logo

иҷтимоиёт

САМАРАИ САРФАКОРӢ ВА 684 ҲАЗОР СОМОНӢ БА НИЁЗМАНДОН

Дар ноҳияи Восеъи вилояти Хатлон ҷиҳати риоя ва иҷрои муқаррароти Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» ва пешгирӣ аз хурофоту зиёдаравӣ дар байни сокинон тадбирҳои муассир андешида мешаванд.
Бино ба иттилои Эмомалӣ Исмоилов, иҷрокунандаи мудири бахш оид ба корҳои дин, танзими анъана ва ҷашну маросимҳои миллии назди мақомоти иҷроияи маҳаллии ҳокимияти давлатии ноҳия, шахсони саховатпеша моҳияти ин қонуни зиндагисозро дарк карда, ба ҷойи маъракаҳои серхароҷот табақаи ниёзманди аҳолиро пайваста дастгирӣ менамоянд. Аз ҷониби саховатмандон, роҳбарони хоҷагиҳои деҳқонӣ, соҳибкорон ва иттиҳодияҳои динии ноҳия дар арафаи Иди саиди Фитр ба оилаҳои камбизоат, иштирокчиёни Ҷанги Бузурги Ватанӣ, қаҳрамонону собиқадорони меҳнат ва шахсони ба онҳо баробар, ҷанговарони башардӯст, иштирокчиёну маъюбони садамаи Чернобил, ятимони кулл, бепарасторон, мактаб - интернати хонандагони лаёқатманди ноҳия ёриҳои яквақтаина ба маблағи зиёда аз 684 ҳазор сомонӣ расонда шуд. Ҳамчунин, дар нимсолаи аввал тӯйи хайриявии хатнасури 100 нафар кӯдакони ниёзманд гузаронда шудааст.
- Баъди қабули Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон»  дар ноҳия харҷу сарфи барзиёд хеле кам гардида, баргузории ҷашну маъракаҳо ба низоми муайян даромада бошад ҳам, омӯзиш, таҳлил ва мушоҳидаҳо нишон медиҳанд, ки аз ҷониби шахсони алоҳида ҳамоно қонуншиканиҳо ба назар мерасанд. Фаъолияти аксари комиссияҳои доимӣ ҷиҳати назорат аз болои рафти иҷрои қонун ҳанӯз қонеъкунанда нест, - гуфт Эмомалӣ Исмоилов.
Дар нимсолаи аввал дар ноҳия шаш ҳолати қонуншиканӣ ба қайд гирифта шудааст. Дар ин давра 967 маърака гузаронда шуда, хароҷоти умумӣ беш аз 3 миллион сомониро ташкил додааст. Ба иттилои манбаъ, дар асоси Қонуни Ҷумҳурии Тоҷикистон «Дар бораи озодии виҷдон ва иттиҳодияҳои динӣ» дар ин давра бо қарори раиси ноҳия фаъолияти 48 масҷиди ғайрирасмӣ қатъ гардида, 19 адади он ба кумитаи маҳал, 27 адад маркази фарҳангию фароғатӣ, 2 адад бунгоҳи тиббӣ ва як адад ба китобхона табдил дода шудаанд.
- Яке аз масъалаҳои муҳими дигар ин аз хориҷи кишвар баргардондани муҳассилини мактабҳои динии ғайрирасмӣ мебошад. Аз 75 нафар сокини ноҳия 67 нафараш ба Ватан баргардонда шуд, - иброз дошт Эмомалӣ Исмоилов.
Лашкар ШАРИФ, «Ҷумҳурият»


Баёни ақида (0)    Санаи нашр: 14.07.2017    №: 147    Мутолиа карданд: 442

23.04.2019


ДЗЮ – ДО. Медали нуқраи Темур Раҳимов аз Чемпионати Осиё

Тиб. Муваффақияти камназири ҷарроҳони рус

Пирӯзии Зеленский дар интихоботи Украина

Фоҷиа дар Шри-Ланка Теъдоди қурбониён ба 300 нафар расид

Лукашенко Россияро ҳомии истиқлолияти Беларус номид

Ёрии низомию техникии Қазоқистон ба Тоҷикистон

Ҷаҳон дар як сатр

22.04.2019


НИММАРАФОНИ БАЙНАЛМИЛАЛИИ ДУШАНБЕ. Фенти Тилахан дар мақоми аввал

Ваҳдат ҳусни тоза мегирад

ХОРУҒ. Бунёди бинои шабакаи ёрии таъҷилӣ

19.04.2019


Вохӯрии Сироҷиддин Муҳриддин бо Жан - Батист Лемуан

Пойтахт ба таҷлили Рӯзи Ғалаба омодагӣ мебинад

Масоили рушди соҳаи маориф матраҳ гардид

Дар Донишгоҳи давлатии Данғара конфронси ҷумҳуриявӣ доир мешавад

Душанбе варзишгарони 15 кишварро ба ҳам меорад

Ҷаҳон дар як сатр

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр


Дар сомонаҳои дигари Тоҷикистон хонед