logo

иҷтимоиёт

ЗАБОН ВА ТАҚОЗОИ ЗАМОН

Ҳоло ки Тоҷикистон ҳамчун ҷузъи фаъоли ҷомеаи ҷаҳонӣ ва ташаббускори чорабиниҳои муҳим шинохта шудааст, омӯхтан ва донистани забонҳои хориҷӣ, хоса русӣ ва англисӣ амри зарурист. Дар иртибот ба ин, дар асоси Фармони Президенти Ҷумҳурии Тоҷикистон аз 4 апрели соли 2003 «Дар бораи такмили таълим ва омӯзиши забонҳои русӣ ва англисӣ дар Ҷумҳурии Тоҷикистон»  2 декабри ҳамон сол “Барномаи давлатии такмил ва омӯзиши забонҳои русӣ ва англисӣ барои солҳои 2004 – 2014” тасдиқ шуд, ки бо назардошти муҳимияти масъала он барои солҳои 2015 – 2020 тамдид гардид.
Зулфия Сафарова, муовини директори Маркази ҷумҳуриявии таълимию методии назди Вазорати маориф ва илм, иброз дошт: «Дар доираи ин барнома дар тамоми муассисаҳои таълимии ҷумҳурӣ омӯзиши забонҳои хориҷӣ ба роҳ монда шуд. Тавассути маблағҳое, ки аз ҷониби Ҳукумат барои амалигардонии барнома ҷудо шуданд, соатҳоро зиёд карда, китобу маводи дарсӣ омода намудем. Дар муассисаҳои таълимӣ марказҳои омӯзиши забонҳои русию англисӣ  ташкил карда шуданд. Яъне, бо ин роҳ омӯзондани забонҳои хориҷӣ тариқи дарсҳои иловагию факултатевӣ низ гузаронда мешавад. Чунин марказҳо дар назди муассисаҳои таълимии иловагӣ низ таъсис ёфтаанд. Ҳамчунин, дар баробари омӯзиши забонҳои русию англисӣ, омӯзиши забонҳои дигари хориҷӣ, аз қабили олмонию хитоӣ ва арабӣ сурат мегиранд. Дар ҳамкорӣ бо Вазорати маориф ва илми Федератсияи Русия ва ҷалби олимони ин кишвар дастурҳои таълимӣ таҳия  шуда, дар  донишкадаҳои такмили ихтисоси  Тоҷикистону Русия ва  Донишгоҳи славянии Русияю Тоҷикистон устодон давра ба давра аз курсҳои омӯзишӣ гузаштанд. Ба ин восита масъалаи омӯзиши забони русӣ бамаротиб беҳтар шуд. Аммо бо сабабҳои нарасидани мутахассисон ва дастурҳои методӣ омӯзиши  забони англисӣ дар муассисаҳои таълимӣ ҳанӯз ҳам мувофиқи мақсад нест, ки барои рафъи камбудиҳо  корҳои заруриро анҷом дода истодаем».
Воқеан, таъмин намудани муассисаҳои таълимӣ бо кадрҳои баландихтисоси омӯзгорӣ яке аз масъалаҳои муҳим ба шумор меравад. Ба ин хотир, аз ҷониби Ҳукумати мамлакат ба вазорату муассисаҳои таълимӣ вазифаҳои мушаххас дода шудаанд, ки яке аз масъалаҳои аввалиндараҷаи он тайёр намудани кадрҳои омӯзгорӣ мебошад.
Дар ин бора, Маҳмудхон Шоев, муовини сардори раёсати таҳсилоти олии касбӣ ва баъдидипломии Вазорати маориф ва илм, изҳор дошт, ки ҷиҳати иҷро намудани дастуру супоришҳои Пешвои миллат, дар самти омода намудани мутахассисони ояндаи ҷавобгӯ ба талаботи бозори дохилию беруна ва донандаи ду ё се забонҳои хориҷӣ дар тамоми муассисаҳои  таҳсилоти олии касбии кишвар омӯзиши забонҳои хориҷӣ ба роҳ монда шудааст. Инчунин, дар 11 муассисаи таҳсилоти касбӣ омӯзиши забони хориҷӣ ҳамчун ихтисос ҷорӣ гардидааст. Мутахассисон бо донистани забонҳои русию англисӣ, арабию фаронсавӣ, хитоиву олмонӣ, кореягию ҷопонӣ ва форсӣ тайёр карда мешаванд.  Мувофиқи таҳлилҳои пешакӣ солҳои 2017 - 2019 дар муассисаҳои таҳсилоти миёнаи умумии ҷумҳурӣ ба 1882 нафар омӯзгорони фанҳои забони хориҷӣ эҳтиёҷи кадрӣ ба миён меояд. Ҳамчунин, тибқи иҷозатномаи қабули довталабон дар соли таҳсили 2017-2018 зиёда аз 10 ҳазор ҷой барои  ихтисосҳои омӯзгорӣ ба нақша гирифта шуд. Дар назар аст, ки Вазорати маориф ва илм дар муддати 3 сол эҳтиёҷоти кадрии тамоми муассисаҳои таҳсилоти умумиро пурра бароварда намояд.
Меҳрангез ҚОДИРОВА, «Ҷумҳурият»


Баёни ақида (0)    Санаи нашр: 24.07.2017    №: 153-154    Мутолиа карданд: 715
14.08.2020


САНГВОР. ДЕҲАҲО ТАРОВАТИ ТОЗА МЕГИРАНД

ВАҲДАТ. ЭҲСОСИ ШУКӮҲИ ҶАШНИ МИЛЛӢ

ДАЪВАТИ СММ АЗ ҶОМЕАИ ҶАҲОНӢ

Ҷаҳон дар як сатр

ҶОМИ ҶАҲОН – 2022. БОЗИҲОИ МАРҲИЛАИ ИНТИХОБӢ СОЛИ 2021 БАРГУЗОР МЕШАВАНД

12.08.2020


ТОҶИКИСТОН. АЗ COVID – 19 БОЗ 39 БЕМОР ШИФО ЁФТ

ВИДЕОКОНФРОНСИ “ОСИЁИ МАРКАЗӢ + ЯПОНИЯ”

ВОХӮРИИ МУҲАММАДЮСУФ ИМОМЗОДА БО МУҲАММАД ЗОҲИР АҒБАР

ҶАМЪБАСТИ ОЗМУНИ ҶУМҲУРИЯВИИ ФОСИЛАВИИ «ТОЗАГӢ – ГАРАВИ САЛОМАТӢ»

ЛИГАИ АВРУПО. ҶУФТҲОИ ДАВРИ НИМНИҲОӢ МАЪЛУМ ГАРДИДАНД

10.08.2020


КОРОНАВИРУС. ШУМОРАИ ШИФОЁФТАГОН БА 6 ҲАЗОРУ 573 КАС РАСИД

ЁРИИ НАВБАТИИ ПЕШВОИ МИЛЛАТ БА СОКИНОНИ ЭҲТИЁҶМАНДИ БАДАХШОН

САФАРИ МУОВИНИ САРВАЗИРИ МАМЛАКАТ ШИРИН ИСМАТУЛЛОЗОДА БА ШАҲРУ НОҲИЯҲОИ ҶУМҲУРӢ

«СУҒД ТЕКСТАЙЛЗ» ФАЪОЛИЯТАШРО ТАВСЕА МЕБАХШАД

ЛИГАИ ОЛӢ. "ИСТИҚЛОЛ", "ХУҶАНД" ВА "ХАТЛОН" ДАВРИ ДУЮМРО БО ПИРӮЗӢ ОҒОЗ КАРДАНД

БАДАХШОН. АВЛАВИЯТ БА ТАВСЕАИ МАЙДОНИ КИШТ

АГЕНТИИ НАШЪАОВАР. МУСОДИРАИ БЕШ АЗ 1 ТОННА МАВОДИ НАШЪАОВАР ВА МАҲВИ 26 ГУРӮҲИ ҶИНОЯТӢ

07.08.2020


ТОҶИКИСТОН. 6 ҲАЗОРУ 443 БЕМОРИ COVID-19 ШИФО ЁФТ

ВМКБ. ШИНОСОИИ АЗИМ ИБРОҲИМ БО ҶАРАЁНИ КОР ДАР ИНШООТИ ҶАШНӢ

КМИР. НАҚШАИ ТАҚВИМИИ ЧОРАБИНИҲОИ ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОНРО ТАСДИҚ КАРД

ЛИГАИ БОНУВОН. «ХАТЛОН» ҒОЛИБИ МАРҲИЛАИ АВВАЛ

ҶАҲОН ДАР ЯК САТР

06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ


Дар сомонаҳои дигари Тоҷикистон хонед