logo

иқтисод

САРБАНД. САНОАТ БАХШИ ПЕШБАРАНДАИ ИҚТИСОД АСТ

Рушди бомароми соҳаҳои иқтисодию иҷтимоӣ ва ободкориву созандагии кишвар ба шарофати сиёсати хирадмандонаи сиёсатмадори сатҳи ҷаҳонӣ Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон муяссар гардидааст. Бо вуҷуди натиҷаҳои назарраси бадастомада захираву имкониятҳои иқтисодии истифоданашуда, аз ҷумла дар шаҳри Сарбанди вилояти Хатлон, ҳанӯз ҳам  хеле зиёданд. Хабарнигори “Ҷумҳурият” суҳбате орост бо Санавбар Самизода, раиси шаҳри Сарбанд, оид ба вазъи кунунӣ ва дурнамои рушди иқтисодию иҷтимоии шаҳр.
- Шаҳри Сарбанд яке аз минтақаҳои стратегӣ ва аз ҷиҳати саноатӣ рушдкардаи мамлакат маҳсуб меёфт. Айни ҳол вазъи иҷтимою иқтисодии шаҳр чӣ гуна аст?
- Рисолати Ҳукумати мамлакат ва мақомоти иҷроияи маҳаллии ҳокимияти давлатӣ аз он иборат аст, ки иқтидорҳои мавҷуда ҳифз шуда, аз зарфияту имконоти нав кор гирифта шавад, то сатҳи иқтисодиёт ва иҷтимоиёт рӯ ба беҳбудӣ ниҳад. Рушди Сарбандро дар ҳамбастагӣ бо фаъолияти корхонаҳои бузурги он баҳо додан мумкин аст. Бо ин ҳадаф Сарвари давлат соли гузашта дар се моҳ ду маротиба ба шаҳри Сарбанд ташриф оварда, барои таҷдиду азнавсозии ҶСК «Азот» ва НБО Сарбанд, инчунин, ифтитоҳи якчанд корхонаи дигари саноатӣ ширкат варзида, ба фаъолон, хусусан соҳибкорони шаҳр, дастуру ҳидоятҳои судманд доданд.
ҶСК «Азот» - собиқ заводи нуриҳои азотии Вахш солҳои пеш карбамид, аммиак, дуоксиди карбон, оксигени газӣ ва нитрогени моеъ истеҳсол мекард.
3 сентябри соли 2016 бо дастгирии бевоситаи Сарвари давлат байни Ҳукумати Ҷумҳурии Тоҷикистон ва ширкати «Хэнан Чжун - Я» - и Ҷумҳурии Мардумии Чин созишномаи сармоягузорӣ оид ба таҷдид ва ба истифода додани корхонаҳои истеҳсоли аммиак ва карбамид дар шаҳри Сарбанди вилояти Хатлон ба имзо расид. Барои таҷдиди дастгоҳу таҷҳизоти технологӣ ҷиҳати ба фаъолият даровардани он бо истифода аз ангишт ва бунёди коргоҳҳои нави истеҳсоли аммиак ва карбамид 360 миллион доллар сармояи муштарак ҷудо шудааст. Тибқи маълумоти пешакӣ, бо анҷом ёфтани лоиҳаи таҷдиди корхона ва бунёди коргоҳҳои нави истеҳсолӣ дар ин ҷо 1000 ҷойи нави корӣ таъсис меёбад.
Соли гузашта Сарвари давлат дар чаҳорчӯбаи сафари кориашон бо фаъолияти Неругоҳи барқи обии Сарбанд ва ҷараёни татбиқи лоиҳаи барқарорсозии таҷҳизоти истеҳсоли неруи барқ шинос шуданд. Иқтидори лоиҳавии ин иншооти муҳими гидроэнергетикии мамлакат 240 мВт - ро ташкил медиҳад. Аммо он дар натиҷаи фаъолияти тӯлонӣ иқтидори мавҷудаи худро аз даст дода, ҳамагӣ бо тавоноии 160 мВт фаъолият дорад. Дар ҳамин замина ёддошти ҳамкорӣ байни вазоратҳои молия, энергетика ва захираҳои об ва ШСХК «Барқи тоҷик» бо Бонки осиёии рушд оид ба барқарорсозии НБО Сарбанд бо иқтидори 240 мВт ба имзо расид, ки маблағи умумии он 136 миллион доллари амрикоиро ташкил медиҳад. Барнома аз ду марҳила иборат буда, муҳлати татбиқаш 3 сол мебошад.
- Ба ҷуз ин ду азамати саноатӣ дар шаҳр боз кадом муассисаҳои истеҳсолӣ фаъолият доранд ва барои рушди онҳо чӣ корҳо ба субут расонда шудаанд?
- Сарбанд 27 корхонаи саноатӣ дорад.  Аз ҷумла, корхонаи навтаъсиси «Беҳзод», «Рамзи Ваҳдат»,  «Аҳмадшоҳи Р.», «Лиен Шенг» ва «Нури Рушд».
Аслан, ҳадафи ба кор андохтани иқтидорҳои нави истеҳсолӣ ва таҷдиди иқтидорҳои истеҳсолии амалкунанда таъмин намудани рушди устувори иқтисодӣ, тақвияти иқтидори содиротии мамлакат, таъсиси ҷойҳои нави корӣ ва баланд бардоштани сатҳи некуаҳволии мардум мебошад.
Дар баробари коргоҳҳои калони саноатӣ соҳибкории хурду миёна ва кишоварзӣ низ равнақ меёбанд. Айни замон 419 соҳибкорро ба қайд гирифтаем, дар заминаи рушди саноат зиёда аз 60 маркази хизматрасонӣ, нуқтаҳои фурӯши сӯзишворӣ ва гази моеъ, таъмири мошинҳо, меҳмонхонаю тарабхонаҳо, чойхона, ҳаммому мағозаҳои фурӯши масолеҳу маводи ниёзи мардум сохта ба истифода дода шудаанд.
Аз ҷумла, ҶДММ «Нури Дилшод» бо тавоноии истеҳсоли 90 тонна орд дар як шабонарӯз, комбинати истеҳсоли семент бо тавоноии истеҳсолии 60 тонна семент дар як шабонарӯз, комбинати истеҳсоли орди «Рушди Хатлон», коргоҳи истеҳсоли шпалҳои оҳану бетон барои роҳҳои оҳан, корхонаҳои истеҳсоли хишти пухтаи «Масаррат»  ва «Аминҷон», истеҳсоли лӯлаҳои пластикии қутрашон аз 80 то 315 мм ва коркарди пахтаи «Субҳи Сарбанд», коркарди қуму шағали «Роҳи дурахшон» - у «Имкон» ва «Равғани Сарбанд» ба фаъолият пардохтанд.  Мақсаду мароми саноатчиён беҳбудии вазъи иҷтимоӣ ва шароит фароҳам овардан барои зиндагии шоистаи мардум мебошад.
Мусоҳиб Шаҳбоз АБРОР,
«Ҷумҳурият»


Баёни ақида (0)    Санаи нашр: 18.07.2017    №: 149    Мутолиа карданд: 576

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд


Дар сомонаҳои дигари Тоҷикистон хонед