logo

иҷтимоиёт

ТАНЗИМ. ҚОНУНЕ, КИ БА АФЗОИШИ АМАЛҲОИ ХАЙР ЗАМИНАИ БУНЁДӢ ГУЗОШТ

Татбиқи босамари Қонуни Ҷумҳурии Тоҷикистон “Дар бораи танзими анъана ва ҷашну маросимҳо дар Ҷумҳурии Тоҷикистон” чун дигар минтақаҳои ҷумҳурӣ дар шаҳри Кӯлоб низ дорои дастовардҳои назаррас аст. Ин санад ба коҳиши сатҳи камбизоатӣ мусоидат карда, зиндагии сокинонро ба низом даровард ва ба афзоиши амалҳои хайр заминаи бунёдӣ гузошт.
 
Айни замон дар шаҳри Кӯлоб 5 комиссияи доимӣ ва 153 ҷамъиятӣ оид  ба танзими анъана ва ҷашну маросимҳо фаъолият намуда, бобати риояи бечунучарои муқаррароти қонун дар байни аҳолӣ ва ҷомеаҳои меҳнатӣ корҳои фаҳмондадиҳӣ ва таблиғотию ташвиқотӣ мебаранд. Дар нимсолаи аввал дар шаҳр 851 маъракаи хатнасур, тӯйи домодию арӯсӣ, маросими чил ва сол гузаронда  шудааст. Хароҷоти умумии маъракаҳо 2 817 000 сомониро ташкил медиҳад. Оид ба риояи талаботи қонуни танзим дар шаҳр 33 ҳолати қонуншиканӣ ошкор гашта, нисбат ба 7 нафар парвандаи ҳуқуқвайронкунии маъмурӣ тартиб дода шуда, аз ҷониби суди шаҳри Кӯлоб ба маблағи 10200 сомонӣ ҷаримабандӣ гардидаанд.
Бино ба иттилои Шокирҷон Карим, корманди бахш оид ба корҳои дин, танзими анъана ва ҷашну маросимҳои миллии мақомоти иҷроияи маҳаллии ҳокимияти давлатии шаҳри Кӯлоб, дар шаш моҳи сипаришуда аз ҳисоби иттиҳодияҳои динӣ ба ятимон, бепарасторон ва маъюбон ба маблағи 127 ҳазору 914 сомонӣ ёрӣ расонда шудааст. Ҳамчунин, ҳар як масҷиди ҷомеъ ба ду ятими кулл ҳар моҳ аз 50 то 80 сомонӣ кумак мерасонад. Дар арафаи 20 - солагии Рӯзи Ваҳдати миллӣ аз ҷониби иттиҳодияҳои динӣ ба оилаҳои ниёзманд ва дигар эҳтиёҷмандон ба маблағи 82557 сомонӣ амалҳои хайриявӣ анҷом дода шуданд.
Ба гуфтаи Шокирҷон Карим, дар шаҳри Кӯлоб 54 масҷиди ғайрирасмӣ ва ҷойҳои ҷамъиятӣ ба қайд гирифта шудааст. Дар асоси Қарори Ҳукумати Ҷумҳурии Тоҷикистон «Оид ба танзим даровардани бунёди масҷиду ибодатхонаҳо ва бартараф намудани масҷидҳои ғайриқонунӣ бунёдгардида ба маркази фарҳангии фароғатии ҷавонон табдил додани чойхона ва ҷойҳои ҷамъиятӣ, ки барои намозгузорӣ истифода мешаванд» ва қарори раиси шаҳр “Оид ба ҷойҳои фарҳангиву фароғатӣ ва дигар иншооти ниёзи мардум табдил додани масҷидҳои ғайрирасмӣ” корҳои муайян ба субут расиданд. Масалан, 10 масҷиди ғайриқонунӣ бунёдшуда ба манзили истиқоматӣ, 11 адад ба толори варзишӣ, 5 ба утоқи кории нозири минтақавӣ,  4  ба дафтари кории раиси маҳалла, 7 ба бунгоҳи саломатӣ, 5 ба боғчаи бачагона, 2 ба маркази омӯзиши забонҳо, 4 ба ҷойи баргузории расму оинҳо, 2 ба коргоҳи ҳунарҳои мардумӣ, 3 ба коргоҳи чакандӯзӣ ва 1 адад ба осорхона табдил дода шуд.
Зикр гардид, ки ҳарчанд ҷиҳати таълимоти ғайрирасмии динӣ дар дохил ва хориҷи кишвар корҳои фаҳмондадиҳӣ дар ҷамоатҳои шаҳраку деҳот ва муассисаҳои таълимӣ мунтазам идома дошта бошанд ҳам, 16 нафар сокини шаҳр барои таҳсилоти динии ғайрирасмӣ дар хориҷи кишвар қарор дорад. Ҳамчунин, 86 нафар барои иштирок дар муноқишаҳои мусаллаҳона ба Сурияву Ироқ рафтаанд. Аз ин теъдод 15 нафар ба қатл расонда шуда, тақдири 71 нафари дигар номаълум боқӣ мондааст.
Барои пешгирӣ аз шомилшавии ҷавонон ба гурӯҳҳои террористию экстремистӣ дар асоси нақша - чорабиниҳо кормандони бахши дин якҷо бо гурӯҳи корӣ дар байни донишҷӯёну омӯзгорон ва фаъолони ҷомеа ҷиҳати аз байн бурдани тамоюли бегонапарастӣ ва тақвият додани фарҳанги миллӣ мунтазам мулоқоту вохӯриҳои судманд баргузор менамоянд.
Лашкар ШАРИФ, “Ҷумҳурият”


Баёни ақида (0)    Санаи нашр: 01.08.2017    №: 161    Мутолиа карданд: 538

11.12.2019


Баррасии масоили тақвияти ҳамкориҳо

Бахтиёр Худоёрзода бо ҳайати Дафтари ниҳодҳои демократӣ ва ҳуқуқи инсони САҲА мулоқот намуд

Намоиши филмҳои тоҷикӣ дар Бангладеш

“МАҲБУБИ ВАТАН”

Трамп: «Бо Лавров вохӯрии хубе гузарондем»

Зеленский гуфт, ки бо Путин гуфтушунид кардан мураккаб аст

Сарвазири Эфиопия соҳиби Ҷоизаи сулҳи Нобел шуд

«Толибон» дар шимоли Афғонистон 40 куҳансолро рабуданд

МУСОБИҚАИ СИТОРАҲОИ ДЗЮДО. Бори нахуст кишварро 4 гӯштигир намояндагӣ мекунад

Ҷаҳон дар як сатр

10.12.2019


Мулоқоти Қоҳир Расулзода бо Хуан Тсзян Жун

Шиносоии Азим Иброҳим аз ҷараёни корҳои сохтмонии роҳҳои Душанбе

Дар доираи Озмуни ҷумҳуриявии «Сайри гули лола» машварати корӣ баргузор гардид

Дар Париж, Москва ва Киев оид ба муовизаи асирон ба мувофиқа омаданд

Туркия ба рафъи хатари «Давлати исломӣ» дар Афғонистон мусоидат мекунад

Сарвазири нави Финляндия - ҷавонтарин дар ҷаҳон сарвари ҳукумат

Disney дар остонаи рекорди нави ҷаҳонӣ

Ҷаҳон дар як сатр

09.12.2019


Боз як майдончаи нави варзишу бозии кӯдакон кушода шуд

Сохтмони гузаргоҳи зеризаминӣ бо дарозии 260 метр

Чемпионати осиё. Тоҷикистон дар гурӯҳи "А"

Сӯхтор дар фабрикаи Деҳлӣ боиси марги беш аз 40 нафар шуд

Медведев шартҳои бастани шартномаи газ бо Киевро гуфт

Ёрии ҷаҳонӣ ба Афғонистон 46 дарсад коҳиш ёфт

Аморати Муттаҳидаи Араб кайҳоннавард интихоб мекунад

Ҷаҳон дар як сатр

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр


Дар сомонаҳои дигари Тоҷикистон хонед