logo

ҳуқуқ

ТАЪМИНИ ТАРТИБОТ. АЗ БОЗДОШТИ 900 ҶИНОЯТПЕША ТО ҶАВОБГАРИИ ВОЛИДОНИ БЕМАСЪУЛИЯТ

Пешгирии гароиши наврасону ҷавонон ба ҳизбу ҳаракатҳои экстремистию террористӣ ва гурӯҳҳои моҷароҷӯю тахрибкор дар меҳвари фаъолияти мақомоти ҳифзи ҳуқуқ, махсусан мақомоти корҳои дохилӣ, қарор гирифтааст.

Ин матлабро Рамазон Раҳимзода, вазири корҳои дохилии Ҷумҳурии Тоҷикистон, зимни натиҷагирӣ аз фаъолияти шашмоҳаи ин ниҳоди қудратӣ баён намуд. Ба гуфтаи ӯ, иштироки ноболиғон дар интернет - кафеҳою марказҳои дилхушӣ, истифода аз сомонаҳои шубҳабарангезу шабакаҳои иҷтимоии интернетӣ ва ба ҳамин васила пайвастани онҳо ба ҳизбу ҳаракатҳои даҳшатафкану ифротгаро ҳамоно ташвишовар боқӣ мемонад. Бо назардошти муҳимияти мушкилоти ҷойдошта, мақомот назоратро дар ин самт пурзӯр намуда, фаъолияти 78 сомонаро барои паҳн кардани идеяю ақидаҳои ифротгароӣ, зиддидавлатӣ ва зиддиконститутсионӣ  қатъ гардонд. Дар шаш моҳи соли равон танҳо дар шаҳри Душанбе 4735 ноболиғ дастгир шуда, нисбат ба падару модари онҳо 3273 мавод барои чораҷӯӣ ба суд ирсол гардид.
Вазири корҳои дохилӣ муборизаи дастаҷамъона алайҳи гурӯҳҳои муташаккили ҷиноятпешаро аз самтҳои муҳими дигари фаъолияти мақомот арзёбӣ намуда, тазаккур дод, ки маҳз бо ҳамин мақсад дар сохтори вазорат раёсатҳои мубориза бар зидди ҷиноятҳои муташаккил ва кофтукови ҷиноятӣ таъсис ёфтанд. Сохторҳои навтаъсис дар зарфи фаъолияти худ бо гузарондани чорабиниҳои оперативӣ-ҷустуҷӯӣ ва амалиётҳои вижа як қатор ҷиноятҳоро ошкор сохта, гурӯҳҳои муташаккили ҷиноятпешаро муайян ва безарар гардонданд.  Масалан, аз 4576 ҷинояткори хавфноки дар кофтуков қарордошта, наздик ба 900 нафараш муайян ва дастгир шуд. Дар мавриди баргардондани шаҳрвандони Тоҷикистон аз кишварҳои хориҷӣ, ки ба таҳсилоти ғайриқонунии динӣ фаро гирифта шудаанд, корҳои таблиғотию ташвиқотӣ ва фаҳмондадиҳӣ ҷоннок гардиданд. Натиҷаи ин аст, ки дар давраи ҳисоботӣ 22 нафар ба Ватан баргардонда шуда, барои бозхонди 378 нафари боқимонда корҳои оперативӣ-профилактикӣ тавсеа ёфта истодаанд.
Ҳарчанд талабот дар самти риояи муқаррароти Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» пурзӯр гардида бошад ҳам, далелҳои қонуншиканӣ ҳамоно ба мушоҳида мерасанд. Мақомоти корҳои дохилӣ дар ҳамбастагӣ бо дигар ниҳодҳои дахлдор нисбат ба волидоне, ки уҳдадориҳои худро иҷро накардаанд, бо дастрасии моддаи 90-и Кодекси ҳуқуқвайронкунии маъмурии Ҷумҳурии Тоҷикистон 10378  протоколи маъмурӣ тартиб дода, ба судҳои шаҳру ноҳияҳо ирсол намуд. Падару модароне, ки фарзандони худро таҳти назорати доимӣ қарор надодаанду дар натиҷа онҳо даст ба ҳуқуқвайронкунӣ задаанд, ба маблағи 896 ҳазор сомонӣ ҷаримабандӣ шуданд.
Вазири корҳои дохилӣ дар нишаст ба масоили мубрами дигар, аз ҷумла харидуфурӯши замин, ҷиноятҳои мухаддиротӣ, мусодираи силоҳи оташфишон ва ҳодисаҳои роҳу нақлиёт, таваҷҷуҳи хос зоҳир намуд. Аз ҷумла, зикр сохт, ки вобаста ба худсарона ишғол намудани қитъаҳои замин дар 882 ҳолат, фурӯши замин бо роҳи қаллобӣ 41, сохтакорӣ ва омода намудани ҳуҷҷатҳои қалбакӣ дар 16 ҳолат ҷиноят содир шудааст.
Додоҷон РӮЗИЕВ, «Ҷумҳурият»


Баёни ақида (0)    Санаи нашр: 31.07.2017    №: 160    Мутолиа карданд: 391

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров

GLOBE SOCCER AWARDS. Беҳтаринҳоро муайян кард

ҶАҲОН ДАР ЯК САТР

Дар Пекин музокироти тиҷоратии ИМА ва Чин мегузарад

Эрдуғон пирӯзӣ бар террористони «Давлати исломӣ» - ро эълом дошт

Разведкаи Сурия дар ҳафт сол 80 саркардаи исломиро нест кард


Дар сомонаҳои дигари Тоҷикистон хонед