logo

ҳуқуқ

МУЪМИНОБОД. НОФАҲМӢ АЗ НОШАФФОФӢ САР МЕЗАНАД!

Сокини деҳаи Тутои деҳоти Балховии ноҳияи Муъминобод Карим Қосимов дар  номаи худ ба рӯзномаи «Ҷумҳурият» аз беадолатӣ ва ба қонуншиканӣ роҳ додани раиси ҷамоат ҳангоми интихоби раиси нави мақомоти худфаъолиятии ҷамъиятӣ (раиси маҳалла), бемасъулиятию худсариҳои раиси нави МХҶ ва чора наандешидани роҳбарони ноҳия шикоят кардааст.
Деҳаи Туто беш аз 500 хоҷагӣ дошта, сокинони он асосан ба зироаткорию боғдорӣ ва чорводорӣ шуғл меварзанд. Дар ин шабу рӯз, ки айни ҳосилғундорию захираи маҳсулот аст, хеле серкоранд.
6-уми майи соли ҷорӣ барои  интихоби раиси нави МХҶ ҷаласаи аҳли деҳа баргузор гардид. Карим Қосимов аз он нигарон аст, ки ҷаласа  бо иштироки ҳамагӣ 95 сокини деҳа барпо шудааст. Ин шумора ҳатто чоряки интихобкунандагонро ташкил намедиҳад ва гузарондани маҷлиси интихоботӣ бо чунин ҳайат хилофи муқаррароти   ойинномаи МХҶ мебошад. 5 нафақагири деҳа довталаби раисӣ шуданд, аммо ҳеҷ нафаре овози заруриро гирифта натавонист. Дар ин ҳол пешниҳод шуд, ки  ду нафари бештари овозҳоро соҳибшуда номзадиашонро такроран ба овоз монанд. Ин пешниҳод низ аз ҷониби раиси ҷамоат дастгирӣ наёфт ва номзад  Бекмурод Давлатови 80 - сола бо гирифтани 37 овоз раиси маҳалла интихоб гардид.
Карим Қосимов дар номаи хеш як қатор амалҳои номатлуби раиси навро, ки норозигӣ ва баҳсу ҷанҷоли  байниҳамдигарии сокинони деҳаро барангехтаанд, номбар кардааст.
Дар рафти санҷиш маълум гардид, ки Карим Қосимов қабл аз маҷлиси мазкур вазифаи раисии МХҶ-ро ба уҳда доштааст. Ӯ ва тарафдоронаш Юсуф Зарифов ва Рустам Амиров (сокинони ҳамин деҳа) зимни суҳбат бори дигар  аз ҷараёни баргузории  он маҷлис ёдовар шуда, гуфтанд, ки барои ҳалли ин масъала ба унвони раиси ноҳия ва дигар идораҳои марбута бо имзои 62 нафар сокинони деҳа мактуби шикоятии дастҷамъона навишта, интизори посуханд. Онҳо бо тааҷҷуб арз намуданд, ки мактуби дастҷамъонаи навбатии онҳо бо кадом роҳе қабл аз санҷиши масъулон ба дасти раиси нав афтодааст ва баъзе имзокунандагон  зери маломати ӯ мондаанд.
Роҳбари дастгоҳи раиси ноҳия Саъдулло Раҳимзода дар баробари таъйиди дурустии ин хабар, қайд намуд, ки мо, аъзои гурӯҳи таъсисдодаи раиси ноҳия, дар ҳайати муовини раиси ноҳия Л. Шарифзода, роҳбари дастгоҳ С. Раҳимзода, мудири шуъбаи рушди иҷтимоӣ ва робита бо ҷомеа А. Зарифов, сармутахассиси шуъбаи ташкилӣ ва кадрҳо Р. Ҳакимов ба деҳаи Туто рафта, шикояти навбатии сокинонро санҷидем ва аз натиҷаи санҷиш ба раиси ноҳия гузориш пешниҳод кардем. Раиси ноҳия қарор дод, ки рӯзҳои наздик бо аҳли деҳа вохӯрда, масъаларо дар якҷоягӣ ҳаллу фасл менамоянд. Санҷиш дар ҳақиқат, собит намуд, ки Бекмурод Давлатов раиси мақомоти худфаъолиятии ҷамъиятӣ интихоб шудааст, аммо имзокунандагони номаи шикоятии дастҷамъона, аз ин, ҳамчунин, фаъолияти раиси нав розӣ нестанд.
Раиси деҳоти Балховӣ Ғаффор Шарифов дар хусуси ин масъалаи баҳсангез чунин иброз дошт:
- Аксарияти интихобкунандагон изҳор намуданд, ки касе аз номзадҳо овози бештарро соҳиб шавад, мо ӯро раис интихоб мекунем. Ба қавли онҳо амал кардем. Воқеан, барои интихоби шаффоф ҷамъ намудани  ҳамаи касоне, ки ҳуқуқи овоздиҳӣ доранд, ҳусусан дар ин рӯзҳо, мушкил аст. Худи ҳамин муаллифи мактуб ҳам дар вақташ айнан ҳамин тарз раиси МХҶ интихоб шуда буд. Минбаъд ба хотири он, ки дигар ин гуна нофаҳмию баҳсҳо ба миён наоянд, зарур аст, ки  зимни интихоби раис хона ба хона гашта,  аз қуттиҳои овоздиҳии сайёр истифода намоем.
«Ҷумҳурият» мавзӯъро минбаъд низ пайгирӣ мекунад.
Темуршоҳи ФАЙЗАЛӢ, «Ҷумҳурият»


Баёни ақида (0)    Санаи нашр: 31.07.2017    №: 160    Мутолиа карданд: 457

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"


Дар сомонаҳои дигари Тоҷикистон хонед