logo

ҳуқуқ

ҲУҚУҚВАЙРОНКУНӢ. АЗ БОЗДОШТИ 138 НОБОЛИҒ ТО 8400 СОМОНӢ ҶАРИМАИ ВОЛИДОН

Комиссия оид ба ҳуқуқи кӯдаки мақомоти иҷроияи маҳаллии ҳокимияти давлатии шаҳри Кӯлоб фаъолияташро баҳри амалисозии сиёсати давлат, қарорҳои Ҳукумати мамлакат, дастуру ҳидоятҳои созандаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба роҳ монда, дар ин самт ба натиҷаҳои назаррас ноил гардидааст.
Тавре Умарҷон Саидамиров, котиби комиссияи ҳуқуқи кӯдаки мақомоти иҷроияи маҳаллии ҳокимияти давлатии шаҳри Кӯлоб, ба «Ҷумҳурият»  иттилоъ дод, ҳамкории комиссия бо мақомоти ҳифзи ҳуқуқ, шуъбаҳои маориф, кор бо занон ва оила, бахши ҷавонон ва варзиш дар самти таъмини иҷрои Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» ва пешгирии ҳолатҳои ба ҳуқуқвайронкунӣ ва ҷиноят даст задани ноболиғон хуб ба роҳ монда шудааст. Дар шаш моҳи аввали соли ҷорӣ аъзои комиссия бо мақсади баланд бардоштани сатҳи маърифати ҳуқуқии шаҳрвандон, пешгирии гароиши наврасону ҷавонон ба гурӯҳҳои экстремистию террористӣ суҳбату вохӯриҳои судманд доир намуданд. Дар ин давра аз ҷониби мақомоти ба таъмини ҳифзи ҳуқуқи кӯдак дахлдори шаҳр 20 амалиёти муштараки профилактикӣ дар кӯчаю бозор, марказҳои компютерӣ, масҷидҳои ҷомеъ ва панҷвақта бо номҳои «Тартибот», «Наврас», «Бозор», «Оворагард» гузаронда шуданд. Дар натиҷа 138 ноболиғ боздошт ва дар шуъбаи хадамоти пешгирии ҳуқуқвайронкунии ноболиғон ва ҷавонони ШВКД Ҷумҳурии Тоҷикистон дар шаҳри Кӯлоб сабти ном шуд.
Зикр гардид, ки аъзои комиссия бинобар риоя накардани талаботи Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» нисбат ба 86 нафар падару модар дар асоси моддаи 90-и Кодекси ҳуқуқвайронкунии маъмурии Ҷумҳурии Тоҷикистон протоколҳои маъмурӣ тартиб дод. Бо ҳукми суди шаҳри Кӯлоб аз 70 нафар 8400 сомонӣ ҷарима ситонда шуда, ба буҷет ворид гардид.
Ба гуфтаи Умарҷон Саидамиров, дар шаҳр ҷиҳати амалӣ гардидани чорабиниҳои пешбинигардида ва дар ин замина тарбия намудани насли наврас дар рӯҳияи ватандӯстӣ, волоияти қонун, арзишҳои миллӣ ва умумибашарӣ, ҳимояи ҳуқуқу манфиатҳои қонунии ноболиғон, аз ҷумла кӯдакони имконияташон маҳдуд тадбирҳои зарурӣ андешида мешаванд.
Сафаргул АЛИМОВА, «Ҷумҳурият»


Баёни ақида (0)    Санаи нашр: 02.08.2017    №: 162    Мутолиа карданд: 368

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе


Дар сомонаҳои дигари Тоҷикистон хонед