logo

иқтисод

ШАМСИДДИНИ ШОҲИН – ШОҲОН. ВАЗЪИ БУНЁДИ ИН РОҲИ МОШИНГАРД ЧӢ ГУНА АСТ?

Дар масири Шамсиддини Шоҳин – Шоҳон бунёди қитъаи 40 - километра бо заҳмату талоши роҳсозони маҳаллию хориҷӣ босуръат ҷараён дорад. Роҳсозони ширкатҳои «Бунёди роҳ», «Роҳсоз» - и Тоҷикистон, «China Road» - и Ҷумҳурии Мардумии Чин ва «Combined Group TEKAR TV» - и Туркия дар қисматҳои муайян бахши аъзами корро ба анҷом расондаанд.
Алӣ Илёс Ҳарут, сардори ширкати туркӣ, иброз дошт, ки таваҷҷуҳи бевоситаи Президенти Ҷумҳурии Тоҷикистон ба раванди бунёди роҳ ва сифати корҳои сохтмонӣ муҷиби рӯҳбаландии коргарон гардидааст.
- Кӯшиш дорем, ки роҳро сари вақт ва бо сифати баланд сохта ба истифода бидиҳем. Барои беҳтар сохтани роҳ фаъолияти ҳаррӯзаи сохт-мончиён вобаста ба ҳаҷму сифати кор натиҷагирӣ мешавад. Мақсад  на зудтар ба сомон расондани кор, балки бо сифати олӣ ва ба талаботи стандарти ҷаҳонӣ ҷавобгӯй сохтани роҳ муҳим мебошад, - гуфт ӯ.
Шуҷоат Сироҷов, директори Маркази татбиқи лоиҳаи Шоҳон – Зиғар, доир ба рафти корҳо дар қитъа  гуфт, ки фаъолияти сохтмончиён дар ду баст ба роҳ монда шуда, то 18 июли соли равон беш аз 90 дарсади корҳои бардоштани деворҳои муҳофизатии канори роҳ ба анҷом расидаанд. Аз рӯйи лоиҳа 7 километри масири навбунёдро чунин деворҳо дар бар мегиранд. Бунёди пулҳо қисми асосии барномаи сохтмонӣ ба ҳисоб рафта, масоҳати умумии онҳо зиёда аз 1000 метр мебошад. Айни замон 95 дарсади пулҳо бунёд ёфтаанд. Хобондани лӯлаҳои обгузар ва ҷӯйборҳои  бетонӣ, сохтани хоктеппа ва мумфаршсозии қабатҳои болоию поёнии роҳ, ҳамчунин, насби аломатҳои роҳ низ анҷом дода шудаанд. Аз рӯйи нақша корҳои сохтмонӣ бояд 31 декабри соли 2016 анҷом меёфтанд. Бинобар мушкил будани шароити маҳал, ноустувории вазъи молиявии пудратчӣ ва номусоидии боду ҳаво зарурати тамдиди муҳлати корҳои сохтмонӣ пеш омад.
Нигоҳдории роҳ баъди ба охир расидани сохтмон хеле муҳим аст. Аз ин лиҳоз, дар доираи лоиҳа харидани техникаю таҷҳизоти роҳ дар назар дошта шудааст. Барои интихоби паймонкор озмуни байналмилалӣ баргузор гардида, ширкати маҳаллии ҶДММ “Мумтоз” ғолиб омад.
Қитъаи Шамсиддини Шоҳин – Шоҳон ҷузъи муҳимтарини барномаи сохтмони роҳи мошингарди Кӯлоб – Қалъаи Хумб ба ҳисоб рафта, бунёди он дар тавсеаи робитаҳои иқтисодӣ ва расидан ба яке аз ҳадафҳои стратегии Ҳукумати ҷумҳурӣ - баромадан аз бунбасти коммуникатсионӣ  ва мубаддал гардидан ба кишвари транзитӣ нақши муҳим дорад.
О. ВАФОБЕКЗОДА, “Ҷумҳурият”


Баёни ақида (0)    Санаи нашр: 28.07.2017    №: 159    Мутолиа карданд: 318

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе


Дар сомонаҳои дигари Тоҷикистон хонед