logo

ҳуқуқ

ПОРА СЕ МАНСАБДОРРО БА ҶАВОБГАРИИ ҶИНОЯТӢ КАШИД

Кормандони раёсати Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар вилояти Хатлон се шахси мансабдорро бо ҷурми гирифтани пора дастгир карданд.
Бино ба иттилои раёсати агентӣ дар вилояти Хатлон, Бобоҷон Ғоибов ҳангоми дар вазифаи муовини раиси Ҷамоати деҳоти «50-солагии Тоҷикистон»-и ноҳияи Абдураҳмони Ҷомӣ кор карданаш, бо роҳи фиреб ва суиистифода аз мақоми хизматӣ ба бовари шаҳрванд Ш.Тӯраев даромада, барои ҷудо намудани 0,06 гектар қитъаи замини наздиҳавлигӣ, аз ҳисоби заминҳои деҳаи Ёсуман, 6600 доллар гирифта, ба манфиати худ истифода кардааст.
Рустам Шарифов бошад, замони ваколатдори оперативии раёсати Агентии маводи нашъаовари назди Президенти Ҷумҳурии Тоҷикистон дар вилояти Хатлон  кор кардан, шаҳрванд Ш. Ҳусейновро дар маркази ноҳияи Қубодиён бо баҳонаи ба муомилоти ғайриқонунии маводи нашъаовар машғул шудан муттаҳам карда, барои нисбат ба ӯ оғоз накардани парвандаи ҷиноятӣ 3000 сомонӣ талаб намудааст. Номбурда 1000 сомониро гирифта, барои овардани маблағи боқимонда ба Ш. Ҳусейнов муҳлат додааст.
Собиқ муовини сардори ШВКД Ҷумҳурии Тоҷикистон дар ноҳияи Дӯстии вилояти Хатлон Бобохон Талбаков ҳангоми дар ҳамин вазифаи масъул фаъолият доштанаш даст ба ҷиноят зад. Ӯ зимни санҷиши аризаи шикоятии шаҳрванд Н. Рӯзигелдиева нисбат ба Ҳ. Ҳавлоев вобаста ба дуздии молу мулк муайян кард, ки онҳоро Қ. Гиёев тибқи суннатҳои дини мубини ислом никоҳ кардааст. Бобохон Талбаков бо нозири минтақавии ҳамин шуъба Фарҳод Ҳомидов забон як карда, аз ваколатҳои мансабиашон берун баромада, Қ. Гиёевро ба шуъба даъват мекунанд. Баъди ба шуъба ҳозир шудан, дастони ӯро баста, то субҳ ғайриқонунӣ нигоҳ медоранд ва барои озод намуданаш 25 ҳазор сомонӣ талаб менамоянд. Қ. Гиёев ба воситаи бародараш маблағи талабкардаи ин ҳомиёни тартиботро дастрас намуда, аз банд раҳоӣ меёбад.
Бо ҳукми суди ноҳияи Абдураҳмони Ҷомӣ нисбат ба Ш.Тӯраев ҷазо дар намуди ҷарима ба маблағи 20 ҳазор сомонӣ ва бо маҳрум кардан аз ҳуқуқи ишғоли мансабҳои роҳбарикунанда дар соҳаи хизмати давлатӣ ба муҳлати ду сол таъйин карда шуд. Суди вилояти Хатлон нисбат ба Рустам Шарифов ба андозаи 16 ҳазор сомонӣ ҷарима таъйин кард. Б. Талбаков ва Қ. Ҳомидов дар содир намудани ҷиноят бо моддаи 247 қисми 4 банди «б», 314 қисми 1, 316 қисми 1 ва 358 қисми 1 - и Кодекси ҷиноятии Ҷумҳурии Тоҷикистон гунаҳгор дониста шуданд. Нисбат ба Б. Талбаков 48 ҳазор сомонӣ ҷарима бо маҳрум кардан аз ҳуқуқи ишғоли мансабҳои роҳбарикунанда дар мақомоти корҳои дохилӣ ба муҳлати се сол ва нисбат ба Қ. Ҳомидов ҷазо дар намуди ҷарима ба маблағи 44 ҳазор сомонӣ бо маҳрум кардан аз ҳуқуқи ишғоли мансабҳои роҳбарикунанда дар мақомоти корҳои дохилӣ ба муҳлати се сол таъйин карда шуд.
Лашкар ШАРИФ, “Ҷумҳурият”


Баёни ақида (0)    Санаи нашр: 24.07.2017    №: 153-154    Мутолиа карданд: 440

15.11.2018


Ҳамоиш бахшида ба Рӯзи Президент

Нурдинҷон Исмоилов ба Тоҷикистон меояд

Мулоқоти Зубайдулло Зубайдзода бо Амал Муҷрин ал - Ҳамад

Конференсияи гиромидошти Бобоҷон Ғафуров

Путин ва Абэ дар асоси қатъномаи соли 1956 гуфтушунид хоҳанд кард

Таҳлилгарони Nomura сустшавии суръати рушди иқтисоди ҷаҳониро пешгӯӣ намуданд

Frontex: ба Аврупо омадани гурезаҳо 31 дарсад коҳиш ёфт

Назарбоев соли 2019-ро Соли ҷавонон эълом дошт

Ҷаҳон дар як сатр

14.11.2018


Вусъати корҳои ободонӣ дар ноҳияи Восеъ

Ҷамъоварии $482 миллион ба ёрии мардуми Ироқ

Назарбоев ташкили Созмони амнияти дастаҷамъии Осиёро пешниҳод дорад

Ҷонибдории Ангела Меркел аз ташкили артиши ягонаи аврупоӣ

Дар Тошканд Ҳафтаи соҳибкории глобалӣ шурӯъ шуд

Ҷаҳон дар як сатр

ЧЕМПИОНАТИ ҶАҲОН – 2018. Иштироки се бонуи муштзани тоҷик

БОНКИ МИЛЛӢ. Иқдоми наҷиб

13.11.2018


Мулоқоти Сироҷиддин Муҳриддин ва Юе Бин

Баимзорасии ёддошти тафоҳум

Нақшаи чорабиниҳои амалӣ намудани корҳои ободонию бунёдкорӣ дар давраи солҳои 2019 – 2021 тасдиқ гардид

БӮСТОН. Таҷдиди шуъбаи урология

ВАҲДАТ. 5 иншооти ҷашнӣ ба истифода дода шуд

ЁВОН СИМОИ ТОЗА МЕГИРАД

НОҲИЯИ ШАМСИДДИНИ ШОҲИН. Кӯшишҳо самар медиҳанд

"Дар ин дунё Карим Девонае буд"

Ҳузури бераводиди тоҷикистониён дар Туркия 3 баробар дароз шуд

Аврупо дар бозёбии партовҳои уран дар Тоҷикистон саҳм мегирад

Москва аз ҷумлаи даҳ шаҳри беҳтарини дунёст

Гунаҳгорони ҳалокати 52 ӯзбекистонӣ зиндонӣ шуданд

Чин дар ҷаҳон калонтарин воридкунандаи газ

Ҷаҳон дар як сатр

ҚУБОДИЁН. 48 медали варзишгарон дар нуҳ моҳ

12.11.2018


Дар Париж ҳамоиши сулҳ ифтитоҳ ёфт

Бо эҳтимоми ҳукумати Ҳиндустон нархи сӯзишворӣ арзон мешавад


Дар сомонаҳои дигари Тоҷикистон хонед