logo

иҷтимоиёт

АНЪАНАҲОИ МИЛЛӢ БА ШАКЛУ НИЗОМИ ЯГОНА ХОҲАНД ДАРОМАД

Мусаллам аст, ки мардуми мо аз қадим бо расму оинҳо ва ҷашнҳои миллию динии худ дар дунё мавқеи хос пайдо карда, ҳамзамон бо баргузории онҳо ба дигар миллатҳо таъсири некро гузошта буданд.
Хушбахтона, он то ба имрӯз идома дорад. Чаро? Чунки фарогири ҳикматҳои зиёд буда, дар рушди фарҳанг ҳамеша мусоидат намудааст. Бар замми он, баҳри ваҳдат, якдигарфаҳмӣ нақши бориз дорад. Ин ҳамаро ниёгони пуршарафамон бо эҳсоси масъулияти зиёд ҳифз намуданд ва то ба замони мо бегазанд расонданд. Албатта, ҷойи таассуф низ мебошад, ки баъдҳо бархе ба ҳикматҳои бузурги он сарфаҳм нарафта ва бар асари худхоҳӣ бар онҳо ба таври худ навоварӣ намуданд. Дар натиҷа, ин ҳама монеи зиндагии шоистаи мардум гардида, мушкилоти зиёд эҷод кард. Зарурат ба вуҷуд омад, ки пеши ин исрофкорӣ, худхоҳӣ, хурофотпарастӣ, тақлиди фарҳанги бегона гирифта шавад. Мо ин хатарҳоро бештар аз пештар эҳсос мекунем. Ҳол он ки аз оқибати ногувори онҳо ба ҳисси дилсӯзӣ Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон  муҳтарам Эмомалӣ Раҳмон чандин сол пештар таъкид намуда буданд. Инчунин, ба хотири рафъи оқибатҳои бади он дастуру супоришҳои мушаххас доданд. Ба ин тариқ, зарур шумурданд, ки бо қабули қонун на танҳо пеши роҳи амалҳои номатлуб гирифта шаванд, балки барои таъмини нуфузи бештари суннатҳои фарҳангиву арзишҳои мардумӣ мусоидат бинамоянд.
Бо ташаббуси бевоситаи Президенти мамлакат қабули қонун «Дар бораи танзими анъана ва ҷашну маросимҳо дар Ҷумҳурии Тоҷикистон» даҳ сол пеш махсус ба ин хотир буд. Он нахустин қонуни миллии танзимкунандаи маросиму анъанаҳои миллӣ дониста шуд. Дигар кишварҳо ин таҷрибаи кишвари моро нек арзёбӣ карда, бо қабули қонунҳои махсус имкон фароҳам оварданд, ки пеши роҳи исрофкорӣ ва хурофот гирифта шаванд.
Тавре Сарвари давлат зимни суханронии худ дар мулоқот ба муносибати 10-солагии қабули қонуни мазкур таъкид доштанд: «Дар ин санади меъёрии ҳуқуқӣ, ки дарбаргирандаи марому мақсад, арзишҳои ахлоқиву динӣ ва таърихиву фарҳангии мардуми Тоҷикистон мебошад, тартибу низоми баргузории аксари маъракаҳо ва маросиму ҷашнҳои мардумӣ ба инобат гирифта шуданд».
Дар ин муддат, яъне тайи даҳ сол, ки барои таърих вақти зиёд нест, дар баробари ба танзим даромадани расму оинҳо ва ҷашнҳои миллию диниву мардумӣ арзишҳои фарҳангӣ ҳифз шуданд. Баргузории маъракаҳо ва дигар чорабиниҳо як низому тартиботи ягонаро ба худ касб кард. Мардум беҳтару бештар дарёфт, ки татбиқи ин қонуни миллӣ барои ҳимояи манфиатҳои иқтисодиву иҷтимоии онҳост.
Пешвои муаззами миллат барҳақ таъкид доштанд: «Бовар дорам, ки бо татбиқи пурраи қонуни мазкур дар оянда фарқияти байни расму оинҳои маҳалҳои гуногуни кишвар аз байн рафта, анъанаҳои миллиамон ба шаклу низоми ягона хоҳанд даромад».
Фикр мекунам, ки сари ин гуфтаи бисёр муҳим ҳар кадоми мо, дӯстдорони миллат, хоса аҳли зиё, масъулон дурусттар андешем ва дар амалӣ гардидани он ҳиссаи арзандаву чашмрас бигирем. Ин гуфта беҳтарин дастуру раҳнамоӣ аст барои пойдории миллат ва муаррифии тамаддуну фарҳанги он. Ҳамзамон, он моро иттиҳод мебахшаду пеши роҳҳои ҳамдигарнофаҳмиро мегирад.
Маҳмадулло РАҶАБЗОДА,
ректори Донишкадаи давлатии забонҳои Тоҷикистон
ба номи С. Улуғзода


Баёни ақида (0)    Санаи нашр: 18.07.2017    №: 149    Мутолиа карданд: 416

21.02.2019


ХУҶАНД. Оғози сохтмони бинои нави «Тоҷикстандарт»

ФУТБОЛ. Тақвими бозиҳои тими мунтахаби олимпии кишвар муайян гардид

Табибон аз Тотористон бо ҳампешаҳои тоҷики худ мубодилаи таҷриба мекунанд

Роҳандозии лоиҳаҳои инноватсионӣ дар Қазоқистон

Дар Ҳиндустон 13 иштирокдори тӯй зери чархи мошини боркаш монд

Сӯхтор сабабгори марги ҳафт кӯдак дар Канада

Ҷаҳон дар як сатр

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид

ТОҶИКИСТОНУ ӮЗБЕКИСТОН. Гардиши савдо ду баробар афзуд

Тоҷикистон миёни кишварҳои ИДМ ба афзоиши баландтарини ММД муваффақ гашт

Дар Тошканд конфронси байналмилалӣ оид ба Осиёи Марказӣ баргузор мегардад

Қасри сафед: "Музокироти тиҷоратӣ дар Пекин ба пешравӣ мусоидат кард"

Трамп мехоҳад ҷангиёни «Давлати исломӣ» - ро ба Аврупо барои суд кардан баргардонад

Кумитаи амнияти иттилоотии Қазоқистон беш аз 90 сомонаи хавфнокро ошкор сохт

Ҷаҳон дар як сатр


Дар сомонаҳои дигари Тоҷикистон хонед