logo

фарҳанг

КИТОБХОНА МАКОНИ МУҚАДДАС АСТ, АММО...

Китоб арзишмандтарин гавҳар ва манбаи ягонаи пайдоиши илму дониш мебошад. Инсон аз тамоми мавҷудот маҳз тавассути ақлу фаросат ва заковати бузурги худ фарқ мекунад, ки ин ҳама бидуни мутолиаи китоб ва омӯхтани беҳтарин фазилатҳои инсонӣ ба даст намеояд.

Инсон бояд китобро азизу китобхонаро макони муқаддас донад. Аммо боиси таассуф аст, ки имрӯзҳо на дар ҳама шаҳру навоҳии кишвар ба китобу китобхонаҳо таваҷҷуҳи хоса зоҳир менамоянд. Ҳамин аст, ки аксари китобхонаҳои марказиву минтақавии ноҳияҳо дар вазъи ногувор қарор доранд. Вобаста ба мавзӯи мазкур аз вазъу фаъолияти  китобхонаҳои ноҳияи Абдураҳмони Ҷомӣ дидан намудем.
Тавре  Эътибор Юсуфова, мудири китобхонаи марказии ноҳия, мегӯяд: “Шумораи китобхонаҳои ноҳия бо шумули китобхонаи марказӣ, бачагона ва деҳоту ҷамоатҳо ба 15 адад расида, адади китобҳои мавҷуда ба 96705 баробар аст”.
Ҳангоми мушоҳида маълум гардид, ки  китобхонаи шаҳрак дар ҳолати валангор қарор дошта, тӯли чанд сол аст, ки аз фаъолият боз мондааст. Инчунин, бо сабаби надоштани бинову китобҳои муосир фаъолияти чанде аз китобхонаҳо қатъ гардидааст. Бисёре аз китобҳо дар ҳолати фарсуда ва корношоям қарор доранд ва ҷои баҳс нест, ки барои хонанда низ мутолиаи чунин асарҳо нохушоянд аст. Китобхонаи деҳаи Пушкини Ҷамоати деҳоти Яккатут бошад, бо сабаби надоштани бинои корӣ дар дохили масҷиди деҳа “фаъолият” дорад. Дар чунин ҳолат қарор доштани вазъи китобхонаҳои ноҳияро мудири китобхонаи марказӣ чунин шарҳ дод:
- Дар китобхонаи марказии ноҳия ҳамагӣ 13595 китоб мавҷуд аст, ки аксари онҳоро адабиёти ғайритоҷикӣ ташкил медиҳад. Дар ин ҷо бо забони давлатӣ адабиёт хеле кам аст. Маротибаи охирин ба ноҳия соли 2015 китоб ворид шудааст.
Дар ҳоле ки ҷомеаи ҷаҳонӣ дар рушди бесобиқаи илму технология қарор дорад, китобхонаи марказии ноҳия дорои танҳо як компютер буда, дар шакли электронӣ китобе надорад.
Ба таъкиди ӯ сабаби фаъолият накардани бисёре аз китобхонаҳо надоштани бино ва норасоии маблағҳои буҷетӣ аст.
Тавре аз суҳбат бо сокинони ноҳия маълум гашт, аксари онҳо аз вуҷуд доштани китобхонаҳо дарак надоранд ва қисме чанд маротиб китобхона рафтаву дарҳои онро баста дарёфтаанд.
Дар чунин ҳолат қарор доштани махзани илму адаб ба мафкураи хонандагон ва рушди забони модарӣ таъсири манфӣ расонда,  ҳамарӯза хонандаро аз китобу китобхона дур месозад.
Пас, бояд масъулин пайи ислоҳи камбудиҳои мазкур бошанду китобхонаҳоро доим дар ҳолати хуб нигоҳ доранд. Зеро китоб ганҷина ва роҳнамои бебаҳост. Чуноне Пешвои миллат зикр намудаанд: “Китоб ҳамчун шиносномаи шоистаи ҳар як халқу миллат барои поку бегазанд нигоҳ доштани забони модарӣ ва рушди он, таҳкиму тақвият ёфтани ҳувияти миллӣ ва худогоҳиву худшиносии ҳар як фард нақши бузург дорад”.
Қурбон АҲМАДЗОД, рӯзноманигор


Баёни ақида (0)    Санаи нашр: 01.08.2017    №: 161    Мутолиа карданд: 434

15.11.2019


Ҳамоиш бахшида ба Рӯзи Президент

Вохӯрии Ҷамшед Нурмаҳмадзода бо ҳайати Фонди қарзии кафолатии Тоҷикистон

Хонандагони тоҷик дар озмуни «Роботтехника» сазовори ҷойи дуюм шуданд

Талаби Си Ҷинпин аз ҳукуматдорони Ҳонконг

Фоҷиа. 90 дарсади Венетсия зери об монд

Дар Франсия таҷдиди Нотр - Дам боиси ҷанҷол шуд

Дар Ӯзбекистон лоиҳаи маърифатии «Як миллион барномасоз» роҳандозӣ мешавад

Ҷаҳон дар як сатр

14.11.2019


Мулоқоти Ҷамолиддин Нуралиев бо намояндагони «Moody’s Investors Service»

Оид ба имконоти рушди кӯдакон форуми байналмилалӣ доир мешавад

Тақвияти робитаҳои иқтисодию тиҷоратӣ бо музофоти Ҳубэй

Таэквондо. 22 медали варзишгарони тоҷик аз Бухоро

"Тулӯи ҳақиқат" дар Рӯзи Президент

Шумораи сайёҳон дар Россия беш аз 20 дарсад афзудааст

Ашқобод мизбони нишасти зиддитеррористии ниҳодҳои дипломатии кишварҳои ҳамсуд

Сарвазири Ҳиндустон вохӯрияш бо Путинро олиҷаноб номид

Сесад ҷангии «Давлати исломӣ» дар Афғонистон таслим шуд

Коломойский ба Украина рӯ ҷониби Россия оварданро пешниҳод намуд

Ҷаҳон дар як сатр

13.11.2019


Дар Осетия пайкараи Абулқосим Фирдавсӣ гузошта шуд

Назарбоев: "Зеленский ба мулоқот бо Путин дар Қазоқистон ризоият дод"

Дания аз бозгашти террористони «худӣ» ба кишвар шод нест

Ҷаҳон дар як сатр

“Бункер” ба Фаронса меравад

12.11.2019


Ифтитоҳи маҷмааи тиҷоратии «Масири олӣ»

Таҳкими ҳамкориҳои байнипарлумонӣ матраҳ гардид

Баррасии масоили рушди қонунгузорӣ оид ба моликияти зеҳнӣ

САЙЁҲӢ. Баргузории Форуми II илмии донишҷӯёни муассисаҳои олии таълимӣ

Ҷаҳон дар як сатр

Теъдоди қурбониёни тӯфони «Булбул» дар Бангладеш ба 26 нафар расид

Туркия ба истирдоди ҷангиёни «Давлати исломӣ» шурӯъ намуд

Нигаронии Лигаи кишварҳои араб аз идомаёбии зӯроварӣ дар Ироқ

Ҳиндустон дар 10 - 15 сол ММД - ро 4 маротиба боло бурданист

11.11.2019


Фаронса ба «ТАЛКО» таҷҳизот ва ба «Сомон Эйр» панҷ чархбол таҳвил медиҳад


Дар сомонаҳои дигари Тоҷикистон хонед