logo

иҷтимоиёт

АДАМИ МАЪРИФАТ ОМИЛИ АСЛИИ БА ДОМИ ИФРОТИҲО АФТОДАН АСТ

- Замони кор дар Русия бо як нафар шинос шудам ва рафта-рафта бо ҳам дӯст шудем. Ба воситаи интернет ва истифода аз шабакаи иҷтимоии “Одноклассники” ба якдигар менавиштем. Дар ниҳоят ӯ маро фирефта кард ва то ба Сурия бурд...

Ин порае аз нақли Парвиз Қосимов, як сокини ноҳияи Бохтари вилояти Хатлон аст, ки ба доми гурӯҳҳои ифротӣ афтода, нуҳ моҳ дар Сурия қарор дошт. Ин ҷавони гумроҳ мақсадҳои ғаразноки дӯсташ ва гурӯҳҳои ифротиро дарк кард ва бо изҳори пушаймонӣ ба Тоҷикистон баргашт. Ин сарнавишти кӯтоҳ бори дигар ҳақиқатеро собит сохт, ки мубаллиғони гурӯҳҳои ифротгаро, пеш аз ҳама, шахсони ноогоҳ ва камсаводро ба сафи худ шомил намуда, аз онҳо истифода мебаранд.
Таҳлилҳои мақомоти ҳифзи ҳуқуқи Тоҷикистон низ бар он далолат мекунанд, ки аксари ҷавонони мо бар асари заъфи донишҳои диниву дунявӣ ба доми фиреби гурӯҳҳои террористиву ифротӣ меафтанд. Он ҳам тавассути шабакаҳои иҷтимоии интернетӣ.
Сайфиддин Муҳиддинзода, муовини раиси суди вилояти Хатлон,  дар суҳбат бо мо иброз дошт, ки яке аз сабабҳои ба ҳизбу ҳаракатҳои экстремистию террористӣ пайвастани ҷавонон ин сатҳи пасти дониши ҳуқуқию диниашон аст. Дар таҷриба мебинем, ки ҷиҳод гуфта худро қурбон кардан мехоҳанд, вале одитарин дониши исломиро надоранд.
- Имрӯз як давраи муборизаи ақидаҳо, тамаддунҳо ва дар баробари ин, зиддияти абарқудратҳо дида мешавад, - мегӯяд Умарҷон Сафаров, корманди шуъбаи дин, танзими анъана ва ҷашну маросимҳои миллии мақомоти иҷроияи ҳокимияти давлатии вилояти Хатлон. - Имрӯз барои як миллатро аз байн бурдан ё рахна задан ташкилотҳои ҷосусӣ ва институтҳои махсус ба воситаи нохун задан ба эҳсосҳои динии мардум номаълум вориди мафкураи шаҳрвандони ҷаҳони ислом, аз ҷумла Тоҷикистон мешаванд. Агар солҳои 90-уми асри гузаштаро ба хотир орем, дар аввал воқеаҳое сар заданд, ки фарогири доираи маҳдуд буданд. Баъзеҳо ҳамон вақт гурӯҳҳои хурд ташкил карданду хостанд, ба қавли худашон, озодии динро дар Тоҷикистон барқарор созанд. Мутаассифона, ҳоло ҳам сатҳи маърифати динии ҷавонони мо хеле паст аст. Вақте онҳо вориди шабакаҳои интернетӣ мегарданд, фикру ақидаашон аз ҷониби шахсони тайёркардашуда дуздида мешавад.
Ба андешаи масъулони давлатӣ, имомхатибон ва таҳлилгарони масоили динӣ, барои пешгирӣ аз гаравиши ҷавонон бояд аз усулҳои ҳамон мубаллиғони ифротӣ кор гирифт. Яъне, дар шабакаҳои интернетӣ саҳифаҳо ва ё як сомонаи хубе, ки дар он масоили динӣ  баррасӣ шаванд, таъсис  дода шавад ва муллоҳои суннатии мо фикру андешаҳои худро он ҷо бигӯянд ва дар бораи ин ё он масъалаҳои динӣ суҳбат кунанд. Аммо мушкил, ба андешаи Усмоналӣ Нуров, муовини сархатиби шаҳри Қӯрғонтеппа, дар дигар ҷост. “Мутаассифона, - иброз дошт ҳамсуҳбати мо,- баъзе муллоҳо аз технологияи муосир бохабар нестанд ва маълумоти кофӣ дар ин самт надоранд. Мо бояд аз ин илмҳо бархӯрдор шавем. Агар мо аз интернет хуб огаҳӣ дошта бошему онро дуруст истифода барем, ягон мақомот мушкил эҷод намекунад”.
Аз ин рӯ, дар замони ҷанги иттилоотӣ бояд аз неруи зеҳнии муллоҳои суннатии кишвар ба таври дуруст истифода шавад, баҳри даст ёфтан ба фанновариҳои ҷадид барояшон шароити лозими омӯзиш фароҳам кард ва ба ин васила дар баланд бардоштани сатҳи маърифати динии мардум мусоидат намуд.
Зокир ҲАСАН, “Ҷумҳурият”


Баёни ақида (0)    Санаи нашр: 01.08.2017    №: 161    Мутолиа карданд: 359

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид

ТОҶИКИСТОНУ ӮЗБЕКИСТОН. Гардиши савдо ду баробар афзуд

Тоҷикистон миёни кишварҳои ИДМ ба афзоиши баландтарини ММД муваффақ гашт

Дар Тошканд конфронси байналмилалӣ оид ба Осиёи Марказӣ баргузор мегардад

Қасри сафед: "Музокироти тиҷоратӣ дар Пекин ба пешравӣ мусоидат кард"

Трамп мехоҳад ҷангиёни «Давлати исломӣ» - ро ба Аврупо барои суд кардан баргардонад

Кумитаи амнияти иттилоотии Қазоқистон беш аз 90 сомонаи хавфнокро ошкор сохт

Ҷаҳон дар як сатр

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд


Дар сомонаҳои дигари Тоҷикистон хонед