logo

ҳуқуқ

ФАРҲАНГИ ЛИБОСПӮШӢ. РИОЯИ АРЗИШҲОИ МИЛЛӢ ФАЗОИ МАЪНАВИРО ТАҲКИМ МЕБАХШАД

Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҳангоми суханронӣ бахшида ба 10 - солагии қабули Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» ба пайдо шудани равияҳои мазҳабии дорои хусусияти ифротӣ ва вусъат гирифтани тарғиботи зарарнок дар ҷомеа таваҷҷуҳ зоҳир намуда, таъкид карданд, ки як гурӯҳи маҳдуди занону духтарон диндориро на дар ботин, балки дар зоҳир тасаввур карда, бо пӯшидани либосҳои сиёҳу торик арзишҳои фарҳанги миллии моро поймол ва фазои маънавии ҷомеаро тира сохта истодаанд.
Вобаста ба ин, Пешвои муаззами миллат муҳтарам Эмомалӣ Раҳмон мақомоти иҷроияи маҳаллии ҳокимияти давлатии шаҳру ноҳияҳо ва сохторҳои дахлдори давлатиро вазифадор карданд, ки пеши роҳи ин зуҳуроти номатлубро ба таври қатъӣ гиранд.
Файзулло Баротзода, директори Маркази исломшиносии назди Президенти Ҷумҳурии Тоҷикистон, дар суҳбат бо мо зикр сохт, ки барои ба таври қатъӣ гирифтани пеши роҳи ин зуҳуроти номатлуб бояд сухани муассир ва тадобири мушаххас пешниҳод шаванд. Бояд дар хотир дошт, ки ҳангоми густариши оини муҳаммадӣ қаламрави давлати Сомониён ягона воҳиди ҷуғрофие буд, исломро пазируфт, вале арабиятро рад кард.
- Дар ҳамон шароити нав сарулибоси миллию мазҳабии мо низ бо риояи тамоми назокат ва паҳлуҳои фарқкунанда аз дигарон ҳукми қонунию фиқҳӣ пайдо кард. Ин ҷанбаи муҳими фарҳанги миллӣ то ба имрӯз аз доираи муқаррароти платформаи (барномаи амалиёти) сомонимеҳвар берун наомадааст. Зимнан, касоне, ки моро ба пайравии дину мазҳабҳои дигар ва истифодаи либосҳои ғайрисуннатии миллию динӣ ҳарис мекунанд, қасди низоъ андохтан, ба ҳам зид кардан ва дар ниҳояти кор, парешон сохтани миллатамонро доранд, - гуфт Файзулло Баротзода.
Рафтуомади озод ва шинохти оламу одам ҳаргиз маънои онро надорад, ки як гурӯҳи маҳдуд ба хотири таскини дил ва болидарӯҳии худ аз тариқи тақлиду зоҳирпарастӣ дар фазои фарҳангию иттилоотии ҷумҳурӣ ҳар амали хостаашро ба бидъати ташвишовар табдил диҳад. Фориғболӣ нисбат ба ин падида метавонад дар кохи бегазанди фарҳанги миллӣ рахнаи ноҷо ворид намояд.
Раъно Ҳошимзода, муовини раиси шаҳри Хуҷанд, дар суҳбати телефонӣ оид ба муҳимияти мавзӯи мавриди баҳс назари худро баён намуда, гуфт, ки дар шаҳри Хуҷанд мувофиқи дастури раиси шаҳр Маъруф Муҳаммадзода бо мақсади  таблиғи арзишҳои миллӣ, аз байн бурдани тамоюли бегонапарастӣ, тақлид ба фарҳангу либоспӯшии бегона, пешгирии шомилшавии занону духтарон ба ҳизбу  ҳаракатҳои террористию ифротӣ ва таҳкими корҳои таблиғотию фаҳмондадиҳӣ бо занон,  гурӯҳи корӣ таъсис дода шуд. Ба он масъулони шуъбаҳои  кор бо занон ва оила, ШВКД Ҷумҳурии Тоҷикистон дар шаҳри Хуҷанд,  нозирони минтақавӣ, бахши ҷавонон ва варзиш, раисони маҳаллаҳо, аъзои шӯрои  бибиотунҳо ва дигар ниҳодҳои шаҳрӣ шомил мебошанд.
Гурӯҳи корӣ, ки  аз 100 нафар иборат аст, ба 21 зергурӯҳ ҷудо гашта,  дар бозорҳо, маҳаллаҳои шаҳр, марказҳои савдо суҳбату мулоқотҳои судманд доир намуда истодаанд. Ин иқдом танҳо ба он хотир аст, ки ба зуҳуроти нангини бегонапарастӣ ҳар чи зудтар хотима бахшида, сарулибосҳои миллии духтарону бонувонро бештар тарғиб намоем, пеши роҳи тақлиду таассуб ва зоҳирпарастиро гирем ва дар миёни занону бонувон корҳои фаҳмондадиҳиро вусъат бахшем.
Ба таъкиди Пешвои муаззами миллат муҳтарам Эмомалӣ Раҳмон, мо дар асри XXI, яъне дар ҷаҳони дигаргуниҳои бузурги илмиву технологӣ ба сар бурда истодаем. Кишварҳои олам босуръат пеш рафта, бо истифодаи технологияҳои инноватсионӣ ва коммуникатсионӣ соҳиби комёбиҳои ниҳоят зиёд шуда истодаанд. Аз ин рӯ, моро низ зарур аст, ки барои гирифтани илму дониши замонавӣ кӯшиш кунем, ба таълиму тарбияи фарзандон аҳамияти ҷиддӣ дода, аз дастовардҳои илму технологияҳои замонавӣ ва фарҳанги пешрафта истифода барем, ҷаҳонбинии худро васеъ намоем, дар пайи тақлиди унсурҳое, ки кишварро ба асрҳои миёна мебаранд, талоши беҳуда накунем.
Додоҷон РӮЗИЕВ, «Ҷумҳурият»


Баёни ақида (0)    Санаи нашр: 02.08.2017    №: 162    Мутолиа карданд: 588

13.11.2019


Дар Осетия пайкараи Абулқосим Фирдавсӣ гузошта шуд

Назарбоев: "Зеленский ба мулоқот бо Путин дар Қазоқистон ризоият дод"

Дания аз бозгашти террористони «худӣ» ба кишвар шод нест

Ҷаҳон дар як сатр

“Бункер” ба Фаронса меравад

12.11.2019


Ифтитоҳи маҷмааи тиҷоратии «Масири олӣ»

Таҳкими ҳамкориҳои байнипарлумонӣ матраҳ гардид

Баррасии масоили рушди қонунгузорӣ оид ба моликияти зеҳнӣ

САЙЁҲӢ. Баргузории Форуми II илмии донишҷӯёни муассисаҳои олии таълимӣ

Ҷаҳон дар як сатр

Теъдоди қурбониёни тӯфони «Булбул» дар Бангладеш ба 26 нафар расид

Туркия ба истирдоди ҷангиёни «Давлати исломӣ» шурӯъ намуд

Нигаронии Лигаи кишварҳои араб аз идомаёбии зӯроварӣ дар Ироқ

Ҳиндустон дар 10 - 15 сол ММД - ро 4 маротиба боло бурданист

11.11.2019


Фаронса ба «ТАЛКО» таҷҳизот ва ба «Сомон Эйр» панҷ чархбол таҳвил медиҳад

Таъкиди Путин аз зарурати арҷгузории арзишҳои оилаи серфарзанд

Сарвазири Афғонистон: "Натиҷа бояд ба раъйдиҳии воқеии халқи мо асос ёфта бошад"

Чин ба шарти бастани созишномаи тиҷоратӣ бо ИМА ба мувофиқа расид

Ҷаҳон дар як сатр

САМБО. Медалҳои биринҷии гӯштигирони тоҷик

08.11.2019


Давлаталӣ Саид бо Мансур бинни Зойид оли Наҳён вохӯрд

Баргузории конференсия оид ба саҳми диаспораҳо дар рушди кишвар

Масоили ҳамкории фарҳангӣ матраҳ шуданд

МАОРИФ. Медали тиллои хонандагони точик аз Туркия

07.11.2019


Гурӯҳи мусаллаҳ безарар гардонда шуд

БОКС. Медали тиллои муштзани тоҷик дар Россия

ФОРУМИ ПАНҶУМИ МИЛЛӢ. Пойгоҳе ки ҳуқуқшиносонро ба ҳам меорад

Ба Ингушистон суриёие омад, ки аспсавор ба дидори Путин раҳсипор аст

Эрдуғон аз боздошти ҳамсари сарвари "ДИ" Ал-Бағдодӣ хабар дод

Интиқоди ҳазорҳо олим аз беэътиноии сиёсатмадорон ба тағйири иқлим

Пойтахти Тоҷикистон мизбони ҷаласаи Шӯрои ҳамкориҳои ИДМ мешавад

Ҷаҳон дар як сатр

05.11.2019


Роҳҳои баланд бардоштани ҳифзи ҳуқуқҳои истеъмолкунандагони хизматрасониҳои молиявӣ баррасӣ шуданд

Ҳамоиш доир ба нақши ҷавонон дар тарғиби арзишҳои миллӣ


Дар сомонаҳои дигари Тоҷикистон хонед