logo

иҷтимоиёт

РӮЗГОРЕ БАРОИ ИБРАТ

Пас аз анҷоми маъракаи интихобот дар нахустин ҷаласаи Иҷлосияи Маҷлиси намояндагони Маҷлиси Олии Ҷумҳурии Тоҷикистон, ки 27 марти соли 2000 бо иштироки Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон баргузор гардид, 11 масъала мавриди баррасӣ қарор дошт. Онҳо асосан масъалаҳои ташкилӣ ва сохтори нахустин парламенти касбии ҷумҳуриро дар бар мегирифтанд. Интихоби Раиси Маҷлиси намояндагони Маҷлиси Олии Ҷумҳурии Тоҷикистон аз масъалаҳои муҳим ва асосӣ ба шумор мерафт.
Вакили Маҷлиси намояндагони Маҷлиси Олии Ҷумҳурии Тоҷикистон Абдулмаҷид Дос-тиев аз ҷумла чунин гуфт: “Имрӯз дар байни мо ягона вакиле, ки ҳама мешиносанд ва дар ҷумҳурӣ обрӯи зиёд дорад ва ин масъулият ё бори вазнин, яъне Раисии Маҷлиси намояндагони Маҷлиси Олиро бардошта метавонад, муҳтарам Хайруллоев Сайдулло Хайруллоевич мебошад”.
 Ин пешниҳодро вакилон якдилона ҷонибдорӣ намуданд ва ӯ Раиси Маҷлиси намояндагони Маҷлиси Олии Ҷумҳурии Тоҷикистон интихоб шуд...
Одатан ҳар касе оғози кори худро бо самимият, иродаи қавӣ сар кунад, фаъолияти минбаъдааш ҳамон тавр ҷараён мегирад.
Давраи роҳбарӣ дар парлумони касбӣ Сайдулло Хайруллоев обрӯю эътибори бештар ёфт, ки маҳсули андеша ва таҷрибаи тӯлонӣ дар фаъолияти бисёрҷабҳааш мебошад. Вакили Маҷлиси намояндагони Маҷлиси Олии Ҷумҳурии Тоҷикистон профессор Шавкат Исмоилов ба усули корбарии ӯ чунин баҳо медиҳад: “Ман ба маҳорати роҳбарӣ, кордонӣ ва одамшиносии ин марди шариф қоилам. Кори саҳл нест роҳбарӣ ба парламенти касбӣ. Ӯ тавонист, баъди таъсиси нахустин Маҷлиси намояндагон ба ин мақоми олии қонунгузорӣ ва намояндагӣ сарварӣ карда, бо Маҷлиси миллии Маҷлиси Олии Ҷумҳурии Тоҷикистон муваффақона ҳамкорӣ намоянд. Ҳарчанд ки Тоҷикистон чунин таҷрибаро надошт”.
Сайдулло Хайруллоев панҷ даъват вакили парлумон ва дар ду даъват, яъне даҳ сол Раиси Маҷлиси намояндагони Маҷлиси Олии Ҷумҳурии Тоҷикистон интихоб шудааст. Ҳамчун хабарнигори парлумонӣ дар Иҷлосияи якуми Маҷлиси намояндагони Маҷлиси Олии Ҷумҳурии Тоҷикистон даъвати чорум (16 марти соли 2010) иштирок доштам. Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ин ҷаласа вобаста ба поён ёфтани ваколати вакилии ин чеҳраи сиёсӣ саҳм ва хизматҳои шоистаашро қадрдонӣ намуда, чунин таъкид доштанд: “Бо дарназардошти хизматҳои тӯлонии Сайдулло Хайруллоев ва бо истифода аз ваколати конститутсионии худ ман тасмим гирифтам, ки аз ҳисоби Квотаи президентӣ ӯро ба ҳайси узви Маҷлиси миллии Маҷлиси Олии Ҷумҳурии Тоҷикистон таъйин намоям (“Ҷумҳурият”, 18 марти соли 2010).
Ҳамин тавр, ӯ 23 апрели соли 2010 дар Иҷлосияи якуми Маҷлиси миллии Маҷлиси Олии Ҷумҳурии Тоҷикистон раиси Комиссияи Маҷлиси миллӣ оид ба назорати Дастур интихоб мегардад. Дар ин ҷо низ таҷрибаю малакаашро баҳри пешрафти мақомоти қонунгузор истифода бурд.
Сайдулло Хайруллоев 11 ноябри соли 2010 дар конференсияи Х ҳисоботию интихоботии раёсати Ҷамъияти дӯстӣ ва равобити фарҳангии Тоҷикистон бо кишварҳои хориҷӣ тариқи овоздиҳии кушод раиси раёсат интихоб шуд, ки то имрӯз дар ин вазифа фаъолият дорад. 
Хизматҳои шоёнаш бо унвони Корманди шоистаи Тоҷикистон, орденҳои «Исмоили Сомонӣ» дараҷаи I, «Содружество»-и Ассамблеяи байнипарламентии Иттиҳоди Давлатҳои Мустақил, «Шараф», «Нишони Фахрӣ», «Байрақи Сурхи Меҳнат», медали «20 - солагии Истиқлолияти давлатии Ҷумҳурии Тоҷикистон», медали тиллои «Барои таҳкими сулҳ ва ризоияти байни халқҳо»-и Федератсияи байналмилалии сулҳ ва ризояти Федератсияи Русия, медали тиллоии «Сулҳ»-и байнипарлумонии ИДМ, медали ҷашнии «10–солагии Парламенти Ҷумҳурии Қазоқистон» ва дигар мукофоту ифтихорномаҳои давлатӣ қадрдонӣ шудааст.
Аъзам МӮСОЕВ,
Корманди шоистаи Тоҷикистон


Баёни ақида (0)    Санаи нашр: 02.08.2017    №: 162    Мутолиа карданд: 292

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе


Дар сомонаҳои дигари Тоҷикистон хонед