logo

маориф

КӮЛОБ. АЗ МАКТАБҲОИ ТАЪМИРТАЛАБ ТО НОРАСОИИ ФАРОҒАТГОҲҲО

Дар шаҳри Кӯлоб 70 муассиса ва марказҳои таълимиву тарбиявӣ, аз ҷумла 4 литсей ва 10 муассисаи таҳсилоти томактабӣ, амал мекунад. Аз ин шумора 9 муассисаи таълимӣ ба таъмири асосӣ ниёзманд буда,  мактабҳои №№ 20, 38 ва 41 дар ҳолати садамавӣ қарор доранд.

Бино ба гуфтаи Абдулманнон Раҳмонов, сардори раёсати маориф ва илми шаҳри Кӯлоб, чанде аз ин мактабҳо агар пурра ба таъмири асосӣ ниёз дошта бошанд, чандтои дигарашон қисман бояд аз таъмири асосӣ бароварда шаванд. Масалан, дар муассисаҳои таҳсилоти миёнаи умумии №№ 31, 39 танҳо варзишгоҳҳо таъмирталаб шудаанд. Биноҳои асосии таълимӣ бошанд, дар ҳолати хуб қарор доранд. 
- Бояд тазаккур дод, ки имсол барои таъмири муассисаҳои таълимӣ аз ҳисоби буҷети шаҳр 346 ҳазору 250 сомонӣ ҷудо шудааст, вале то ҳол муассисаҳои таълимӣ маблағҳои дар смета бударо нагирифтаанд. То 1 июли соли ҷорӣ аз ҳисоби маблағҳои Ассотсиатсияи волидон ва омӯзгорон таъмири ҷории синфхонаҳо, роҳравҳо ва дигар қисматҳои муҳими мактабҳо ба анҷом расида, корҳои такмилдиҳӣ дар ин самт идома доранд, - изҳор дошт А. Раҳмонов.  
Соли гузаша дар мавриди иҷрои Қарори Ҳукумати Ҷумҳурии Тоҷикистон «Дар бораи муқаррар намудани имтиёзҳо ба омӯзгорони ҷавон» ба чор нафар мутахассиси ҷавон замини наздиҳавлигӣ, панҷ нафар замини полизӣ ва ба чор нафари дигар қарзҳои имтиёзнок дода шуд. Вале ин ҳама маълумоти соли гузашта аст, дар мавриди имтиёзҳои имсол ба омӯзгорони ҷавон додашуда касе чизе гуфта натавонист. 
Аз омори дусолаи раёсат бармеояд, ки ҳар сол танҳо аз ҳисоби духтарон аз 15 то 20 нафар тибқи Квотаи президентӣ ба макотиби олӣ дохил мешаванд. Мувофиқи шартномаи сетарафа (мақомоти маҳаллӣ, мактабӣ олӣ ва донишҷӯи тибқи квота таҳсилкунанда) мақомоти маҳаллӣ уҳдадор мешавад, ки ба мутахассиси ҷавон ва аҳли оилаи ӯ барои истифодаи меросии якумра аз ҳисоби фонди ягонаи давлатӣ замин ҷудо намояд.
Қабули довталабон тавассути Маркази миллии тестии назди Президенти Ҷумҳурии Тоҷикистон имкон фароҳам овард, ки зиёда аз 70 дарсади хатмкунандагони соли ҷорӣ барои донишҷӯ шудан ҳуҷҷат супоранд. Соли гузашта 2404 нафар ба муассисаҳои таҳсилоти олӣ дохил шуданд, ки аз ин миқдор 1764 нафарро духтарон ташкил медиҳанд. Имсол 33 нафар духтару писари болаёқат тибқи Квотаи президентӣ шомили донишгоҳу донишкадаҳои олӣ гаштанд.
- 70 муассисаи таълимиву тарбиявии шаҳр дар маҷмӯъ 1534 адад компютер дошта, ба 13 нафар хонанда 1 компютер рост меояд, - иттилоъ дод А. Раҳмонов. Дар мактабҳо, ки асосҳои технологияи навин омӯзонда мешаванд, шумораи компютерҳо бисёр кам аст. Албатта, имрӯзҳо дар аксари хонаводаҳо телефон, планшет, ноутбук ва компютерҳои корӣ ҳастанд, вале бештари насли наврас фарҳанги истифодабарӣ, барномаҳои зарурии кориро надониста, онҳоро чун асбоби дилхушӣ ва ё фароғатӣ истифода мебаранд, ки боиси таассуф аст.
Як масъалаи муҳими дигар фаъолияти фароғатгоҳи «Шарора» аст. Фароғатгоҳи мазкур дар ду давра 260 нафар хонандагони синфҳои 2-8 - ро дар бар гирифта, давомнокии истироҳат 15 рӯз аст. Аз ҷумла, аз ҳисоби Донишгоҳи давлатии Кӯлоб ба номи Абуабдуллоҳи Рӯдакӣ низ фароғатгоҳи дигар амал мекунад. Дар фароғатгоҳҳои мазкур наврасон ба омӯзиши забонҳои русиву англисӣ, хондани китобҳои бадеӣ, шоҳмотбозӣ ва дигар намудҳои варзиш машғул мешаванд. Вале дар миқёси шаҳр амал кардани ду фароғатгоҳ барои ҳазорон хонандаи мактаб ва кӯдакони омӯзгорони донишгоҳ нокифоя аст.
Бузургмеҳри БАҲОДУР, «Ҷумҳурият»


Баёни ақида (0)    Санаи нашр: 31.07.2017    №: 160    Мутолиа карданд: 1585

21.02.2019


ХУҶАНД. Оғози сохтмони бинои нави «Тоҷикстандарт»

ФУТБОЛ. Тақвими бозиҳои тими мунтахаби олимпии кишвар муайян гардид

Табибон аз Тотористон бо ҳампешаҳои тоҷики худ мубодилаи таҷриба мекунанд

Роҳандозии лоиҳаҳои инноватсионӣ дар Қазоқистон

Дар Ҳиндустон 13 иштирокдори тӯй зери чархи мошини боркаш монд

Сӯхтор сабабгори марги ҳафт кӯдак дар Канада

Ҷаҳон дар як сатр

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид

ТОҶИКИСТОНУ ӮЗБЕКИСТОН. Гардиши савдо ду баробар афзуд

Тоҷикистон миёни кишварҳои ИДМ ба афзоиши баландтарини ММД муваффақ гашт

Дар Тошканд конфронси байналмилалӣ оид ба Осиёи Марказӣ баргузор мегардад

Қасри сафед: "Музокироти тиҷоратӣ дар Пекин ба пешравӣ мусоидат кард"

Трамп мехоҳад ҷангиёни «Давлати исломӣ» - ро ба Аврупо барои суд кардан баргардонад

Кумитаи амнияти иттилоотии Қазоқистон беш аз 90 сомонаи хавфнокро ошкор сохт

Ҷаҳон дар як сатр


Дар сомонаҳои дигари Тоҷикистон хонед