logo

иқтисод

ДАРВОЗ КИШОВАРЗОН ДАР ФАРОВОНИИ БОЗОР САҲМ МЕГИРАНД

Бо вуҷуди номусоидии боду ҳаво ва боронгариҳои шадиди фасли баҳор ва аввали тобистони имсола аҳли заҳмати хоҷагиҳои деҳқонии ноҳияи Дарвоз тавонистанд, ки аз самари киштзору боғоти хеш маҳсулоти фаровон рӯёнда, аз он манзури сокинони шаҳри Хоруғ ва маркази ноҳияи Шуғнон гардонанд.
Ба гуфтаи Нурмуҳаммад Додов, сардори идораи кишоварзии ноҳия, аҳли деҳоти ин минтақаи гарми вилоят дар мавсими кишту кори баҳорӣ бо сабаби номусоид омадани боду ҳаво қариб се ҳафта дар шинондани зироатҳо таъхир карданд. Онҳо кишти зироатҳо, аз ҷумла картошкаву сабзавотро танҳо дар рӯзҳои охирини моҳи март ва аввали моҳи апрел сар карданд. Аммо дар натиҷаи заҳмати босуботи онҳо, муносибати дилсӯзонаашон ба обу замин, ба киштзорон сари вақт додани обу ғизо ба он мусоидат намуд, ки дар ҷамъоварии ҳосили картошкаву сабзавот натиҷаҳои назаррас ба даст оваранд.
Ҳоло қариб як моҳ мешавад, ки деҳқонони хоҷагиҳои деҳқонии «Зартеғ», ба номи Зиёратшоҳ Воҳидов, «Дарвоз», «Сарҳадчӣ» ва чанде аз хоҷагиҳои хусусӣ аз рӯи анъана чун ҳамасола картошкаву сабзавот, мева ва дигар маҳсулоти аз ҷиҳати экологӣ тозаи худ-ро вориди бозорҳои шаҳри Хоруғ ва маркази ноҳияи Шуғнон - шаҳраки Поршнев гардондаанд. Нархи картошкаву сабзавот ва меваи деҳқонони дарвозӣ нисбат ба маҳсулоти тоҷирони шаҳри Душанбе ва дигар минтақаҳои кишвар дар бозорҳои ин ҷо 20 фоиз арзон мебошад.
Аз сари нав барқарор гардидани ҳаракати мошинҳо дар қитъаҳои деҳаи Хостав ва Овринги Ширговади шоҳроҳи байналхалқии автомобилгарди Душанбе - Кӯлоб – Дарвоз – Хоруғ - Қулма ба афзун гардидани интиқоли маҳсулоти кишоварзӣ мусоидат намуд. Ба ин васила деҳқонони ноҳия акнун воридсозии миқдори картошкаву сабзавот, мева ва дигар анвои маҳсулотҳояшонро ба бозорҳо, марказҳои савдои шаҳри Хоруғ ва ноҳияи Шуғнон зиёдтар намудаанд.
Сироншоҳи ДИЛОВАР, «Ҷумҳурият».


Баёни ақида (0)    Санаи нашр: 02.08.2017    №: 162    Мутолиа карданд: 321

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе

Ба иштирокчиёни ҶБВ кумаки моддӣ расонда мешавад

Нахустини Форум байналмилалии санъати мақом баргузор хоҳад гашт

ЛЕВАКАНТ. Тантанаҳои истиқлолият

ФАЙЗОБОД. Ҳиммати як соҳибкор

ИШТИРОКИ ТИМИ МИЛЛӢ ДАР МУСОБИҚАИ BANGABANDHU GOLD CUP"

«ДИ» тахрибкоронашро ба Русия, Аврупо ва Осиё мефиристад

ХФА: "Даромади «Давлати исломӣ» 10 маротиба коҳиш ёфт"

Чин барои рушди ҶАҶ $60 миллиард ёрии молиявӣ мерасонад

Таҳримоти ғарбӣ метавонанд садди барқарорсозии Сурия гарданд

ҶАҲОН ДАР ЯК САТР


Дар сомонаҳои дигари Тоҷикистон хонед