аст, ки мо - аҳли деҳа дар масъалаи оби нӯшиданӣ танқисӣ мекашем. Ба мардуми деҳа ҳар дафъа дар ҳамон хати обрав, ки 35-40 сол пеш собиқ раиси хоҷагии ба номи Ленини ноҳия - Миралӣ Маҳмадалиев сохта буд ва кайҳо фарсуда шудааст, об сар медиҳанд. Қариб ҳар моҳ пойгоҳҳои обкашӣ вайрон шуда, мардум бо хару ароба аз роҳҳои дур об мекашанд».
Номаи ин шаҳрванд ба идораи рӯзнома, моро барои омӯзиши масъала ба ноҳияи Восеъ бурд. Баробари ба деҳа ворид шудан, ба мушоҳида гирифтем, ки мардум воқеан ҳам бо хару ароба об мекашанд. Ин худ далели он аст, ки сокинони деҳа, дар ҳақиқат, аз оби ошомиданӣ танқисӣ мекашидаанд. Муҳаррики пойгоҳҳои обкаширо, ки сӣ сол пеш насб шудааст, то ҳанӯз иваз накардаанд. Гузашта аз ин, ин муҳаррикҳо иқтидори ҳамаи кӯчаҳоро бо об таъмин кардан надоранд. Ин дар ҳолест, ки деҳаи Оқҷар аз чоҳҳои амудӣ обёрӣ мешавад.

20 рӯзи беобӣ ва қарздории муаллифи мактуби шикоятӣ

Наврӯз Абдуллоев, сокини деҳа, иброз дошт, ки давоми моҳи июн  ба деҳа 20 рӯз об  наомад ва онҳо оби ошомиданиро аз дигар деҳаҳо ва маркази ноҳия дастрас намуданд. Дар ҳамин ҳол, ба гуфтаи Сафаралӣ Шарифов, корманди пойгоҳи обкашии ҷамоат муҳаррикҳои обкаш муҳлати истифодаашон гузашта, зуд - зуд вайрон мешаванд. «Мувофиқи нақша бояд дар фасли тобистон саҳару бегоҳ 6 - соатӣ ва зимистон 3 - соатӣ об расонем, аммо бинобар фарсуда будани дастгоҳҳо, 2-3 соат имкони обтаъминкунӣ ҳасту халос. Қубурҳо низ пӯсидаанд, ки боиси талаф ёфтани об мегардад».
Набӣ Зарифов, сардори Корхонаи фаръии давлатии обу корези ноҳия, зикр кард, ки сабаби дар моҳи июни соли равон 20 рӯз бе об мондани сокинони деҳаи Оқҷар ин сари вақт пардохт нашудани ҳаққи истифодаи об мебошад. Барои ҳар дафъа таъмир кардани муҳаррикҳои обкаш аз 7 то 10 ҳазор сомонӣ лозим аст. Аммо вақте сокинон маблағи истифодаи обро пардохт намекунанд, корхона аз кадом ҳисоб онро бояд таъмир кунад? Имрӯз қарзи пойгоҳҳои обкашии ноҳия аз ҳаққи истифодаи неруи барқ 84 ҳазор сомонӣ ва қарзи аҳолӣ аз оби ошомиданӣ зиёда аз 600 ҳазор сомониро ташкил медиҳад.
Ба маълумоти сардори корхона муаллифи мактуби шикоятӣ Моҳсафар Табарова низ аз ҳаққи истифодаи об 180 сомонӣ қарздор аст.

Мушкил танҳо оби нӯшиданист
Тавре мушоҳида кардем, дар Ҷамоати деҳоти Оқҷар ҳавзи калоне мавҷуд аст, ки аз дарёи Сурхоб сарчашма мегирад ва тариқи канал ба деҳа ҷорӣ мешавад. Киштаҳои замини назди ҳавлии Моҳсафар низ аз он гувоҳӣ медод, ки оби корезиашон фаровон аст. Зеро дар замин дарахт, сабзавот ва анвои дигари маҳсулоти кишоварзӣ хуб нашъунамо кардаанд. Ҳарчанд Моҳсафар дар мактубаш аз оби корезӣ низ шикоят кардааст, аммо дар суҳбат бо мо гуфт, ки танҳо аз оби ошомиданӣ танқисӣ мекашанд.
Маҳмадхон Орифов ин далелро тасдиқ карда, зикр сохт, ки Ҷамоати деҳоти ба номи Миралӣ Маҳмадалиев дар ноҳия ягона ҷамоатест, ки дар 2701 гектар замини корамаш мушкили оби полизӣ дида намешавад. Камбуди оби нӯшиданӣ низ солҳои наздик ҳалли худро хоҳад ёфт. Зеро дар асоси як лоиҳа, ки онро Бонки ҷаҳонӣ маблағгузорӣ мекунад, бояд охири сол корҳои сохтмонӣ оғоз гарданд. Баъди амалӣ шудани ин лоиҳа имкон пайдо мешавад, ки дар ҳар хона ҷумаки об насб карда шавад.

Аз даъвои шаҳрванд то инкори раис
Моҳсафар Табарова гуфт, ки ҳарчанд дар бораи чанд ҳафта набудани об ба раиси ҷамоат ва ноҳия муроҷиат карда бошем ҳам, шикояти моро нодида гирифтанд. Маҷбур рӯзи шанбе ба қабули раиси ноҳия рафтем. Ба мо гуфтанд, ки «Имрӯз раис ҳеҷ касро қабул намекунад».
Мӯсо Ғафурзода, раиси ноҳияи Восеъ, зимни суҳбат иброз дошт, ки даъвои шаҳрванд Моҳсафар Табарова ягон асос надорад. Номи ӯ ҳатто дар дафтари муроҷиати шаҳрвандон сабт нашудааст. Ба гуфтаи раиси ноҳия норасоии оби ошомиданӣ, дар ҳақиқат, вуҷуд дорад. Ин мушкилот ҳафтод сол боз мавзӯи баҳс мебошад. Дар Деҳаи Оқҷар ҳатто дар давраи шӯравӣ низ ин мушкилот вуҷуд дошт. Аз рӯи ҳисобҳои пешакӣ барои пурра таъмин кардани аҳолии ноҳия бо оби ошомиданӣ 16,5 миллион доллари амрикоӣ зарур аст.
Аз суҳбату мушоҳидаҳо ба чунин хулоса омадан мумкин аст, ки мушкили норасоии оби ошомиданӣ дар деҳаи Оқҷари ноҳияи Восеъ танҳо фарсуда шудани муҳаррикҳои обкаш мебошад, ки муҳлати истифодаашон кайҳо гузаштааст. Роҳбарияти мақомоти иҷроияи маҳаллии ҳокимияти давлатии ноҳия ва масъулони дигар ниҳодҳои дахлдор бояд барои ҳалли мушкилоти ҷойдошта чораҳои саривақтӣ ва судманд андешанд. Вале аз ҷониби дигар сокинон низ гоҳ – гоҳе аз худ бояд пурсанд, ки шахсан чӣ кори хубе дар ин самт карда метавонанд. Сар карда аз сари вақт супоридани маблағи истифодаи об, албатта.
Лашкар ШАРИФ, «Ҷумҳурият»


Баёни ақида (0)    Санаи нашр: 13.07.2017    №: 146    Мутолиа карданд: 615

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"

Ҷаҳон дар як сатр

08.07.2019


Баррасии ҷараёни иҷрои Барномаи давлатии тарбияи ватандӯстӣ ва таҳкими ҳувияти миллии ҷавонон

"Душанбе - қалби Тоҷикистон"

Ҳамоиш оид ба таҳияи маҳсулоти сайёҳӣ

Россия нахусткайҳоннаварди арабро бо ғизои махсус таъмин месозад

Зиёни иқтисодии Гурҷистон аз коҳиши сайёҳони рус беш аз $700 миллион хоҳад шуд

Дар Қазоқистон то соли 2021 нияти ифтитоҳи 20 мактаби олӣ ва 180 коллеҷро доранд

СММ: "Қирғизистон нахустин кишварест, ки мушкили бешаҳрвандиро ҳал кард"

Зеленский пурра иҷро кардани созишномаи Минскро ваъда дод

Ҷаҳон дар як сатр

04.07.2019


Ҷаласаи Комиссияи муштараки ҳамкории иқтисодию тиҷоратии Тоҷикистону Покистон

Масъалаи татбиқи ҳамгироии сиёсати давлатии ҷавонон баррасӣ гардид

ФУТБОЛ. Чемпионати АФОМ дар Тоҷикистон мегузарад

Омӯзгоронро барои кор дар Тоҷикистон ва Қирғизистон интихоб менамоянд

Сарвазири Италия пазироии самимии Путинро ваъда кард

Дар Минск паради низомӣ бахшида ба Рӯзи Истиқлолияти Беларус доир гашт

Путин шартҳои муколамаи Москва ва Киевро ном бурд

Суд ба маъмурияти Трамп истифодаи маблағи Вазорати мудофиаро барои деворсозӣ манъ намуд

Ҷаҳон дар як сатр

02.07.2019


Тақвияти ҳамкориҳо бо БАТР

Мулоқоти Исматулло Насредин бо Умар Аюб Хон

Озмунҳои «Маҳаллаи беҳтарин» ва «Кӯчаи беҳтарин» баргузор мешаванд


Дар сомонаҳои дигари Тоҷикистон хонед