logo

иҷтимоиёт

ЭСТАКАДА. ИНШООТИ БУЗУРГТАРИН ДАР МИНТАҚА ПЕШ АЗ МУҲЛАТ СОХТА МЕШАВАД

Бунёдкорони роҳи сесатҳа дар буриши хиёбонҳои Бобоҷон Ғафуров ва Нусратулло Махсум, ки сохтмонаш 22 июли соли 2016 оғоз ёфта буд, ният доранд онро то моҳи январи соли оянда мавриди баҳрабардорӣ қарор диҳанд.

- Барои мукаммал шудани эстакада дар маҳаллаи 82-юми пойтахт аз 20 то 27 иншоот ба истифода дода мешавад, ки танбадеворҳо барои дохилшавӣ ба пули болои роҳ, пул дар болои роҳ дар буриши роҳи гирдогирд, танбадеворҳои гузаргоҳи зеризаминӣ ва девори зеризаминии поёнӣ аз калонтаринҳо ба ҳисоб мераванд, - мегӯяд Аброр Музаффаров, менеҷери лоиҳа аз тарафи фармоишгар. - Ҳоло беш аз 50 дарсади корҳои сохтмонии ин иншоот ба анҷом расидаанд.
Тибқи супориши Ҳукумати кишвар ҳамаи иншооти коммуникатсионии дар зери роҳ ҷойгирбуда, аз қабили шабакаҳои гармидиҳӣ, хатҳои оби нӯшиданӣ, алоқа, барқи баландшиддат (зиёда аз 110 киловатт) ва канализатсия берун бурда мешаванд. Айни замон ин корҳо бо суръат идома доранд.  Гузашта аз ин, дар чор самт бунёди роҳҳои зеризаминии тӯлонӣ (паҳноӣ 7 метр) ва роҳҳои пиёдагард  (паҳноӣ 2-3 метр) ҷараён доранд. Баъдан сабзкорӣ, шинондани дарахтони декаративӣ, таъмини об, равшанидиҳӣ, хати нави барқ барои троллейбус ва инфрасохтори шаҳраки бехатар барқарор мегарданд.
Вақт то моҳи январ ниҳоят кам аст ва мутасаддиён тамоми кӯшиши худро барои сари вақт ва бо сифати баланд иҷро кардани корҳо равона намудаанд. Ба ҳамин мақсад реҷаи кории шабонарӯзӣ ҷорӣ шудааст. Тибқи қоида битон дар ҳарорати аз 30 дараҷа баланд рехта намешавад, зеро вай хусусиятҳои худро гум мекунад. Бинобар ин, коргарон аз соати 12 то 15 истироҳат мекунанд ва баъдан, корҳоро  шаб ҳам давом медиҳанд.
Ричард Бел, мушовир аз ширакати SAI SYSTRA GROUP, зимни суҳбат иброз дошт, ки дар ҳоли ҳозир корҳои бунёдӣ мувофиқи барнома ҷараён доранд. Ба уҳдаи ширкати машваратӣ - SAI  consalting, ки таҳиягари лоиҳа мебошад, назорати корҳои сохтмонӣ вогузор шудааст. 
- Ин якумин иншоот дар минтақа мебошад, ки аз се сатҳ иборат хоҳад буд. Барои ман ҳамчун машваратчӣ иштирок намудан дар ин лоиҳаи бузург боиси ифтихор мебошад. Агар ман ҳамчун шаҳрванди хориҷӣ фикри шахсиямро баён дорам, пас бояд гуфт, ки дар Тоҷикистон ба ғайр аз ин, сохтмони иншооти муҳиму бузург - Неругоҳи барқи обии Роғун ҷараён дорад. Агар ба ҳамин минвол идома ёбад, солҳои наздик Тоҷикистонро метавон дар қатори кишварҳои пешрафта дид, - афзуд Ричард Бел. 
Ба гуфтаи Ричард Бел, корҳои сохтмонӣ аз рӯйи ҳуҷҷати қарордодӣ дар доираи стандартҳои байналмилалӣ ҷараён доранд. Баъзе дигаргуниҳо вобаста ба архитектураи шаҳри Душанбе мувофиқа карда мешаванд. Баъд аз сохта ба итмом расондани эстакада ин қитъаи шаҳр мавзеи зебое хоҳад буд. Ва баъди сабзидани дарахтону сабзазор он боз симои нав ба бар мекунад.
Эстакада дар доираи лоиҳаи «Беҳтар намудани ҳолати роҳи минтақавии Душанбе - Турсунзода - сарҳади Ӯзбекистон, қитъаи роҳ аз ҳайкали Абуалӣ ибни Сино то дарвозаи ғарбии шаҳри Душанбе» сохта мешавад.
Тибқи иттилои сомонаи Вазорати нақлиёт, эстакадаро ширкати «Гурӯҳи сохтмони роҳу пулҳои Синтзян - Бейсин» (Xinjiang Beixin Road & Bridge Group Co, Ltd) - и Ҷумҳурии Мардумии Чин бо харҷи қариб 25,5 миллион доллари ИМА бунёд хоҳад кард. Лоиҳаи сохтмон дар доираи ҳамкориҳои Ҳукумати ҷумҳурӣ, Бонки аврупоии таҷдиду рушд ва Бонки осиёии сармоягузори инфрасохторӣ амалӣ мегардад.
Бунёди эстакада барои беҳтар намудани шароити ҳаракат ва таъмини бехатарии ҳаракати нақлиёту роҳгузарҳо нигаронда шудааст.
Шаҳноз ҚУРБОН, «Ҷумҳурият»


Баёни ақида (0)    Санаи нашр: 17.07.2017    №: 148    Мутолиа карданд: 349

21.11.2018


Аз таркиш дар Кобул беш аз 50 нафар ҳалок шуд

Ӯзбекистон нахустин намоишгоҳ-ярмаркаи байналмилалии содиротӣ мегузаронад

Могерини: «Иттиҳоди Аврупо «артиши аврупоӣ» ташкил карданӣ нест»

Табобати гепатити С дар Беларус аз арзонтарин дар Аврупост

Ҷаҳон дар як сатр

ДУШАНБЕ. Таҷлили нахустин ҷашни занони соҳибкор

ДЕВАШТИЧ. Тантанаи Рӯзи Президент

Иштироки мунтахаби футболи бонувон дар CAFA

20.11.2018


СУҒД. Оғози сохтмони раёсати маориф

ЛЕВАКАНТ. Конфронси илмӣ - назариявӣ ба ифтихори Иҷлосияи XVI

"Парасту" дар Тоҷикобод

Сарони кишварҳои Осиёи Марказӣ барои машварат дар Тошканд ҷамъ меоянд

Финляндия ҷонибдори ҳузури Россия дар Шӯрои Аврупо

Вазорати маорифи Афғонистон 30 ҳазор занро ба кор мегирад

Баррасии рушди инклюзивии иқтисоди қитъа дар Гвинея Папуаи Нав

Ҷаҳон дар як сатр

АНВАР ЮНУСОВ СОҲИБИ КАМАРБАНДИ WBF

"СОРО КОМПАНИЯ" ҒОЛИБИ ЛИГАИ КАСБИИ ФУТЗАЛИ ТОҶИКИСТОН

19.11.2018


ДЕВАШТИЧ. Авҷи созандагиҳо дар Ҷамоати деҳоти Яхтан

Артиши Сурия охирин истеҳкоми «ДИ» дар ҷануби кишварро зери назорат гирифт

Дар ҳама минтақаҳои Ӯзбекистон «мактаби президентӣ» месозанд

Роҳандозии барномаи махсуси давлатии ипотекӣ барои дӯзандагони Қирғизистон

Киштии зериобии «Сан Хуан» - ро дар уқёнуси Атлантика ёфтанд

Ҷаҳон дар як сатр

Кулишов: «Марзҳои ИДМ бо таҷҳизоти муосир таъмин карда мешаванд»

Дар Тоҷикистон омӯзгори забони англисӣ барои таблиғи «ДИ» 19 сол гирифт

Қазоқистон мубориза бо машруботро сахттар мекунад

Фоидаи туризм ба кадом шаҳри дунё бештар аст?

Ҷаҳон дар як сатр

"ИСТИҚЛОЛ" бори аввал барои Ҷоми чемпионҳои КФО мубориза хоҳад бурд

Омодагии тими миллӣ ба марҳилаи интихобии Ҷоми ҷаҳон – 2022

УСМОН ТОШЕВ САРМУРАББИИ НАВИ ДАСТАИ МУНТАХАБ

15.11.2018


Ҳамоиш бахшида ба Рӯзи Президент

Нурдинҷон Исмоилов ба Тоҷикистон меояд


Дар сомонаҳои дигари Тоҷикистон хонед