logo

фарҳанг

СУННАТҲОИ ТАЪРИХИВУ ФАРҲАНГӢ. САДОҚАТ БА ОНҲО РОҲИ МУАССИРИ МУБОРИЗА БО ИФРОТГАРОИСТ

Мавҷи бесобиқаи терроризм ва ифротгароӣ имрӯз ба хатари бузурги глобалӣ табдил ёфта, оқибатҳои фоҷиабору дарозмуддати ҷамъиятию сиёсӣ ва маънавиро ба бор меорад. Чунин воқеият моро водор менамояд, ки пайгирона дар ҷустуҷӯи роҳҳои муассири решакан кардани сарчашмаҳои дастгирии сиёсӣ, низомӣ ва молиявии он бошем.
Бо зикри ин нуктаи муҳим дар саммити сарони давлатҳои олами арабу ислом ва Амрико, ки дар Арабистони Саудӣ 21 майи соли 2017 баргузор гардид, Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон махсус таъкид карданд, ки пирӯзӣ бар терроризм танҳо бо истифода аз неруи низомӣ ғайриимкон аст. Аз ин лиҳоз, омилҳои воқеӣ, моддӣ ва маънавие, ки терроризм ҳамчун зуҳурот аз онҳо маншаъ мегирад, бояд муайян ва пурра омӯхта шаванд. 
Барои дарки дурусти аҳамият ва моҳияти ин мавзӯи мубрами рӯз дар ҷомеа олимон, муҳаққиқон ва коршиносони ватанию хориҷӣ пажӯҳишҳои қобили мулоҳиза анҷом додаанд. Онҳо ба паҳлуҳои гуногуни ин масъала рӯшанӣ андохта, роҳу василаҳои баромадан аз ин мушкилоти воқеан глобалиро  пешниҳод менамоянд. Таҷрибаи омӯзиши чанд соли охир собит сохтааст, ки раванди ба гурӯҳҳои экстремистӣ ва террористӣ пайвастани ҷавонон, алалхусус гурӯҳи ба ном «Давлати исломӣ» аз роҳҳои муассиру пуртаъсири ҷалб ва ташвиқи андешаҳо корандозӣ мегардад. Эътироф бояд намуд, ки мубаллиғони гурӯҳҳои ифротӣ фаъолияти худро аз таблиғоти содаву таъсирнок оғоз карда, баъд аз мураккабтарин роҳу василаҳо, назири воситаҳои муосири иттилоотӣ, расонаҳои электронӣ ва моҳвораю шабакаҳои иҷтимоӣ ҳадафмандона истифода мебаранд.
Дар Тоҷикистони соҳибистиқлол барои пешгирии гаравиши ҷавонон ба ҳизбу ҳаракатҳои ифротгаро ниҳодҳои қудратии кишвар, ташкилоту идораҳои дахлдор, муассисаҳои таҳсилоти миёнаи умумӣ ва олии касбӣ, созмонҳои  ҷамъиятӣ, шабакаҳои телевизион ва радио, матбуоти даврӣ тадбирҳои муассир андешида, ба натиҷаҳои назаррас ноил гаштаанд. Аммо дар ин самт ҳанӯз ҳам масъалаҳои ҳалталаб кам нестанд. Аз ҷумла, нокифоягии сатҳи маърифати ҳуқуқии аҳолӣ, риоя нагардидани ҳуқуқу озодиҳои шаҳрвандон, зуҳуроти беадолатӣ ва пайдо шудани ҳолатҳои коррупсионӣ метавонанд ба афзоиши рӯҳияи тундгароӣ ва ҳассосияти мардум ба таблиғоти  иғвогарона  замина гузоранд. Дар ин маврид бояд ба мардум, бахусус ҷавонон хатари экстремизму терроризм, бо овардани мисолҳои мушаххас фаҳмонда шавад. Оид ба ҷиноятҳои хусусияти террористиву экстремистидошта дар шабакаҳои телевизионӣ ва матбуоти даврӣ рубрикаи алоҳида ташкил намуда, зери он шахсони ба ин гурӯҳҳо мусоидаткунанда, мақсадҳои ғаразноки ҷинояткорон ва шахсони гумроҳ фош гарданд.
Дар ростои мубориза бо ифротгароӣ 18 марти соли 2015 дар Кодекси ҷиноятии Ҷумҳурии Тоҷикистон эзоҳе илова гардида буд, ки зикри онро ба мақсад мувофиқ меҳисобем: «Шахсе, ки ихтиёрӣ аз иштироки ғайриқонунӣ дар ваҳидҳои мусаллаҳ, задухӯрдҳои мусаллаҳона ё амалиётҳои ҷангӣ дар ҳудуди дигар давлатҳо то қатъ гардидани фаъолияти воҳиди  мусаллаҳ, анҷом ёфтани задухӯрди мусаллаҳона ё амалиёти ҷангӣ даст мекашад, агар дар кирдори ӯ аломатҳои таркиби ҷинояти дигар мавҷуд набошанд, аз ҷавобгарии ҷиноятӣ озод карда мешавад». Ин беҳтарин гузашт аст, то пеши роҳи гароиши наврасону ҷавонон ба гурӯҳҳои экстремистӣ ва террористӣ гирифта шавад. 
Насли наврас ҳамчун сарчашмаи асосии созандагӣ ва бунёдкорӣ барои пешрафту шукуфоии Тоҷикистони азиз нақши муҳим дорад. Наврасони мо бояд дар рӯҳияи эҳтиром ба инсон тарбият гирифта, новобаста аз мансубияти миллӣ ва мазҳабӣ барои онҳо шароитҳое  муҳайё  намудан лозим аст, ки аз зуҳуроти иттилооти манфӣ дар канор бошанд. Мо дар якҷоягӣ ин мушкилотро омӯхта, оид ба пешгирӣ ва фаҳмондадиҳии хатари фаъолшавии унсурҳои тундраву ифротгаро пайваста заҳмат кашида, дар таъмини рушди устувори кишвар масъул ҳастем. Имрӯз моро дар ин самт таваҷҷуҳи зиёдтаре мебояд. Зеро таҳдиду хатарҳои ҷаҳони муосир ҳар як фарди  бонангу номуси миллатро муваззаф месозанд, ки дар таҳкими пояҳои давлатдорӣ, таърих ва фарҳанги безаволи миллӣ, арзишу муқаддасоти динию мазҳабӣ, баланд бардоштани нуфузи байналмилалии Тоҷикистони соҳибистиқлол нақши чашмрас гузорад. 
Сафаралӣ  СОБИРОВ,
мудири шуъбаи маорифи ноҳияи Ёвон


Баёни ақида (0)    Санаи нашр: 14.07.2017    №: 147    Мутолиа карданд: 412

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд


Дар сомонаҳои дигари Тоҷикистон хонед