logo

иқтисод

ЧАРО КОРХОНАҲОИ САНОАТӢ АЗ ФАЪОЛИЯТ БОЗМЕМОНАНД?

Мувофиқи иттилои омори расмӣ,  дар нимсолаи аввали соли ҷорӣ 175 корхонаи саноатии кишвар аз фаъолият бозмондааст.
Коршиносон сабаби қатъ гардидани кори корхонаҳоро ба чанд омили ба рушди иқтисодиёти кишвар таъсиррасон – норасоии ашёи хом, вазъи ноустувори молиявӣ ва норасоии технологияи камхарҷ вобаста медонанд.
Сабаби як муддат аз фаъолият боз мондани корхонаи “Шарофат” дар деҳаи Даҳбеди шаҳри Ҳисор бошад, дастгирӣ наёфтани соҳибкор аз ҷониби аҳолӣ - хариди маҳсулоти истеҳсолкардааш буд.
Зоҳир Исроилов, мудири бахши саноат, сохтмон ва нақлиёти шаҳри Ҳисор, дар ин бора гуфт, ки корхона давоми солҳои 2015 – 2016 бо сабаби дигар - норасоии маблағи гардон низ фаъолият накард. Танҳо аз аввали соли 2017 корхона бо дастгирии соҳибкор аз вилояти Суғд кори худро оғоз намуда, барои 31 ҳазор мактаббачагони шаҳри Ҳисор либоси мактабӣ дӯхта истодааст. Айни замон дар корхона 32 нафар занони маҳаллӣ кор мекунанд. 
ҶДММ “ЮиФ – Сервис” низ аз моҳи сентябри соли гузашта кори худро ба таъхир гузошт. Аз рӯйи маълумоти Ориф Воҳидов, мудири бахши сармоягузорӣ, идораи амволи давлатӣ ва саноати мақомоти иҷроияи маҳаллии ҳокимияти давлатии ноҳияи Данғара, корхона фаъолияти худро аз соли 2011 ба истеҳсоли қуму шағал шурӯъ карда буд. Соҳибкор дар ҳаҷми муайян маҳсулот истеҳсол намуд, вале бо пайдо накардани маблағ барои идомаи кор, дурусттараш ба технологияи муосир барои қонеъ гардондани талаботи истеъмолгар аз ҷиҳати сифат ва истеҳсоли ҳаҷман зиёди маҳсулот дастрасӣ надоштан, кори корхонаро боздошт. Ҳоло ҶДММ “ЮиФ – Сервис” тағйири ном (ба ҶДММ “Миср – 2001”) кард ва нақша дорад бо ворид сохтани технологияи нав дар кӯтоҳтарин вақт кори худро оғоз кунад.     
Дар баробари ин, дар вилояти Хатлон ду корхонаи дигар – СП “Ҷунтай – Данғара” ва “Тоҷи Осиё” мавсимӣ буда, айни замон муваққатан кори худро қатъ кардаанд.
Саноатчиёни мамлакат масъаларо чунин шарҳ доданд:
“Дар ҷумҳурӣ айни замон 1957 корхонаи саноатӣ ба қайд гирифта шудааст. Дар нимсолаи аввал кори 175 корхона қатъ гардида бошад ҳам, ин нисбат ба соли гузашта 85 корхона кам аст. Ба таъхиргузории фаъолияти баъзе корхонаҳо барои беҳбудии кор аст. Зеро мутахассисони тоҷик, махсусан дар самти бастани шартнома бо сармоягузорони хориҷӣ, таҷриба пайдо карда, фаъолияти он корхонаҳое, ки қаблан бунёд шудаанд, аз нав дида мебароянд. Баъзе корхонаҳое, ки ҳоло дар ҷумҳурӣ фаъолият доранд, ба муваффақиятҳои калон ноил гашта истодаанд. Натиҷаи ҳамин аст, ки дар нимсолаи аввали соли равон ҳиссаи саноат дар маҷмӯи маҳсулоти дохилӣ 18,9 фоизро ташкил дод  ва ин нишондиҳандаи хубест дар ду – се соли охир”.
Рушди саноатро дар кишвар метавон дар мисоли истеҳсоли маҳсулоти соҳаи саноати сабук равшан инъикос кард. Айни замон талаботи аҳолии Тоҷикистон, масалан ба истеҳсоли қолин ва гилеми ватанӣ пурра таъмин карда шудааст. Барои ин корхонаи қолинбофии Қайроққум ҳоло дар се баст кор мекунад.
Аз ҳисоби коркарди ашёи хоми ватанӣ, аниқтараш коркарди пахта ва аз он истеҳсол кардани ресмон низ даромади хуб ба даст меояд, ресмон бо арзиши аз 2 то 3 доллари амрикоӣ ба хориҷи кишвар ба фурӯш бароварда мешавад.
Ба муваффақияти ин соҳаи саноат ҷорӣ гардидани боҷи гумрукӣ барои маҳсулоти воридотӣ  мусоидат мекунад. Ин дастгирии саривақтии Ҳукумати мамлакат мебошад.
Албатта, мушкилиҳо кам нестанд. Баланд будани фоизи қарзи бонкҳо, санҷишҳои беасоси мақомоти назоратӣ, норасоии ашёи хом ва технологияи камхарҷ. Ё ин ки пардохтҳои гумрукӣ бе расмиёти гумрук аз ҷониби соҳибкорон. Яъне чӣ? Ин омил барои амалисозии нақшаи истеҳсоли маҳсулоти воридотивазкунанда, хусусан дар самти истеҳсоли либоси мактабӣ монеа эҷод кардааст. Ба ин хотир, дастгирӣ кардани соҳибкорони ватанӣ тариқи интихоби маҳсулоти истеҳсолкардаашон хеле муҳим аст.
О. ВАФОБЕК, “Ҷумҳурият”


Баёни ақида (0)    Санаи нашр: 08.08.2017    №: 166    Мутолиа карданд: 516

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед