logo

иқтисод

АГАР КАМБУДИҲО БАРТАРАФ ШАВАНД …

Аспи Анушервони Рустам, чобуксавор аз шаҳри Душанбе, бо лақаби «Рахш» дар қувваозмоӣ бо зиёда аз 40 аспи зоти тоҷикию англисӣ дар «Наврӯзгоҳи пойтахт» - и шаҳр  ғолиби мусобиқаи навбатии аспдавонӣ гардид. Аз аввали сол ин сеюмин пойга мебошад, ки бо дастгирии мақомоти иҷроияи ҳокимияти давлатии шаҳри Душанбе барои пешрафти соҳа баргузор шуд.
Рушд додани варзиши аспсаворӣ ва дигар хизматрасониҳо тавассути асп, масалан, имкониятҳои васеи истифодабарии фойтунҳо барои хизматрасонӣ дар хонаҳои ақди никоҳ, намоишҳои сиркӣ, савории кӯдакону наврасон дар рӯзҳои таътил манфиатоваранд. Дар Амрико ва Арабистони Саудӣ аз фурӯши як асп ба маблағи беш аз 200 миллион доллари амрикоӣ даромад ба даст мегиранд. Дар ҷумҳурӣ аспи аз ҳама гарон бо арзиши 50 ҳазор доллари амрикоӣ ба фурӯш рафтааст. Албатта, нигоҳдории асп, агарчи хароҷоти зиёдро талаб кунад ҳам, даромади он бо истифодаи имкониятҳои мавҷуда дучанд аст. 
Ҷамшед Машрабов, сардори Федератсияи пойга ва бузкашии Ҷумҳурии Тоҷикистон, иброз дошт, ки натиҷаи бомуваффақи аспҳои зоти тоҷикӣ дар сабқатҳо, воқеан далели он аст, ки ин зот метавонад берун аз хориҷи кишвар низ талабгори зиёд дошта бошад. Мақсади федератсия низ баргузории чорабиниҳои сатҳи ҷаҳонӣ ва муаррифии зоти асили тоҷикӣ дар сабқатҳо мебошад. Муҳим он аст, ки ҳоло шаҳрдорӣ дар раванди гузариш ба марҳилаи нави рушди соҳаҳои иқтисодию иҷтимоӣ ба пешрафти ин соҳа низ таваҷҷуҳи махсус зоҳир кардааст ва нақша дорад он натиҷаҳоеро, ки аспҳои зоти тоҷикӣ қабл аз фурӯпошии Иттиҳоди Шӯравӣ бо иштироки фаъолона дар сабқатҳои байналмилалӣ Осиёю Аврупоро тасхир кардаанд, аз нав ба даст биоварад. Барои ин хоҷагиҳои асппарвар пайваста ба сикли такрористеҳсолкунии аспҳо – аз интихоб то гирифтани тойҳо, парваришу саворӣ ва озмоиши онҳо дар шароити ипподром, фурӯш ё таъйини аспҳо машғул шуда, дар маҷмӯъ, дар корҳои зотпарварии дохили хоҷагӣ то андозае муваффақ шуда истодаанд.
Тавре Абдураҳмон Ҷобиров, сардори раёсати чорводорӣ, парандапарварӣ, моҳипарварӣ ва занбӯриасалпарварии Вазорати кишоварзии ҷумҳурӣ, иттилоъ дод, тамоюли камшавии саршумори асп дар ҷумҳурӣ  бо амалишавии “Барномаи рушди соҳаи асппарварӣ дар Ҷумҳурии Тоҷикистон барои солҳои 2009 – 2016” нигоҳ дошта шуд. Аз рӯйи маълумоти оморӣ, то якуми январи соли 2017 саршумори аспҳо дар Корхонаи воҳиди давлатии “Асппарвар”, ки дар доираи татбиқи барнома аз нав барқарор гардид, 90 сарро ташкил медиҳад. Дар ҳамаи шаклҳои хоҷагидории ҷумҳурӣ бошад, 79 993 сар асп мавҷуд аст. Барои нигоҳубини онҳо саисхона ва биноҳои ёрирасон, ҳамчунин, замини корами шартан обӣ ва чарогоҳ фароҳам оварда шудааст. Мушкил дар он аст, ки барои ба мусобиқаҳои сатҳи минтақавӣ ва ҷаҳонӣ тайёр кардани аспҳо набудани майдони ҷумҳуриявӣ барои  тамрину санҷиши онҳо монеа эҷод мекунад. Норасоии саршумори айғирҳои асилзоти тоҷикӣ ва англисӣ низ дар рушди минбаъдаи соҳа халал ворид месозад.
Мавриди зикр аст, ки дар шабакаи хоҷагиҳои зотпарварӣ 8 хоҷагӣ мавҷуд аст, ки зиёда аз 900 сар асп парвариш мекунанд. Онҳо асосан генафонди аспҳои зоти тоҷикӣ буда, тибқи қонунгузории ҷумҳурӣ таҷдид карданашон манъ аст.
Бартарафсозии камбудиҳои ҷойдошта барои рушди соҳа, хусусан намуди варзиши аспсаворӣ, ки  дар замони муосир яке аз намудҳои маъмул ва сердаромад ба ҳисоб меравад, ба манфиати кор хоҳад буд, ҳам варзишгарон ва ҳам ҳаводорони аспсаворӣ имкони дар бахшҳо тамрин карданро пайдо мекунанд.  
О. ВАФОБЕКЗОДА, “Ҷумҳурият”


Баёни ақида (0)    Санаи нашр: 21.07.2017    №: 152    Мутолиа карданд: 787
07.04.2020


ДУШАНБЕ. ҶАМЪБАСТИ ОЗМУНИ «САЙРИ ГУЛИ ЛОЛА»

БОЗИҲОИ ОЛИМПӢ. ТОҶИКИСТОН ЛИБОСИ ЯГОНААШРО ИНТИХОБ КАРД

НАМОИШИ КИТОБИ КӮДАКОНУ НАВРАСОН

АМРИ ДИЛ. ҶАВОНОНИ СУҒД ИХТИЁРАН БА ХИЗМАТИ ҲАРБӢ РАФТАНД

ДОРУИ КОРОНАВИРУС ДАР РОССИЯ ҲАФТАИ ОЯНДА ПАЙДО МЕШАВАД

ДАР ТОҶИКИСТОН БАРОИ ПЕШГИРӢ АЗ КОРОНАВИРУС СУРАТҲИСОБ КУШОДАНД

ҲАВОИ ГАРМ МЕТАВОНАД ПАНДЕМИЯРО АЗ БАЙН БАРАД?

РОССИЯ БА ЧИН 80 МИЛЛИОН НИҚОБ ФАРМОИШ ДОД

БАРОИ ПЕШГИРӢ АЗ КОРОНАВИРУС ОБНӮШИИ ЗИЁД ТАВСИЯ ШУД

Ҷаҳон дар як сатр

06.04.2020


ЧЕМПИОНАТИ ТОҶИКИСТОН – 2020. ДАСТАИ «ХАТЛОН» ОНРО БО ПИРӮЗӢ ОҒОЗ КАРД

ВМКБ. ЯК ҲАМОИШИ МУҲИМ

НУРОБОД. АЗ «ЧАКОМАИ ГЕСУ» ТО “ЗАН ВА ТОЗАГӢ”

03.04.2020


ВАРЗОБ. ТАВАҶҶУҲ БА ВАРЗИШ МЕАФЗОЯД

«ЮВЕНТУС» РОНАЛДУРО БА 70 МИЛЛИОН ЕВРО ФУРӮХТАНИСТ

ТЕЪДОДИ АШХОСИ АЗ КОРОНАВИРУС ШИФОЁФТА АЗ 200 ҲАЗОР НАФАР ГУЗАШТ

ТОҶИКИСТОН БА ИСТЕҲСОЛИ НИҚОБИ ТИББӢ ВА ЛИБОСИ МАХСУС ШУРӮЪ НАМУД

СУТ: «БЕШ АЗ 95 ДАРСАДИ ҚУРБОНИЁНИ COVID-19 ДАР АВРУПО АШХОСИ КАЛОНСОЛАНД»

ПУТИН ТО ОХИРИ АПРЕЛ ИСТИРОҲАТ ЭЪЛОН КАРД

ДАР ЭРОН БЕШ АЗ 15 ҲАЗОР МУБТАЛОИ КОРОНАВИРУС СИҲАТ ШУД

Ҷаҳон дар як сатр

02.04.2020


МАШВАРАТИ КОРИИ МУОВИНИ РАИСИ МАҶЛИСИ НАМОЯНДАГОН БО ВАКИЛОНИ МАРДУМӢ

ҶАВОНОНИ ТОҶИКОБОД БА САФИ ҚУВВАҲОИ МУСАЛЛАҲ ПАЙВАСТАНД

САЙЁҲӢ. ТАШКИЛИ 12 ХАТСАЙРИ НАВ

ШИРКАТИ 42 ЛЕГИОНЕР ДАР ЧЕМПИОНАТИ НАВБАТИИ ТОҶИКИСТОН

СУТ РАСМАН ДАР ТОҶИКИСТОН НАБУДАНИ КОРОНАВИРУСРО ТАСДИҚ НАМУД

ГАРДИШИ МОЛ МИЁНИ ТОҶИКИСТОН ВА КИШВАРҲОИ СҲШ АЗ НИМ МИЛЛИАРД ДОЛЛАР БОЛО РАФТ

АРАБИСТОНИ САУДӢ: "АЗ САФАР БА ҲАҶ ХУДДОРӢ КУНЕД!"

СОКИНИ 101 - СОЛАИ НИДЕРЛАНД АЗ COVID-19 ҶОН БА САЛОМАТ БУРД

Ҷаҳон дар як сатр

01.04.2020


ХАТЛОН. ҶОИЗА БАРОИ МУҲАҚҚИҚОНИ ИЛМҲОИ ТАБИАТШИНОСӢ ВА ДАҚИҚ

СУҒД. БЕШ АЗ 30 КОРХОНАИ ИСТЕҲСОЛИ ОРДУ РАВҒАН

НУФУЗИ САЙЁҲИИ ТОҶИКИСТОН МЕАФЗОЯД

ФАЪОЛИЯТИ ҲУҚУҚЭҶОДКУНӢ БА МАРҲИЛАИ СИФАТАН НАВ ВОРИД ШУД

«ҚАҲРАМОНИ АБАДӢ - ТЕМУРМАЛИК» ДАР ҶУМҲУРИИ КОРЕЯ БА ТАБЪ РАСИД


Дар сомонаҳои дигари Тоҷикистон хонед