logo

фарҳанг

АБДУЛҲАМИД САМАД

Пешвои муаззами миллат муҳтарам Эмомалӣ Раҳмон фармудаанд: «Имрӯз матбуот ҳамқадами ҳаёт ва ҷузъи хеле муҳиму ҷудонопазири ҷомеаи озоду демократии мо буда, бо таъмини фазои иттилоотӣ ба шаҳрвандон дар интихоби дурусти мавқеъ ва дарёфти ҳақиқат имкониятҳои васеъ муҳайё месозад».

Дар ин раванд саҳми рӯзномаву маҷаллаҳо ва қаламкашони содиқу асил хеле муҳим аст. Вобаста ба ин, Нашрияи расмии Ҷумҳурии Тоҷикистон – рӯзномаи «Ҷумҳурият» тасмим гирифт, ки зери рубрикаи «ДАР МЕҲМОНИИ ХУД» рӯзгори пурбаракати саршиностарин шахсиятҳоеро, ки умри худро сарфи қаламу эҷод намуда, худ сӯхтаву сохтаанд ва ҳам замоне дар ин рӯзномаи бонуфуз фаъолият доштаанд, ба хонандагони худ бозтоб намояд.
Ва имрӯз бахшида ба истиқболи Ҷашни 26 – солагии Истиқлолияти давлатии Ҷумҳурии Тоҷикистон нахуствохӯрии аҳли эҷод ва ихлосмандони рӯзномаи «Ҷумҳурият» бо корманди содиқи он - Нависандаи халқии Тоҷикистон, барандаи Ҷоизаи давлатии Тоҷикистон ба номи Абуабдуллоҳи Рӯдакӣ Абдулҳамид Самад баргузор гардид.
Вохӯриро Қурбоналӣ Раҳмонзода, сармуҳар-рири рӯзнома, ҳусни оғоз бахшид.
-Устод Абдулҳамид Самад идораи рӯзномаро даргоҳи муқаддас медонанд. Тавре худашон мегӯянд: «Банда онро чун хонаи падар эҳтиром ва ёд мекунам». Мо – наслҳои наву ҷавонтари «Ҷумҳурият»  низ устодро ҳамчун бародари бузурги худ дӯст медорему ҳамеша пазмони суҳбатҳояшон ҳастем. Устод Абдулҳамид Самад барои мо дар ҷодае, ки интихоб намудаем, идеал ҳастанд. Мақсад аз даъвати устод низ ҳамин аст, ки ҷавонони «Ҷумҳурият» дар симои он кас идеали худро бубинанд ва дарк намоянд, ки содиқ кист ва садоқат чӣ подоше дорад, - иброз дошт Қ. Раҳмонзода.
Абдулҳамид Самад аз лаҳзаҳои ҷолибу хотирмони фаъолияташон дар рӯзнома, нақши он дар пешрафту такомули эҷодӣ, сабақҳои аз устодони сухан гирифтаашон ёдовар шуда, оид ба мушкилоти замони муосир ва мавқеи рӯзноманигорон дар рафъи онҳо суҳбат оростанд. Аз ҷумла, ёдовар шуданд, ки рӯзномаи «Ҷумҳурият» воқеан рӯзномаи аввалиндараҷаи миллати мост. Он чун минбари адолату ҳақиқат тӯли солҳои зиёд барои баланд бардоштани маънавиёти мардум, ҳалли масъалаҳои иҷтимоиву иқтисодӣ ва фарҳангии ҷумҳурӣ хизмати шоиста кардааст.
Абдулқодири Раҳим, шореҳи масъалаҳои иҷтимоӣ – фарҳангии рӯзнома, вохӯриро воқеаи наҷиби фарҳангӣ арзёбӣ намуд. «Ба ростӣ, барои мо - кормандони рӯзнома боиси ифтихор аст, ки адиби шинохта Абдулҳамид Самад дар мактаби «Ҷумҳурият» обутоб ёфтаанд. Аз ин дида хурсандибахш он аст, ки адиб ба тақдири рӯзнома ва идораи он ба сарнавишти як нафар дастпарвари хеш бетафовут нестанд. Имрӯз низ навиштаҳои А. Самад: очеркҳо, сафарномаҳо, лавҳаҳо, ёддошт ва мақолаҳояшон, бозгӯи онанд, ки ӯ яке аз рӯзноманигорони чирадасти замони мо мебошанд. Устод вазъи рӯз, сиёсат, авзои замон ва рӯҳияи одамонро хуб медонанд, хеле нишонрас ба қалам медиҳанд ва дар беҳбудии он саҳми арзанда мегиранд».
Рӯзноманигори ҷавон Фарзона Файзалӣ вохӯриро хеле таъсирбахш ва хотирмон номид. «Ҳатто бовари кас намеояд, ки устод низ мисли мо як вақтҳо пайроҳаи эҷодиашонро аз ҳамин даргоҳ оғоз намуда бошанд, - гуфт ӯ. - Бисёр воқеаҳои ҳаёташон ба рӯзгори мо монанданд. Мо низ орзу дорем, ки ба қуллаҳои бузурги эҷод бирасем».  
Дар рафти вохӯрӣ, ки воқеан, хотирмон буд, ҳамқаламони устод аз лаҳзаҳои гузаштаи кори хеш дар рӯзнома ёдовар шуданд.
Абдулҳамид Самад аз ҷашни дарпешистодаи Истиқлолияти давлатӣ ёдовар шуда, ба қаламкашони рӯзнома дар кори масъулиятнок ва пуршарафи ҳифзи сулҳу салоҳ, оромиву ваҳдати миллӣ, гиромидошти арзишҳои фарҳангӣ ва маънавии миллат  барору комёбӣ орзу намуданд. Устод таъкид сохтанд, ки: «Бахти таърихии мост, ки чунин Пешвои фарҳангдӯсту хирадманд дорем. Дар атрофи ӯ ҷамъ омада, дар пешрафти ҷомеа саҳм гузоштан вазифаи имрӯзаи ҳар яки мо мебошад. Ҳусни матбуот сухани ҳаққу созанда, ҳусни рӯзноманигор дилу дасти пок ва шуҷоату фидокорӣ ба манфиати миллату давлат аст».
Дар охири суҳбат А. Самад ба суолҳои зиёди рӯзноманигорон посух доданд.
М. ТАБАРӢ, «Ҷумҳурият»


Баёни ақида (0)    Санаи нашр: 04.08.2017    №: 164    Мутолиа карданд: 454

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид

ТОҶИКИСТОНУ ӮЗБЕКИСТОН. Гардиши савдо ду баробар афзуд

Тоҷикистон миёни кишварҳои ИДМ ба афзоиши баландтарини ММД муваффақ гашт

Дар Тошканд конфронси байналмилалӣ оид ба Осиёи Марказӣ баргузор мегардад

Қасри сафед: "Музокироти тиҷоратӣ дар Пекин ба пешравӣ мусоидат кард"

Трамп мехоҳад ҷангиёни «Давлати исломӣ» - ро ба Аврупо барои суд кардан баргардонад

Кумитаи амнияти иттилоотии Қазоқистон беш аз 90 сомонаи хавфнокро ошкор сохт

Ҷаҳон дар як сатр

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд


Дар сомонаҳои дигари Тоҷикистон хонед