logo

туризм

ВАРЗОБ. САЙЁҲӢ РӮ БА РУШД АСТ

Варзоб яке аз минтақаҳои сайёҳии кишвар буда, байни сокинони пойтахт ва меҳмонони хориҷӣ маъруфияти бештар дорад. Таҳлили вазъи феълии сайёҳии воридотӣ ва дохилии ноҳия шаҳодат медиҳад, ки Варзоб ҳамчун минтақаи истироҳатӣ, табобатӣ, санаторӣ ва сайёҳӣ рушд меёбад.
Дар дараи Варзоб дарёи ҳамном, миқдори зиёди истироҳатгоҳҳо, ошхонаву тарабхонаҳо, маҷмааи лижаронии «Сафед-дара», маҷмааи меҳмонхонавӣ – табобатии «Сароб», иншооти машҳури сайёҳию табобатӣ - осоишгоҳи Хоҷа Обигарм, Боғи ботаникии ноҳияи Варзоб, олами набототу ҳайвонот, шаршараи 30-метраи Ғузғарф, дараи дарёҳои Сиёма, Кондара, Майхура ва Такоб, ёдгории таърихиву табиии  Хоҷа Сангхок ва ғайра ҷой гирифтаанд. Ҳамаи ин дороиҳо имкон медиҳанд, ки дар ояндаи наздик дар ҳудуди ноҳия навъҳои афзалиятноки сайёҳӣ – кӯҳнавардӣ, пиёдагардии кӯҳию варзишӣ, аспӣ, автомобилӣ, экологӣ, табобатӣ, санаторию курортӣ ва истироҳатӣ, касбӣ- коргузорӣ, таърихию маърифатӣ ва этнографӣ, рафтинг (қаиқронӣ дар дарёҳо), лижаронии кӯҳӣ, шикорӣ (барои хориҷиён) ривоҷ дода шаванд.
Вале аз таҳлил ва ҳисоботи воридшавии сайёҳони дохиливу хориҷӣ дар ноҳия бармеояд, ки сайёҳон бештар ба сайёҳии экологӣ, варзишӣ-кӯҳӣ ва экстремалӣ мароқ зоҳир мекунанд.
Барои рушди минбаъдаи иқтисодиёти Варзоб туризм нақши муҳим дошта, яке аз соҳаҳои афзалиятнок ба ҳисоб меравад. Айни замон сиёсати давлатиро дар ноҳияи Варзоб вобаста ба рушди сайёҳӣ муовини раиси ноҳия оид ба соҳаи сайёҳӣ ва сохторҳои соҳавӣ татбиқ менамоянд. Вале минтақаҳои асосӣ ва ҳудудҳои табиию рекреатсионӣ ба сохторҳои мухталифи давлатию хусусӣ ва ташкилотҳои ҷамъиятии ҷумҳурӣ, мансубанд. Аз ин рӯ, барои самаранок татбиқ намудани мақсадҳои стратегии давлат, таҳкими заминаи моддию техникии соҳа ва истифодаи самараноки иншооти сайёҳии тобеи идораву иттифоқҳои касабаи мустақили Тоҷикистон, бояд пешниҳодҳои мушаххас таҳия шаванд. Ғайр аз ин, дар ноҳияе, ки минтақаи сайёҳӣ мебошад, пас аз таъсиси сохтори алоҳида оид ба рушди сайёҳӣ ягон воҳиди корӣ ҷудо нашудааст, ки ин боиси нигаронӣ аст.
Бино ба андешаи коршиносон, ташаккули стратегияи муосири  маркетингӣ ҷиҳати таҳия ва пешбурди минбаъдаи саноати сайёҳӣ дар бозорҳои дохилӣ ва хориҷӣ дар асоси бренди миллӣ яке аз вазифаҳои асосӣ барои рушди сайёҳӣ дар ноҳияи Варзоб ба ҳисоб меравад.
Гуфтан ба маврид аст, ки ноҳияи Варзоб бо қарори Ҳукумати Ҷумҳурии Тоҷикистон, аз 18 августи соли 1999 минтақаи истироҳатӣ ва сайёҳӣ эълон гардид. Баъдан, 9 ноябри соли 2001 аз тарафи Ҳукумати Ҷумҳурии Тоҷикистон «Барномаи мақсадноки комплексии рушди ноҳияи Варзоб» тасдиқ гардид, ки ҷиҳати табдил ёфтани ноҳия ба минтақаи истироҳатӣ, табобатӣ, санаторию курортӣ ва сайёҳӣ асос гузошт.
Тавре Баҳриддин Нозимзода, муовини раиси ноҳияи Варзоб, оид ба соҳаи сайёҳӣ иттилоъ дод, мувофиқи ҳисоботи бахши омории ноҳия, дар нимсолаи якуми соли 2017 ба минтақаҳои истироҳатӣ ва осоишгоҳҳои табобатии ноҳияи Варзоб 75 000 сайёҳи дохиливу хориҷӣ омадааст, ки нисбат ба ҳамин давраи соли гузашта 25 500 нафар зиёд мебошад. Ба гуфтаи ӯ, солҳои охир тамоюли устувори афзоиши ташрифи сайёҳон ба ноҳия мушоҳида мешавад.
Бо вуҷуди натиҷаҳои назаррас дар самти сайёҳӣ, ба ақидаи коршиносон, барои рушди устувори соҳа дар ноҳия иҷрои як қатор тадбирҳо зарур аст. Аз ҷумла, беҳтар намудани ҳолати инфрасохтори сайёҳии миллӣ ва ноил шудан ба сатҳи муосири фаъолияти онҳо, анҷом додани таҳлилҳои маҷмӯӣ доир ба самаранокии кори тамоми иншооти бахшҳои хусусӣ ва давлатӣ (меҳмонхонаҳо, минтақаҳои истироҳатӣ, осоишгоҳҳо, кемпингҳо) ва мувофиқ кардани фаъолияти онҳо ба талаботи меъёрию ҳуқуқии соҳаи сайёҳӣ.
Шаҳноз ҚУРБОНОВА
Лола РИЗОЕВА,
«Ҷумҳурият»


Баёни ақида (0)    Санаи нашр: 31.07.2017    №: 160    Мутолиа карданд: 2412
07.08.2020


ТОҶИКИСТОН. 6 ҲАЗОРУ 443 БЕМОРИ COVID-19 ШИФО ЁФТ

ВМКБ. ШИНОСОИИ АЗИМ ИБРОҲИМ БО ҶАРАЁНИ КОР ДАР ИНШООТИ ҶАШНӢ

КМИР. НАҚШАИ ТАҚВИМИИ ЧОРАБИНИҲОИ ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОНРО ТАСДИҚ КАРД

ЛИГАИ БОНУВОН. «ХАТЛОН» ҒОЛИБИ МАРҲИЛАИ АВВАЛ

ҶАҲОН ДАР ЯК САТР

06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД

ГУМРУК. СОДИРОТИ МОЛУ МАҲСУЛОТИ ВАТАНӢ 19,1 ДАРСАД АФЗУД

КУМИТАИ АНДОЗ. ПАНДЕМИЯ БА ИҶРОИ НАҚША БЕТАЪСИР НАМОНД

ТОҶИКИСТОН. 6 ҲАЗОРУ 103 БЕМОРИ COVID - 19 СИҲАТ ШУД

СУҒД. РӮНАМОИИ КИТОБНОМАИ ҲАШТҶИЛДАИ “ПЕШВОИ МИЛЛАТ - ЭМОМАЛӢ РАҲМОН”

САРҲАД. ДАР НОҲИЯИ МИР САЙИД АЛИИ ҲАМАДОНӢ 127 ҶИНОЯТ БА ҚАЙД ГИРИФТА ШУД

ИҶРОИ НАҚШАИ АНДОЗИ ИҶТИМОӢ 101 ДАРСАД ТАЪМИН ГАШТ

БАЛҶУВОН. ҲАҶМИ ИСТЕҲСОЛИ МАҲСУЛОТИ КИШОВАРЗӢ КОҲИШ ЁФТ

МАҲАЛ. ҶАЛБИ НИЁЗМАНДОН ВА ТИҶОРАТИ КИШОВАРЗӢ

ВМКБ. БОЗДИДИ РАМАЗОН РАҲИМЗОДА АЗ РАФТИ БУНЁДИ ИНШООТИ ҶАШНӢ

МОЛИЯ. МАБЛАҒГУЗОРИИ СОҲАҲОИ ИҶТИМОӢ АФЗУД

ФУТБОЛ. ТИМИ МИЛЛӢ МОҲИ СЕНТЯБР ДУ БОЗИИ САНҶИШӢ МЕГУЗАРОНАД

ЧИН ВАКСИНАИ АЛАЙҲИ КОРОНАВИРУСРО ДАР БРАЗИЛИЯ ВА АМА МЕОЗМОЯД


Дар сомонаҳои дигари Тоҷикистон хонед