logo

ҳуқуқ

9 СОЛИ ҲАБС БАРОИ ҚАЛЛОБӢ ВА БЕШ АЗ ЯК МИЛЛИОН СОМОНӢ ЗАРАРИ МОЛИЯВӢ

Суди ноҳияи Шоҳмансури шаҳри Душанбе Алижон Ачилов, сокини шаҳри Ваҳдатро бо ҷурми қаллобӣ, ки мунҷар ба беш аз як миллион сомонӣ зарари молиявӣ шудааст, 9 сол аз озодӣ маҳрум кард.
Баррасии парвандаи ҷиноятӣ нисбат ба Алижон Ачилов дар суд нишон дод, ки номбурда моҳи апрели соли 2015 барои ба даст овардани фоидаи муфт бо роҳи фиреб ва суиистифода аз боварии шаҳрванд Наврӯз Сафолов, ки дар бозори Ҷал-Ҷами шаҳри Душанбе ба ҳайси фурӯшандаи масолеҳи сохтмонӣ фаъолият мекард, даст ба қаллобӣ задааст. Ӯ аз фурӯшанда 300 халта ғӯргаҷ гирифта, ваъда додааст, ки маблағи онро баъд аз 15 рӯз пардохт мекунад. Аммо А. Ачилов  масолеҳи гирифтаашро дар бозори шаҳри Ваҳдат бо арзиши 8100 сомонӣ фурӯхта, аз он  танҳо 2000 сомониашро  дода, боқимондаашро ба манфиати худ сарф намудааст.
Маҳкумшуда такроран моҳи марти соли 2016, бо роҳи фиреб ба бовари директори Ҷамъияти саҳомии кушодаи “Авиценна”-и шаҳри Душанбе Комил Холиқов, ки дар ҳудуди шаҳри Душанбе бо сохтмони биноҳои баландошёна машғул буд, даромад. Аз номбурда аз бинои баландошёнаи воқеъ дар шаҳри Душанбе, кӯчаи Бухоро 32-34, бинои “Б”, хонаи истиқоматии дуҳуҷрадорро ба маблағи 49790 доллар, мутаносибан бо асъори миллӣ нархгузорӣ намуд. Сипас, онро ба Шафоат Ишанова ба маблағи 53000 доллар фурӯхт. Бар ивази ин маблағи пулӣ аз ӯ ду адад автомашинаи кироякаши тамғаи “Мерседес Спринтерс” ва 17000 доллар гирифт. Дар ниҳоят номбурда ба маблағи 5000 доллар ба ҶСК “Авиценна” 50 тонна семент ворид карду халос.
Бо гузашти вақт Алижон Ачилов ба К. Холиқов ваъда додааст, ки биноҳои навсохти баландошёнаашро бо маҳсулоти сохтмонӣ ва сӯзишвории дизелӣ таъмин менамояд. Ӯ бо роҳи фиреб аз номбурда автомашинаи тамғаи “Нисан-тиана” бо арзиши 15 ҳазор доллар, “Рендҷ-ровер” ба маблағи 43000 доллар, ВАЗ 21014 ба маблағи 3500 доллар, “Таёта-Авалон” 16000 доллар, “БМВ  Х-5”  ба маблағи 32000 доллар нархгузорӣ карда, гирифтааст. Бо ин амалаш А. Ачилов  ба ҶСК “Авиценна” ба маблағи умумии 73000 доллари ИМА, мутаносибан бо асъори миллӣ 581491 сомонӣ зарар расондааст, ки ҷамъи зарари расондааш ба ҳамаи шахсони воқеиву ҳуқуқӣ беш аз 1 миллион сомониро ташкил медиҳад.   
Ӯ, ҳамчунин, аз шаҳрванд Хуршед Сатторов ду автомобили тамғаи “Мерседес Бенс Спринтер” мутаносибан ба маблағи 6500 ва 11000 доллар, “Мерседес компрессор” ба маблағи 2700 доллар қабул намуда, дар натиҷа ба ӯ зарари калони модӣ расондааст. Фотима Алиева, сокини шаҳри Душанбе низ ба доми фиреби ӯ афтод. А. Ачилов 8 сентябри соли 2016, бо роҳи фиреб аз ӯ 22 ҳазор доллар гирифта, ваъда дод, ки дар кӯчаи Рӯдакӣ,  бинои №9, ки сохтмонаш нотамом аст, як хонаи якҳуҷрагиро барояш ҳуҷҷатгузорӣ менамояд. Вале, пас аз маблағи  пулиро ба даст овардан онро ба хазинаи Ҷамъияти саҳомии кушодаи “Авиценна”, ки сохтмони бинои мазкурро ба уҳда дошт, пардохт накарда, аз маблағи номбурда 12000 доллар маблағи қарзашро дода, 10000 долларро ба манфиати шахсии худаш сарф намудааст.
Суди ноҳияи Шоҳмансури шаҳри Душанбе дар ҳайати раисикунанда Сурайё Ҷобирзода ва айбдоркунандаи давлатӣ С. Раҳимов дар маҷлиси ошкорои судӣ 23 июни соли 2017, парвандаи ҷиноятиро нисбат ба судшаванда Алижон Ачилов баррасӣ намуда, ӯро бо моддаи 247 қисми 4 банди «б»-и Кодекси ҷиноятии Ҷумҳурии Тоҷикистон гунаҳгор дониста, ба муҳлати 9 сол, бо маҳрум кардан аз ҳуқуқи  ишғоли мансабҳои  ҷавобгарии моддидошта дар ташкилоту муассисаҳо, новобаста аз шакли моликияташон ва фаъолияти соҳибкорӣ, ба муҳлати 3 сол, бо адо намудани ҷазо дар колонияҳои ислоҳии дорои низоми пурзӯр, таъйин кард. Ҳамчунин, суд ҳукм кард, ки аз ҳисоби судшаванда Алижон Ачилов ба фоидаи ҷабрдидаҳо зарари расондашуда  рӯёнда шавад.
Мунаввари САФАР, “Ҷумҳурият”


Баёни ақида (0)    Санаи нашр: 01.08.2017    №: 161    Мутолиа карданд: 557

13.11.2019


Дар Осетия пайкараи Абулқосим Фирдавсӣ гузошта шуд

Назарбоев: "Зеленский ба мулоқот бо Путин дар Қазоқистон ризоият дод"

Дания аз бозгашти террористони «худӣ» ба кишвар шод нест

Ҷаҳон дар як сатр

“Бункер” ба Фаронса меравад

12.11.2019


Ифтитоҳи маҷмааи тиҷоратии «Масири олӣ»

Таҳкими ҳамкориҳои байнипарлумонӣ матраҳ гардид

Баррасии масоили рушди қонунгузорӣ оид ба моликияти зеҳнӣ

САЙЁҲӢ. Баргузории Форуми II илмии донишҷӯёни муассисаҳои олии таълимӣ

Ҷаҳон дар як сатр

Теъдоди қурбониёни тӯфони «Булбул» дар Бангладеш ба 26 нафар расид

Туркия ба истирдоди ҷангиёни «Давлати исломӣ» шурӯъ намуд

Нигаронии Лигаи кишварҳои араб аз идомаёбии зӯроварӣ дар Ироқ

Ҳиндустон дар 10 - 15 сол ММД - ро 4 маротиба боло бурданист

11.11.2019


Фаронса ба «ТАЛКО» таҷҳизот ва ба «Сомон Эйр» панҷ чархбол таҳвил медиҳад

Таъкиди Путин аз зарурати арҷгузории арзишҳои оилаи серфарзанд

Сарвазири Афғонистон: "Натиҷа бояд ба раъйдиҳии воқеии халқи мо асос ёфта бошад"

Чин ба шарти бастани созишномаи тиҷоратӣ бо ИМА ба мувофиқа расид

Ҷаҳон дар як сатр

САМБО. Медалҳои биринҷии гӯштигирони тоҷик

08.11.2019


Давлаталӣ Саид бо Мансур бинни Зойид оли Наҳён вохӯрд

Баргузории конференсия оид ба саҳми диаспораҳо дар рушди кишвар

Масоили ҳамкории фарҳангӣ матраҳ шуданд

МАОРИФ. Медали тиллои хонандагони точик аз Туркия

07.11.2019


Гурӯҳи мусаллаҳ безарар гардонда шуд

БОКС. Медали тиллои муштзани тоҷик дар Россия

ФОРУМИ ПАНҶУМИ МИЛЛӢ. Пойгоҳе ки ҳуқуқшиносонро ба ҳам меорад

Ба Ингушистон суриёие омад, ки аспсавор ба дидори Путин раҳсипор аст

Эрдуғон аз боздошти ҳамсари сарвари "ДИ" Ал-Бағдодӣ хабар дод

Интиқоди ҳазорҳо олим аз беэътиноии сиёсатмадорон ба тағйири иқлим

Пойтахти Тоҷикистон мизбони ҷаласаи Шӯрои ҳамкориҳои ИДМ мешавад

Ҷаҳон дар як сатр

05.11.2019


Роҳҳои баланд бардоштани ҳифзи ҳуқуқҳои истеъмолкунандагони хизматрасониҳои молиявӣ баррасӣ шуданд

Ҳамоиш доир ба нақши ҷавонон дар тарғиби арзишҳои миллӣ


Дар сомонаҳои дигари Тоҷикистон хонед