logo

ҳуқуқ

ОИЛАДОРӢ. БЕКОРШАВИИ АҚДИ НИКОҲ ТАШВИШОВАР АСТ

Аз як гузориши Суди Олии Ҷумҳурии Тоҷикистон бармеояд, ки бо вуҷуди тадбирҳои судманди ҳуқуқиву иҷтимоӣ ҳамоно ҷудошавии оилаҳо дар чанд соли охир аз масъалаҳои ҳалталаб боқӣ мондааст.

Роҳбарияти Суди Олии мамлакат ахиран дар суҳбат бо хабарнигорон аз афзоиши пошхӯрии оилаҳо изҳори нигаронӣ карда,  бекоршавии ақди никоҳро дар байни ҷавонон ташвишовар арзёбӣ намуд. Зикр гардид, ки дар нимсолаи аввали соли равон оид ба ҷудошавии оилаҳо 5091 парванда баррасӣ шуда, бо баровардани ҳалномаҳои судӣ  4178 ақди никоҳ бекор шудааст. Дар мавриди амалҳои зӯроварӣ дар оила гуфта шуд, ки дар ин давра аз ҷониби судҳо 28 парвандаи ҷиноятӣ нисбат ба 30 нафар баррасӣ гардида, гунаҳгорон ба ҷавобгарӣ кашида шуданд.
Бино ба гуфтаи Давлатбибӣ Сироҷзода, сардори Раёсати сабти асноди ҳолати шаҳрвандии Вазорати адлияи Ҷумҳурии Тоҷикистон, дар шаш моҳи соли равон 5040 ҳолати ҷудошавии оилаҳо ба қайд гирифта шудааст, ки назар ба ҳамин давраи соли гузашта 516 адад зиёд мебошад. Аз ҷумла, 3474 ақди никоҳ аз тариқи судӣ ва 1535 ақд аз ҷониби бахшҳои САҲШ - и шаҳру навоҳии кишвар дар асоси ариза ва ризояти тарафайн бекор гардидааст. Д. Сироҷзода  дар мавриди ихтилофи теъдоди бекоршудаи  ақди никоҳ аз тариқи судӣ байни Суди Олии кишвар ва Раёсати САҲШ  иброз дошт, ки қарори суд пас аз як моҳ баъди мурофиа ба дасти шаҳрвандон мерасад ва манзури САҲШ - ҳои шаҳру ноҳияҳо мегардад. Бинобар ҳамин,  шумораи нишондодаи Суди Олӣ зиёд аст. Сардори раёсат омилҳои асосии аз ҳам пошхӯрии оилаҳоро дар паст будани сатҳи маърифати ҳуқуқии шаҳрвандон, бадахлоқӣ, ба маҳкама кашида шудани ҷавонон, истеъмоли машрубот, бадмастӣ, кибру ғурур ва таънаи тарафҳои арӯсу домод ба ҳамдигар арзёбӣ намуд.
Ба андешаи Шарифамо Қурбонова, сардори бахши САҲШ - и ноҳияи Сино, баъди қабули Қонуни Ҷумҳурии Тоҷикистон  «Дар бораи танзими анъана ва ҷашну маросимҳо дар Ҷумҳурии Тоҷикистон»  ҳазорҳо ҷавононе, ки аз ҷиҳати иқтисодӣ имкони барпо кардани маъракаи арӯсиву домодиро надоштанд, бо хароҷоти кам оиладор шуданд. Бо вуҷуди ин, мутаассифона, теъдоди бекор шудани ақди никоҳ сол ба сол меафзояд ва масъалаи аз ҳам пош хӯрдани оилаҳои ҷавон ташвишовар боқӣ мемонад. Дар урфият мегӯянд, ки «Ҳар он чиз, ки ба осонӣ ба даст ояд, зуд ва ба осонӣ аз даст меравад». Тарафҳо ҳини бекор кардани никоҳ ба давлат маблағи ночизе месупоранд. Баъзе ҷавонон аз ин имконот суистифода бурда ду - се маротиба хонадор мешаванд, ки ин амали носавоб боиси нигаронист. Шояд барои пешгирии аз ҳам ҷудо шудани оилаҳо ҷарима ба маблағи калон муқаррар карда шавад. Хуб мешуд, ки ин масъала дар сохторҳои дахлдор мавриди омӯзиши ҷиддӣ қарор гирад ва ба ҳукми қонун дарояд.
Мунаввари САФАР, «Ҷумҳурият»


Баёни ақида (0)    Санаи нашр: 26.07.2017    №: 157    Мутолиа карданд: 602

15.11.2019


Ҳамоиш бахшида ба Рӯзи Президент

Вохӯрии Ҷамшед Нурмаҳмадзода бо ҳайати Фонди қарзии кафолатии Тоҷикистон

Хонандагони тоҷик дар озмуни «Роботтехника» сазовори ҷойи дуюм шуданд

Талаби Си Ҷинпин аз ҳукуматдорони Ҳонконг

Фоҷиа. 90 дарсади Венетсия зери об монд

Дар Франсия таҷдиди Нотр - Дам боиси ҷанҷол шуд

Дар Ӯзбекистон лоиҳаи маърифатии «Як миллион барномасоз» роҳандозӣ мешавад

Ҷаҳон дар як сатр

14.11.2019


Мулоқоти Ҷамолиддин Нуралиев бо намояндагони «Moody’s Investors Service»

Оид ба имконоти рушди кӯдакон форуми байналмилалӣ доир мешавад

Тақвияти робитаҳои иқтисодию тиҷоратӣ бо музофоти Ҳубэй

Таэквондо. 22 медали варзишгарони тоҷик аз Бухоро

"Тулӯи ҳақиқат" дар Рӯзи Президент

Шумораи сайёҳон дар Россия беш аз 20 дарсад афзудааст

Ашқобод мизбони нишасти зиддитеррористии ниҳодҳои дипломатии кишварҳои ҳамсуд

Сарвазири Ҳиндустон вохӯрияш бо Путинро олиҷаноб номид

Сесад ҷангии «Давлати исломӣ» дар Афғонистон таслим шуд

Коломойский ба Украина рӯ ҷониби Россия оварданро пешниҳод намуд

Ҷаҳон дар як сатр

13.11.2019


Дар Осетия пайкараи Абулқосим Фирдавсӣ гузошта шуд

Назарбоев: "Зеленский ба мулоқот бо Путин дар Қазоқистон ризоият дод"

Дания аз бозгашти террористони «худӣ» ба кишвар шод нест

Ҷаҳон дар як сатр

“Бункер” ба Фаронса меравад

12.11.2019


Ифтитоҳи маҷмааи тиҷоратии «Масири олӣ»

Таҳкими ҳамкориҳои байнипарлумонӣ матраҳ гардид

Баррасии масоили рушди қонунгузорӣ оид ба моликияти зеҳнӣ

САЙЁҲӢ. Баргузории Форуми II илмии донишҷӯёни муассисаҳои олии таълимӣ

Ҷаҳон дар як сатр

Теъдоди қурбониёни тӯфони «Булбул» дар Бангладеш ба 26 нафар расид

Туркия ба истирдоди ҷангиёни «Давлати исломӣ» шурӯъ намуд

Нигаронии Лигаи кишварҳои араб аз идомаёбии зӯроварӣ дар Ироқ

Ҳиндустон дар 10 - 15 сол ММД - ро 4 маротиба боло бурданист

11.11.2019


Фаронса ба «ТАЛКО» таҷҳизот ва ба «Сомон Эйр» панҷ чархбол таҳвил медиҳад


Дар сомонаҳои дигари Тоҷикистон хонед