logo

сиёсат

ДАСТОВАРД. АЗ ҶАНБАҲОИ ҲУҚУҚӢ ТО АРЗИШҲОИ МАЪНАВӢ

Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон», ки даҳ сол қабл бо ташаббуси Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қабул гардид, анъана ва ҷашну маросимҳоро дар асоси дастовардҳои фарҳанги миллӣ ва тамаддуни ҷаҳонӣ ба танзим дароварда, арзишҳои асили фарҳанги миллатро бо мазмуну мундариҷаи нав ба ҷомеа пешниҳод намуд.
Президенти Ҷумҳурии Тоҷикистон муҳтарам Эмомалӣ Раҳмон дар мулоқот бо фаъолон ва намояндагони ҳамаи табақаҳои ҷомеаи кишвар ба муносибати 10-солагии қабули Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» изҳор доштанд, ки қабули қонун ҳамчун яке аз иқдомоти муҳимтарин дар самти ҳифзи анъанаҳои мардумӣ боиси ҳалли бисёр мушкилоти ҳаётан муҳими аҳли ҷомеа гардида, ҷашну маъракаҳо ва расму оинҳоро дар кишвар ба низом даровард. Воқеан, агар ба даҳ соли амали нахустин қонуни миллии танзимкунандаи анъана ва ҷашну маросимҳо назар афканем, дида мешавад, ки он на танҳо ҷанбаи ҳуқуқӣ, инчунин, дорои ҷанбаи ахлоқиву маънавӣ буда, тарзи ҳаёти муназзаму осуда, истифодаи оқилонаи маблағу пасандоз ва молу мулки шахсиро бидуни роҳ додан ба исрофкорӣ дар тафаккури ҳар як фарди ҷомеаи демократӣ талқин мекунад.
Пешвои муаззами миллат зимни натиҷагирӣ аз даҳ соли амали қонун таваҷҷуҳи ҷомеаро ба натиҷаҳои фоидаовари қонуни танзим ҷалб намуда, дар партави дигар дастовардҳо, нақши ин санади меъёрии ҳуқуқиро дар афзудани теъдоди маъракаҳои хурсандӣ, аз қабили тӯйи домодию арӯсӣ назаррас арзёбӣ намуданд. Дар ҳамин радиф қабули қонунро омили муҳими паст кардани сатҳи камбизоатӣ маънидод карда, Сарвари давлат иброз доштанд, ки дар муддати даҳ соли амали он бинобар кам гардидани хароҷоти нолозим сатҳи камбизоатӣ аз 53 дарсад то 30 дарсад коҳиш дода шуд. Ин шаҳодати он аст, ки қонун барои амалишавии ҳадафҳои конститутсионии давлати иҷтимоӣ, яъне таъмини шароити арзандаи зиндагӣ ва инкишофи озодона барои ҳар як сокини кишвар мусоидат кард. Имкон фароҳам омад, ки мардум маблағҳои сарфашударо барои беҳтар намудани шароити зисту зиндагӣ, бунёду обод гардондани манзилҳои истиқоматӣ, харидории воситаҳои нақлиёт ва асбобу таҷҳизоти рӯзгор, инчунин, барои таълиму тарбияи фарзандон равона сохта, дар муассисаҳои бонкӣ барои ояндаи худ ва наздиконашон пасандоз кушоянд.   
Бо қабули қонун ба тақлидкориву зоҳирпарастӣ хотима гузошта шуда, соҳибони маъракаҳо, бахусус оилаҳои камбизоат, аз зери таънаву маломати ноҷои ҳамсояҳои доро раҳо ёфтанд ва имкон пайдо намуданд, ки ҷашнҳои хурсандии худро камхарҷ доир намоянд. Фарзандони худро бо як ҷаҳон орзуву ниятҳои нек ва сари баланд хонадор намуда, онҳоро ба ҳаёти мустақилона ҳидоят кунанд. Як зумра маъракаҳои нолозим, ки то қабули қонун дар радифи тӯйи домодию арӯсӣ гузаронда мешуданд, аз ҷумла маъракаи фотиҳаи тӯй, маслиҳатошӣ, идонабарӣ, сандуқбарон, сарупобинон, чойгаштак, раисталбон ва қудоталбон аз байн рафта, пеши роҳи хароҷоти зиёдатӣ барои ин чорабиниҳо гирифта шуд. Сарвари давлат таъкид намуданд, ки бо вуҷуди чораҳои то ба имрӯз андешидашуда, ҳолатҳои пурдабдаба гузарондани тӯю маъракаҳо ва хароҷоти бемаврид дар мамлакат пурра аз байн нарафта, баъзе шаҳрвандон ҳанӯз ҳам расму оинҳоро ҳамчун воситаи худнамоиву шуҳратпарастӣ истифода менамоянд, ки чунин рафтор ба табиати фарҳанги мардуми мо бегона ва мухолифи қонун мебошад.
Дар маҷмӯъ дар зарфи даҳ соли амали қонун ҳар як меъёри он ба ҳаёти ҳаррӯзаи ҷомеаи кишвар роҳ ёфта, барои баланд гардидани  сатҳу сифати зиндагии сокинони мамлакат мусоидат кард. Аз ин рӯ, минбаъд низ риоя ва иҷрои ин санади миллӣ  бояд ба одати маъмулии ҳар як фарди худшиносу худогоҳи кишвар табдил ёфта, шахсони рӯзгордидаю таҷрибаандӯхта, пирони ботадбир, аҳли зиё барои ба ҷавонон фаҳмондани мазмуну муҳтаво ва аҳамияти фоидаовари он саҳмгузор бошанд.
Даврон ҲОШИМЗОДА,
судяи Суди конститутсионии
Ҷумҳурии Тоҷикистон, номзади илмҳои ҳуқуқ


Баёни ақида (0)    Санаи нашр: 17.07.2017    №: 148    Мутолиа карданд: 495

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд


Дар сомонаҳои дигари Тоҷикистон хонед