logo

фарҳанг

ОЗМУНИ ДРАМАТУРГОН. ҒОЛИБОН МУАЙЯН ГАРДИДАНД

Драматургия, дар қатори ҳунарҳои таҳиягарӣ ва бозигарӣ, яке аз ҷузъҳои асосии санъати театриро ташкил медиҳад. Ҳукумати ҷумҳурӣ ба рушди театр аҳамияти махсус дода, дар таҳияи барнома ва нақшаҳои дурнамои соҳа чорабиниҳои мухталифро ҷиҳати мусоидат, равнақу ривоҷи ин жанри ҳунарӣ ва сайқал додани малакаву маҳорати касбии драманависон пешбинӣ менамояд.
Вазорати фарҳанги кишвар ҳамасола семинар – озмунҳои драманависон ва таҳиягаронро мегузаронад. Озмуни ҷумҳуриявии драманависони имсола ба 20 – солагии Рӯзи Ваҳдати миллӣ бахшида шуд.

Тавре ба хонандагони рӯзнома қаблан хабар дода будем, озмуни мазкур 1 январи соли 2017 эълон гардида, ҳадафи баргузории он дарёфти асарҳои беҳтарини драмавӣ дар мавзӯи муосир буд. Бино ба иттилои Тоҳири Муҳаммадризо, сармутахассиси раёсати санъати Вазорати фарҳанг, имсол дар озмун  12 нафар драматургони кишварамон бо асарҳои тозатарини хеш иштирок карданд. «Асарҳои пешниҳодшуда таҷассумгари дастовардҳои марҳилаи навини таърихи халқи тоҷик буда, дар он дигаргуниҳои дар даврони Истиқлолияти давлатӣ баамаломада, ваҳдату ягонагӣ, сулҳу субот, созандагиву ободонӣ, муқовимат бо коррупсия, пешгирии гаравидани ҷавонон ба созмону гурӯҳҳои ифротӣ ва дигар зуҳуроти номатлуби ҷаҳони муосир инъикос гардидаанд», - иброз дошт Т. Муҳаммадризо.
Ҳайати ҳакамони озмун, ки аз муҳаққиқон, таҳиягарон, драматургон ва ходимони шинохтаи ҳунар иборат буд, ғолибони онро муайян намуд. Ибодулло Машраб, муовини аввали вазири фарҳанги ҷумҳурӣ, ки ҳамвора вазифаи раиси ҳайати ҳакамонро бар дӯш дошт, дар маросими ҷамъбасти озмун эълон намуд, ки  «Ҳайати доварон ҷойи дувум ва сеюмро ба ду драматург лоиқ донистанд. Инчунин, се нафар драматургон сазовори ҷоизаҳои ҳавасмандгардонӣ гардиданд. Тибқи хулосаи аъзои ҳакамон имсол ҷойи аввал насиби ягон асар нагардид».
Тоҳири Муҳаммадризо барои намоишномаи «Баҳори Фаронса» ва Ҷумъа Қуддус барои пйесаи «Навҳаи камондор» ҷойи дувумро ба даст оварданд. Ҷойи сеюмро драматург Ато Ҳамдам барои эҷоди намоишномаи «Дар кӯчаҳои қисмат» ва Нарзулло Шарифов бо  мазҳакаи «Ишқи интернетӣ» сазовор гардиданд.
Драмнависон Абдуғаффори Абдуҷаббор бо асари «Худоназаркарда», Маҷид Салим «Шикор» ва Абдувадуд Файзиев «Маро маломат накунед» бо ҷоизаҳои ҳавасмандгардонӣ қадр карда шуданд.  Ба ғолибони озмун диплом ва мукофоти пулӣ супурда шуд.
Вазорати фарҳанги Ҷумҳурии Тоҷикистон тасмим гирифтааст, ки асарҳои ғолибонро дар шакли маҷмӯаи алоҳида ба табъ расонда, дастраси ҳайати эҷодии театрҳои кишвар гардонад.
М. ТАБАРӢ, «Ҷумҳурият»


Баёни ақида (0)    Санаи нашр: 20.07.2017    №: 151    Мутолиа карданд: 494

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед