logo

иҷтимоиёт

ДАР МИЁНИ МАРДУМ

Бисёр хуб аст, ки вобаста ба баргузории чорабиниҳои сиёсию фарҳангӣ чанд соли охир сафари кории гурӯҳи тарғиботӣ ба шаҳру деҳоти кишвар ба ҳукми анъана даромадааст. Ин гуна сафарҳои муфиду пурмуҳтаво дар пойдории ваҳдати миллӣ, боло бурдани маърифати ҳуқуқӣ, ҳисси ифтихори миллӣ, ошноии бештари дастовардҳои истиқлолият, сиёсати хирадмандона ва созандаи Сарвари давлат Эмомалӣ Раҳмон мусоидат мекунанд. Чунин сафарҳо бахшида ба Соли ҷавонон ва Рӯзи Ваҳдати миллӣ, тарғиби Паёми навбатӣ низ доир гардиданд.
Гурӯҳи кории мо зимни мулоқоту вохӯриҳо  бо фарогирии шумораи зиёди сокинони шаҳру деҳоти Панҷакент - фаъолон, занон, ҷавонон, аз ҷумла донишҷӯён, соҳибкорон, раисони ҷамоату маҳаллаҳо, ходимони дин, роҳбарони ташкилоту муассисаҳо, ки дар Донишкадаи омӯзгории Тоҷикистон дар шаҳри Панҷакент, коллеҷҳои омӯзгорӣ ва тиббии шаҳри Панҷакент, беморхонаи марказии шаҳр, ҷамоатҳои деҳоти Саразм, Чинор, Косатарош, Сӯҷина, Халифа Ҳасан ва ба номи Лоиқ Шералӣ баргузор шуданд, оид ба дастовардҳои Тоҷикистон дар даврони соҳибистиқлолӣ, пайомадҳои сулҳи пойдор, суботи сиёсиву иҷтимоӣ дар кишвар, бунёди пояҳои давлатдории муосир ва эъмори давлати воҳид ва дар низоми байналмилалӣ соҳибмақом, фазои озоди бунёдкориву созандагӣ, ки аз сиёсати хирадмандона,  иқдомоту ташаббусҳои фарогиру ҷаҳоншумул ва заҳматҳои шабонарӯзии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон  муҳтарам Эмомалӣ Раҳмон сарчашма мегиранд, мубодилаи афкор намуданд. 
Дар рафти вохӯриҳо, вобаста ба татбиқи амалии дастуру нишондодҳое, ки аз Паёми Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон бармеоянд, инчунин, татбиқи самарабахши нишондодҳои қонунҳои Ҷумҳурии Тоҷикистон «Дар бораи масъулияти падару модар дар таълиму  тарбияи фарзанд», «Дар бораи танзими анъана ва ҷашну маросимҳо дар Ҷумҳурии Тоҷикистон» ва роҳандозии чорабиниҳои мухталиф бо мақсади тарбияи маънавӣ, меҳанпарастӣ, ифтихори миллӣ, дарки масъулиятшиносӣ байни тамоми қишрҳои ҷомеа, бахусус ҷавонону наврасон, сабабу омилҳои ба фарҳанги бегона тақлид намудани баъзе аз занону ҷавонон, гароиши онҳо ба ҷараёну равияҳои ифротгаро ва тарғиби тарзи ҳаёти солим таваҷҷуҳи хоса зоҳир гардид.
Мавриди зикр аст, ки яке аз нуктаҳои меҳварии Паёми Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон эълон гардидани соли 2017 ҳамчун Соли ҷавонон ба шумор рафта, он омили таҳкимбахши раванди татбиқи сиёсати давлатии ҷавонон дар мамлакат  арзёбӣ мегардад.
Вобаста ба ин, дар рафти вохӯриҳо аз ҷониби гурӯҳи корӣ оид ба таваҷҷуҳи бевоситаи Пешвои муаззами  миллат, муҳтарам Эмомалӣ Раҳмон баҳри баланд бардоштани нақши ҷавонон дар ҷомеа, ҳаллу фасли мушкилоти онҳо, истифодаи оқилона аз ин захираи стратегӣ ва зеҳнии миллат ба хотири ободиву шукуфоии Ватан ва таъмини амнияту суботи ҷомеа, фаро гирифтани насли ояндасози ҷомеа ба касбомӯзӣ, донишандӯзию бунёдкорӣ, ки аз моҳияти таърихӣ, сиёсию стратегӣ ва  иҷтимоӣ-демографии эълон гардидани Соли ҷавонон бармеояд, диққати махсус дода шуд.
Дар робита ба иҷрои нишондодҳои Паём дар рафти мулоқоту вохӯриҳо қайд гардид, ки дар замони муосир вобаста ба равандҳои ҷаҳонишавӣ ва шиддат ёфтани муборизаҳои иттилоотӣ, ҳамчунин, таъсири фарҳангу мафкураи бегона ба зеҳни аҳли ҷомеа масъалаҳои  таҳкими ҳисси худшиносиву худогоҳӣ, ҳифзи арзишҳои миллӣ, тавсеаи ҷаҳонбинии демокративу дунявӣ, пойдории ваҳдат ва субот дар ҷомеа аҳамияти хоса пайдо намуда, ҳамчун вазифаҳои муҳими ҷомеасозӣ бо ҷараёни рушди минбаъдаи ҳаёти кишвари мо, тарбияи ҳисси ватандӯстии тамоми қишрҳои ҷомеа, махсусан ҷавонон  робитаи ногусастанӣ пайдо мекунанд.
Қобили зикр аст, ки соли ҷорӣ бо ибтикори раёсати Донишкадаи давлатии забонҳои Тоҷикистон ба номи Сотим Улуғзода ба ифтихори 20-умин солгарди Рӯзи Ваҳдати миллӣ ва Соли ҷавонон китобе таҳти унвони «Суханшиносони диёри куҳан» таҳия ва чоп гардид,  ки дар он   оид ба  таърихи Панҷакент, саҳми  фарзандони ин сарзамин дар таълиму тарбияи мутахассисони соҳаи забоншиносӣ, рушду нумӯи илму фарҳанг ва донишҷӯёни ин шаҳру деҳот, ки дар донишкада таҳсил менамоянд, маълумоти  муфид дарҷ гардидааст.
 Зимни мулоқоту вохӯриҳои гурӯҳи корӣ дар маркази шаҳр ва деҳоти Панҷакент ин китоб ва сипосномаҳои донишкада  ҳамчун рамзи қадрдонии меҳнати софдилонаи фарзандони ин диёр  ба волидайни донишҷӯён ва намояндагони  шуъбаи маорифи шаҳр тақдим  гардиданд.
Бояд қайд намуд, ки тамоми маърӯзаҳо ва суханрониҳои гурӯҳи таблиғотӣ оид ба дастовардҳои Ҷумҳурии Тоҷикистон дар даврони соҳибистиқлолӣ, махсусан саҳм ва нақши Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ин самт дар заминаи факту рақамҳои воқеӣ, далелҳои  қотеона ва боварибахш ироа гардиданд, ки он бори дигар эътимоду боварии сокинони шаҳру деҳоти Панҷакентро нисбат ба сиёсати Сарвари давлат мустаҳкам намуданд.
Маҳмадулло РАҶАБЗОДА,
роҳбари гурӯҳи корӣ, ректори
Донишкадаи давлатии забонҳои Тоҷикистон ба номи С. Улуғзода


Баёни ақида (0)    Санаи нашр: 26.07.2017    №: 157    Мутолиа карданд: 345

19.11.2018


Кулишов: «Марзҳои ИДМ бо таҷҳизоти муосир таъмин карда мешаванд»

Дар Тоҷикистон омӯзгори забони англисӣ барои таблиғи «ДИ» 19 сол гирифт

Қазоқистон мубориза бо машруботро сахттар мекунад

Фоидаи туризм ба кадом шаҳри дунё бештар аст?

Ҷаҳон дар як сатр

"ИСТИҚЛОЛ" бори аввал барои Ҷоми чемпионҳои КФО мубориза хоҳад бурд

Омодагии тими миллӣ ба марҳилаи интихобии Ҷоми ҷаҳон – 2022

УСМОН ТОШЕВ САРМУРАББИИ НАВИ ДАСТАИ МУНТАХАБ

15.11.2018


Ҳамоиш бахшида ба Рӯзи Президент

Нурдинҷон Исмоилов ба Тоҷикистон меояд

Мулоқоти Зубайдулло Зубайдзода бо Амал Муҷрин ал - Ҳамад

Конференсияи гиромидошти Бобоҷон Ғафуров

Путин ва Абэ дар асоси қатъномаи соли 1956 гуфтушунид хоҳанд кард

Таҳлилгарони Nomura сустшавии суръати рушди иқтисоди ҷаҳониро пешгӯӣ намуданд

Frontex: ба Аврупо омадани гурезаҳо 31 дарсад коҳиш ёфт

Назарбоев соли 2019-ро Соли ҷавонон эълом дошт

Ҷаҳон дар як сатр

14.11.2018


Вусъати корҳои ободонӣ дар ноҳияи Восеъ

Ҷамъоварии $482 миллион ба ёрии мардуми Ироқ

Назарбоев ташкили Созмони амнияти дастаҷамъии Осиёро пешниҳод дорад

Ҷонибдории Ангела Меркел аз ташкили артиши ягонаи аврупоӣ

Дар Тошканд Ҳафтаи соҳибкории глобалӣ шурӯъ шуд

Ҷаҳон дар як сатр

ЧЕМПИОНАТИ ҶАҲОН – 2018. Иштироки се бонуи муштзани тоҷик

БОНКИ МИЛЛӢ. Иқдоми наҷиб

13.11.2018


Мулоқоти Сироҷиддин Муҳриддин ва Юе Бин

Баимзорасии ёддошти тафоҳум

Нақшаи чорабиниҳои амалӣ намудани корҳои ободонию бунёдкорӣ дар давраи солҳои 2019 – 2021 тасдиқ гардид

БӮСТОН. Таҷдиди шуъбаи урология

ВАҲДАТ. 5 иншооти ҷашнӣ ба истифода дода шуд

ЁВОН СИМОИ ТОЗА МЕГИРАД

НОҲИЯИ ШАМСИДДИНИ ШОҲИН. Кӯшишҳо самар медиҳанд

"Дар ин дунё Карим Девонае буд"

Ҳузури бераводиди тоҷикистониён дар Туркия 3 баробар дароз шуд


Дар сомонаҳои дигари Тоҷикистон хонед