logo

маориф

АЗ БАҚАЙДГИРИЮ ИМТИҲОНОТ ТО ИСТИФОДАИ КВОТАҲО ДАР ВМКБ КАМБУДИҲО ЗИЁДАНД

Чуноне ки ба ҳамагон маълум аст, имрӯзҳо дар нуқтаҳои Маркази миллии тестӣ имтиҳонҳои мутамаркази дохилшавӣ идома доранд. Дар Вилояти Мухтори Кӯҳистони Бадахшон имтиҳонҳо дар бинои мактаби президентии шаҳри Хоруғ мегузаранд.
Мувофиқи маълумоти раёсати маорифи вилоят, имсол муассисаҳои таҳсилоти миёнаи умумии шаҳри Хоруғ ва ноҳияҳои вилоятро 3224 нафар ҷавонписарону духтарон хатм карда, 2272 нафарашон аз қайди нуқтаҳои бақайдгирии Маркази миллии тестӣ гузаштаанд. Яъне, ҳамин миқдор хатмкардагони муассисаҳои таҳсилотии вилоят бояд дар имтиҳонҳои мутамаркази дохилшавӣ иштирок намоянд. Довталабоне, ки самтҳои варзиш, санъат, дизайн ва меъмориро интихоб намудаанд, дар баробари санҷиши асосӣ имтиҳонҳои иловагии тахассусӣ ва эҷодӣ месупоранд.
Эраҷ Ҷонмирзоев, сардори раёсати маорифи вилоят, вобаста ба тақдири 952 нафар хатмкардагони имсолаи муассисаҳои таҳсилоти миёнаи умумии вилоят, ки дар нуқтаҳои бақайдгирии ММТ аз қайд нагузаштаанд, арз намуд, ки 385 нафарашон ҳуҷҷатҳои худро ба коллеҷи тиббии шаҳри Хоруғ, 8 нафар ба мактабҳои ҳарбӣ, 180 нафар ба муассисаҳои таҳсилоти миёнаи махсус ва 1 нафар ба Донишгоҳи Осиёи Марказӣ супурдаанд. 1154 нафар ҷавонписарону духтарони вилоят соҳиби Квотаи президентӣ гардидаанд. Ҳамзамон, 18 нафар хатмкардагони муассисаҳои таҳсилотии Ҷамоати деҳоти Сағирдашти ноҳияи Дарвоз ва 72 нафар аз ноҳияи Мурғоб Квотаҳои президентиро ба даст оварданд. Дар машварати васеи назди раиси вилоят Шодихон Ҷамшед аз фаъолияти раёсати маорифи вилоят ва сохторҳои тобеи он, ҳамчунин, мақомоти иҷроияи маҳаллии ҳокимияти давлатии ноҳияи Мурғоб ҷиҳати истифодаи нокифояи 100 квотаи махсус, ки Президенти Ҷумҳурии Тоҷикистон бо назардошти шароити махсуси ноҳия барои хатмкардагони муассисаҳои таҳсилотии он ҷудо намудааст ва натиҷаҳои бақайдгирии имсола дар нуқтаҳои бақайдгирии Маркази миллии тестӣ мавриди интиқод қарор дод. Зикр гардид, ки дар ноҳия аз 193 хатмкарда 43 нафар аз нуқтаҳои бақайдгирии ММТ гузашта, 4 нафар ҳуҷҷатҳояшонро ба коллеҷи тиббии шаҳри Хоруғ супурдаанд, 24 нафари дигар Квотаи президентиро ба даст оварданд. Қисмати 50 нафари боқимондааш чӣ мешавад? Ба гумони ғолиб онҳо роҳи Ҷумҳурии Қирғизистонро пеш мегиранд ва ба таври ғайрирасмӣ дар мактабҳои кишвари ҳамсоя таҳсилашонро идома медиҳанд ва ё ба сафи ҷавонони бекори ноҳия ворид хоҳанд шуд. Дар маҷмӯъ, дар вилоят 134 нафар хатмкардагони имсола аз идомаи таҳсил дар мактабҳои олӣ ва миёнаи махсуси ҷумҳурӣ берун мемонанд. Ба ин гурӯҳ боз даҳҳо нафари дигар аз хатмкардагони солҳои пеш дохил мешаванд.
Дар робита ба ин масъала Шодихон Ҷамшед иттилоъ дод, ки дар соли нави таҳсил коллеҷи кӯҳии шаҳри Хоруғ дар назди Донишкадаи кӯҳӣ - металлургии Тоҷикистон бори аввал довталабонро аз шаҳру ноҳияҳои вилоят ба таҳсил фаро мегирад. Бинобар ин, зарур аст, ки дар самти ҷалби ҷавонписарону духтароне, ки аз таҳсил берун мемонанд, ба ин муассисаи таълимӣ корҳои фаҳмондадиҳӣ вусъат дода шаванд.
Ҳамзамон, баъзе довталабоне, ки ба самтҳои дизайн ва санъат майл доранд, шикоят карданд, ки имсол дар супурдани имтиҳони маҳорату ҳунар ба мушкилӣ дучор омадаанд. Онҳоро пеш аз супурдани имтиҳони тестӣ ба шаҳри Душанбе даъват карда бошанд ҳам, имтиҳон дар рӯзу соати муқарраршуда баргузор нагардид ва сафари тӯлонии онҳо бенатиҷа анҷом ёфт. Шояд ин барои масъулон чандон хатои калон нанамояд, вале барои онҳое, ки бо ин мақсад баъди тай намудани садҳо километр роҳ ба маркази ҷумҳурӣ омада буданд, аз ҳар ҷиҳат мушкил буд. Баъди бозгашт ба вилояту супурдани имтиҳони тестӣ барои имтиҳони тахассусӣ довталабон аз нав ба Душанбе омаданд.
Зикр гардид, ки дар муассисаҳои тандурустӣ ва маорифи вилоят ниёз ба кадрҳои баландихтисос зиёд гардида истодааст, вале мутахассисони тариқи Квотаи президентӣ таҳсилкарда ба ҷои зисти худ барнамегарданд. Махсусан дар деҳоти дурдаст ба мутахассисони соҳибмаълумот ниёз бештар аст.
Роҳбарони муассисаҳо барои кадрҳои ҷавон шароити дурусти кор муҳайё намесозанд, ки ин низ боиси гурези мутахассисони маҳаллӣ мегардад. Ин аст, ки имрӯз аксари кадрҳои ботаҷрибаи вилоят дар дигар манотиқи кишвар ва берун аз он кору фаъолият доранд.
Раҳмони ГУЛЗОР, “Ҷумҳурият”


Баёни ақида (0)    Санаи нашр: 17.07.2017    №: 148    Мутолиа карданд: 1718
26.11.2020


ВОХӮРИИ РУСТАМИ ЭМОМАЛӢ БО СЕРГЕЙ СОБЯНИН

НОҲИЯИ ТЕМУРМАЛИК. ТАРБИЯИ ИҶТИМОӢ ТАРБИЯИ МИЛЛАТ АСТ

СУҒД. ИТТИФОҚИ КОРГОҲҲОИ САНОАТИ САБУК ТАЪСИС ЁФТ

ДИЕГО МАРАДОНА . НОБИҒАИ ФУТБОЛ БА ДУНЁИ УЛВӢ ПАЙВАСТ

ДАР АФҒОНИСТОН АЗ ДУ ТАРКИШИ САХТ 17 НАФАР ҲАЛОК ГАШТ

ҶАҲОН ДАР ЯК САТР

25.11.2020


«ШАХСИЯТИ БУЗУРГИ ТАЪРИХСОЗ»

СУДИ ОЛИИ ИҚТИСОДӢ. ҲАМОИШИ ИДОНА БА ИФТИХОРИ ҶАШНИ МИЛЛӢ

ПАРЧАМИ ДАВЛАТӢ РАМЗИ БАХТУ САОДАТ

КФО. "ИСТИҚЛОЛ" 13 ЗИНА БОЛО РАФТ

ДАР ТОҶИКИСТОН ТЕЪДОДИ ШИФОЁБӢ АЗ COVID НАЗАР БА ГИРИФТОРӢ БЕШТАР ШУД

ҶАҲОН ДАР ЯК САТР

23.11.2020


НОҲИЯИ ФИРДАВСӢ. МУҚОВИМАТ БО КОРРУПСИЯРО ТАҲКИМ МЕБАХШАНД

ПУТИН АЗ МАНСУБИЯТИ КӮҲИСТОНИ ҚАРИЯБОҒ СУХАН КАРД

ҶАҲОН ДАР ЯК САТР

ЭРЛИНГ ҲОЛАНД "GOLDEN BOY" ШУД

ПАХТА. ИҶРОИ 97 ДАРСАДИ ДУРНАМО

НОҲИЯИ БОБОҶОН ҒАФУРОВ. НАҚШАИ ИСТЕҲСОЛИ ПАХТА БАРЗИЁД ИҶРО ШУД

БУҶЕТИ ДАВЛАТӢ – 2021. 27 МИЛЛИАРДУ 645,8 МИЛЛИОН СОМОНӢ ПЕШБИНӢ ГАРДИД

КӮЛОБ. ХӮРОК БАРОИ ДАРМОН АСТ, НА ЗИЁН

СУҒД. ДОРУҲОИ ПАСТСИФАТРО НОБУД КАРДАНД

АФШУРАИ АНОР АНГЕЗАИ COVID - РО ТО 80 ДАРСАД МАҲВ МЕКУНАД

«ТОҶИКИСТОН – 2020». ФОРУМИ БАЙНАЛМИЛАЛИИ САЙЁҲӢ

19.11.2020


ВАҲДАТ. ШАҲР ШУКУФТАН ДОРАД

16 – НОЯБР. ИН РӮЗРО ДАР СУДИ ОЛИИ ИҚТИСОДӢ БОТАНТАНА ҶАШН ГИРИФТАНД

НУРОБОД. 30-СОЛАГИИ ИСТИҚЛОЛИЯТРО САЗОВОР ИСТИҚБОЛ МЕГИРЕМ

18.11.2020


НОҲИЯИ СПИТАМЕН. НАҚШАИ ИСТЕҲСОЛИ ПАХТА 100,1 ДАРСАД ИҶРО ГАРДИД

ҶАЙҲУН. САРВАЗИР БА ДАСТРАНҶИ КИШОВАРЗОН БАҲОИ БАЛАНД ДОД

КӮЛОБ. БУНЁДИ МАЙДОНЧАИ ВАРЗИШ

ТАШРИФИ САРМОЯГУЗОРОНИ КОРЕЯ БА МОИ «КӮЛОБ»

ХИЗМАТИ ҲАРБӢ. НАҚШАИ ДАЪВАТИ ТИРАМОҲӢ ПЕШ АЗ МУҲЛАТ ИҶРО ШУД

ҶОИЗАИ НАВБАТИИ СИНАМОГАРОНИ ТОҶИК

ДЗЮДО

КИШВАРҲОИ ОСИЁ ОИД БА КАЛОНТАРИН ДАР ҶАҲОН МИНТАҚАИ ТИҶОРАТИ ОЗОД ПАЙМОН БАСТАНД

ҶАҲОН ДАР ЯК САТР


Дар сомонаҳои дигари Тоҷикистон хонед