logo

фарҳанг

ҲУЛБУК МИЗБОНИ МАКТАБИ БОСТОНШИНОСОНИ ҶАВОН

Тоҷикистон миёни дигар кишварҳои узви ИДМ бо он фарқ мекунад, ки дорои миқдори зиёди минтақаҳои ҳафриётии мавриди омӯзиш қарордошта мебошад. Вобаста ба ин, ҳамасола мактаби байналмилалии тобистонаи бостоншиносони ҷавон дар ҷумҳурии мо ташкил карда мешавад.
Мактаби мазкур аз ҷониби Бунёди байналмилалии Иттиҳоди Давлатҳои Мустақил маблағгузорӣ гардида, дар ташкилу гузарондани он Вазорати фарҳанг ва Академияи илмҳои Ҷумҳурии Тоҷикистон саҳм мегиранд. Дар он бостоншиносони ҷавон аз Федератсияи Русия, ҷумҳуриҳои Арманистон, Беларус, Қазоқистон, Қирғизистон, Молдова, Озарбойҷон, Тоҷикистон ва Украина ширкат варзиданд.
Бино ба иттилои раёсати Академияи илмҳои Ҷумҳурии Тоҷикистон, ҷиҳати дар сатҳи баланди тахассусӣ ташкил намудани чорабинии мазкур тамоми тадбирҳо андешида шуданд. Аз ҷумла, барои ширкаткунандагони он барномаи рангини омӯзишӣ таҳия гардид, ки аз гузарондани корҳои ҳафриётӣ ва машғулиятҳои назариявию амалӣ иборат буд. Барномаи рангини фарҳангию фароғатии барои бостоншиносони ҷавон омодагардида онҳоро бо гузаштаи пурифтихор ва санъати волои кишварамон ошно намуд.
Дар рафти чорабинӣ ширкатдорони мактаб аз ёдгориҳои таърихию фарҳангии шаҳри асримиёнагии Ҳулбук, ёдгориҳои моддии шаҳри Кӯлоб, инчунин, ёдгории табиию таърихии Чилдухтарон ва Осорхонаи бостонии Ҷумҳурии Тоҷикистон дидан намуданд. Олимону муҳаққиқони ҷавон, ҳамчунин, дар ҷаласаҳои васеи бостоншиносони кишвар, ки дар Академияи илмҳои Ҷумҳурии Тоҷикистон, Донишгоҳи давлатии Кӯлоб ба номи Абуабдуллоҳи Рӯдакӣ ва Мамнӯъгоҳи таърихию фарҳангии «Ҳулбук» баргузор гардида, масъалаҳои муҳими соҳаро баррасӣ намуданд, иштирок доштанд.
Фаъолияти мактаб чанде пеш дар толори Академияи илмҳо бо ширкати васеи аҳли илму фарҳанги кишвар ҷамъбаст гардид. Ф. Раҳимӣ, президенти Академияи илмҳои Ҷумҳурии Тоҷикистон, фаъолияти мактабро пурсамар ва саҳми онро дар таҳкими равобити илмию фарҳангӣ хеле муҳим арзёбӣ намуд. Ш. Хоҷаев, сардори шуъбаи ҳифз ва истифодаи мероси таърихию фарҳангии Вазорати фарҳанги кишвар, иштирокдорони ин чорабинии муҳими омӯзиширо бо хатми бомуваффақияти он табрик гуфта, изҳори умедворӣ намуд, ки бостоншиносони ҷавон минбаъд низ дар раванди омӯзишу таҳқиқ, ҳифз ва муаррифии ёдгориҳои таърихию фарҳангии кишварашон саҳми босазо хоҳанд гузошт.
А. Г. Иксанов, котиби Кумитаи иҷроияи Бунёди байналмилалии Иттиҳоди Давлатҳои Мустақил оид ба таассуроти неки аз мактаб ва тамошои мавзеъҳои таърихии Тоҷикистон бардоштааш нақлҳои ҷолиб карда, ба ташкилкунандагон ва сарпарастони мактаб изҳори сипос намуд. Дар фарҷоми ҳамоиш ба иштирокчиёни мактаби байналмилалии тобистонаи бостоншиносони ҷавон сертификати тахассусӣ супурда шуд.
М. ТАБАРӢ, «Ҷумҳурият»


Баёни ақида (0)    Санаи нашр: 18.07.2017    №: 149    Мутолиа карданд: 396

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед