logo

суханрониҳо

Суханронии Президенти Ҷумҳурии Тоҷикистон Эмомалӣ Раҳмон дар маросими супурдани мукофотҳои давлатӣ, 7 сентябри соли 2009

Дӯстони азиз!
Ҳозирини мӯҳтарам!
Имрӯз дар арафаи бузургтарин рӯйдоди таърихи миллати куҳанбунёдамон 18-солагии ҷашни Истиқлолияти давлатии Тоҷикистон мо аз рӯи анъана барои хизматҳои арзанда дар назди халқу Ватан ва саҳми шоиста дар рушди соҳаҳои гуногун ба намояндагони илму фарҳанг, мақомоти ҳифзи ҳуқуқ ва сохторҳои низомӣ, ташкилоту корхонаҳо ва идораву муассисаҳо,ба таври расмӣ мукофотҳои олии давлатӣ ва унвонҳои фахрӣ месупорем.
Дар ин лаҳзаҳои барои ҳар кадоматон хотирмон ҳамаи шуморо барои сазовор гардидан ба унвонҳои олии Ватан самимона табрик намуда, итминони комил дорам, ки шумо нерӯи маънавию ҷисмонӣ, ақлу заковат ва кӯшишу ғайрати худро минбаъд низ барои рушду тараққиёт ва пешрафту ободии Ватани азизамон дареғ нахоҳед дошт.
Ҳаждаҳ соли истиқлолият барои мову шумо мактаби имтиҳону озмоишҳои душвор, бурду бохтҳои созандагӣ, сабақандӯзиву камолот, давраи давлатсозиву давлатдории мустақилонаи миллӣ, солҳои рушди устувори иқтисодиёту иҷтимоиёт ва фарҳангу маънавиёт, ҳамчунин марҳалаи бесобиқаи худогоҳиву худшиносӣ ва ҳувияти милливу ифтихори ватандорӣ гардид.
Мову шумо дар давоми ин солҳо паҳлу ба паҳлу истода, барои фароҳам овардани фазои сулҳу субот ва таъмини амнияти ҷомеа, татбиқи ҳадафҳои стратегии истиқлолияти энергетикии кишвар, аз бунбасти коммуникатсионӣ баровардани мамлакат ва бо маводи озуқавории худӣ таъмин намудани аҳолӣ заҳмат кашидем.
Имрӯз дар кишвари соҳибистиқлоламон фазои мусоиди сулҳу субот ва зиндагии осоишта фароҳам омада, барномаҳои мушаххаси рушди соҳаҳои энергетика, алоқаву коммуникатсия, саноату кишоварзӣ ва дигар бахшҳои иқтисодиёт зина ба зина дар ҳаёт татбиқ мегарданд ва бо меҳнати содиқонаву софдилонаи фарзандони бонангу номуси миллат пояҳои давлатдории миллиамон рӯз ба рӯз таҳким меёбанд.
Бо вуҷуди мушкилоти муайян ва гузашта аз ин, таъсири ҷиддии манфии бӯҳрони молиявию иқтисодӣ мо кӯшиш карда истодаем, ки ҳамаи нақшаву ниятҳои пешгирифтаамонро амалӣ намоем ва муҳимтар аз ҳама, ба беҳтар гардидани сатҳу сифати зиндагии мардумамон муваффақ шавем.
Вале мехоҳам таъкид намоям, ки дар ин шароити пурталотуми ҷаҳонишавӣ ва бӯҳрони шадиди молиявию иқтисодӣ мову шумо беш аз пеш ба иттиҳоду сарҷамъӣ, ваҳдату ҳамдигарфаҳмӣ, зиракии сиёсӣ, ифтихори ватандорӣ, дарки амиқи қарзи фарзандӣ ва рисолати шаҳрвандӣ ниёз дорем.
Гузашта аз ин, мо бояд кӯшиш намоем, ки дар ҷомеаи мо сафи афроди бонангу номус, дорои тафаккури созанда, донишу ақли муосир, соҳибихтисосу коршинос, соҳибмаърифату ботаҷриба ва миллатдӯсту ватанпараст афзояд, ки шумо - ҳозирини мӯҳтарам аз ҷумлаи онҳо буда, бо заҳмати содиқона ва ҳисси баланди масъулиятшиносиатон имрӯз ба мукофотҳои олии давлатӣ сазовор гардидаед.
Ҳамаи шуморо бори дигар ба ифтихори ҷашни истиқлол ва сарфароз гардиданатон бо ҷоизаҳои давлатӣ табрик гуфта, хотирнишон месозам, ки ин мукофотҳои олии Ватан рамзи боварии давлату миллат ба ҳар кадоми шумо буда, қарзи фарзандӣ ва рисолати шаҳрвандии шуморо дар назди Ватан-Модар ва давлати соҳибистиқлоли Тоҷикистон дучанд менамояд.
Бароятон саломатӣ, сарбаландӣ ва рӯзгори ободу осуда таманно дорам.
Мукофотҳои олии Ватан муборак бошад!


Баёни ақида (0)    Санаи нашр:    №:    Мутолиа карданд: 511

25.09.2018


Тавсеаи равобити байнипарлумонии Тоҷикистону Корея

Баргузории ҷамъомад оид ба пешгирии ҷинояткорӣ

Анҷоми марҳилаи якуми амалиёти «Кӯкнор-2018»

Гутерриш ба муборизаи фаъолтар алайҳи маводи мухаддир даъват сохт

Теъдоди қурбониёни садамаи киштӣ дар Танзания ба 225 нафар расид

Сеул барои дучандсозии теъдоди сайёҳон $640 миллион харҷ карданист

Фаронса қатораи дуошёнаи тезгард месозад

Ҷаҳон дар як сатр

Ҷом насиби кӣ мешавад?

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД


Дар сомонаҳои дигари Тоҷикистон хонед