logo

иҷтимоиёт

ҶАВОНОН ПАЙРАВИ ПЕШВОИ МИЛЛАТ

Аз 3 то 6 августи соли ҷорӣ дар вилояти Суғд нахустин Форуми ҷумҳуриявии кормандони ҷавони вазорату идораҳо ва ташкилоту муассисаҳо таҳти унвони «Ҷавонон - пайрави Пешвои миллат» баргузор гардид.

Иштирокчиёни форум, иборат аз 150 нафар, дар давоми се рӯз аз шаҳру навоҳии Айнӣ, Истаравшан, Ҷаббор Расулов, Исфара, Бобоҷон Ғафуров ва Хуҷанди вилояти Суғд дидан карданд. Ҳайатро нахуст дар ноҳияи Айнӣ гурӯҳи калони ҷавонон бо меҳмоннавозии хоси тоҷикона ва шеъру суруд истиқбол гирифтанд.
Дар идомаи сафар 4 август дар Қасри фарҳанги ноҳияи Ҷаббор Расулов чорабинии сатҳи баланд доир гардид. Раиси ноҳия Комилҷон Салимзода зимни суханронӣ, аз ҷумла иброз дошт, ки Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷавононро неруи созанда ва пешбарандаи ҷомеа унвон карда, барои пешбурди  зиндагӣ ва таҳсилу фаъолияти онҳо шароити мусоид фароҳам овардааст. Дар ин замина дар ноҳияи Ҷаббор Расулов низ сафи ҷавонони роҳбар сол ба сол меафзояд.
Дар шаҳри Исфара бо иштироки ҷавонон дар мавзӯи «Нақши Президенти Ҷумҳурии Тоҷикистон муҳтарам Эмомалӣ Раҳмон дар амалӣ намудани сиёсати давлатии ҷавонон» «мизи гирд» доир гардид. Дар ин ҳамоиш таъкид шуд, ки «Мақсад аз баргузории ин форум, пеш аз ҳама, таҳкими дӯстию рафоқат дар байни ҷавонон, ифтихору сарфарозӣ аз миллати тоҷдору Ватани аҷдодӣ, ҳамчунин, фароҳам овардани шароити табодули маълумот, шиносоӣ, фароғат ва оғози ҳамкориҳои нав, иттиҳоду ҳамбастагӣ дар байни намояндагони ҷавонони вазорату идораҳо  мебошад».
Ин дар ҳолест, ки тибқи маълумоти оморӣ аз 19 ҳазор хизматчии давлатӣ зиёда аз 8 ҳазорашро ҷавонони то 35 - сола ташкил медиҳанд. Аз 5670 вазифаи роҳбарикунанда бошад, 1345 мансаб ба зиммаи ҷавонон вогузор шудааст.
Иштирокчиёни ҳамоиш дар мавзӯъҳои «Нақши Пешвои миллат дар рушди фарҳанги миллӣ ва раҳнамоии ҷавонон барои ҳифз ва нигаҳдории он», «Мактаби роҳбарӣ ва сиёсати Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон заминаи боэътимоди давлатдорию давлатсозӣ дар ҷаҳони муосир», «Ташаббус ва иқдомҳои созандаи Пешвои миллат дар арсаи байналмилалӣ» ва «Ояндаро имрӯз месозем» маърӯза карданд. Сипас, муроҷиатномаи иштирокчиёни форум қабул шуд, ки дар он, аз ҷумла омадааст: «Мо-кормандони ҷавони вазорату идораҳо ва ташкилоту муассисаҳо ҳамчун фарзандони бонангу номуси ин сарзамин, ворисони асили миллату давлат, идомадиҳандагони роҳи пуршарафи ниёгон ва меросбарони гузаштагони сарбаланди ориёӣ, бо ифтихору сарфарозӣ изҳор менамоем, ки мо Ватани ободу зебо дорем ва номи он Тоҷикистон аст, ки баҳри ҳифзи ҳар ваҷаб хоки поки он ва барои миллати азизи хеш ҳастии худ, ҷони худ ва тамоми вуҷуди худро мебахшем».
Дар доираи форум барномаҳои фарҳангӣ - фароғатӣ, суҳбату вохӯриҳои судманд, ҳамоишҳо, саёҳати иштирокчиён ба мавзеъҳои таърихии вилоят, аз ҷумла Қасри Арбоб, баргузор гардид.
5 август вохӯрии иштирокчиён бо раиси вилояти Суғд Абдураҳмон Қодирӣ дар сатҳи баланд сурат гирифт. Раиси вилоят изҳор дошт, ки бешак, ин иқдом метавонад ба тавсеаи дӯстии байни ҷавонони минтақаҳои кишвар мусоидат намояд. «Мо дастуру ҳидоятҳои Пешвои миллатро сармашқи кори худ қарор дода, дастгирии ҷавононро дар мадди назар қарор додаем. Алалхусус, барои коҳиш додани раванди муҳоҷират дар вилоят ба бунёди шаҳракҳо оғоз бахшидем. Ҷавононе, ки дар муҳоҷирати корӣ асосан ба корҳои сохтмонӣ машғул буданд, ба Ватан баргашта, бо ҷойи кор таъмин шуданд. Дар давоми даҳсолаи охир бунёди садҳо толору майдони варзишӣ, мактабҳои муосир, таъсиси стипендияи раиси вилоят ва амсоли инҳо нишони ғамхорӣ ба насли ҷавони кишвар мебошад».
Дар рӯзи охири форум дар боғи фарҳангӣ- фароғатии ба номи Камоли Хуҷандии шаҳри Хуҷанд барномаи фарҳангии «Шоми ҷавонӣ», бо оростани дастархони идона, намоиш дода шуд, ки бо рангорангии худ то дер дар хотираҳо боқӣ хоҳад монд.   
Лашкар ШАРИФ, «Ҷумҳурият»


Баёни ақида (0)    Санаи нашр: 08.08.2017    №: 166    Мутолиа карданд: 510

22.07.2019


МЕЪМОРӢ ВА СОХТМОН. Қонуншиканиҳо ҳанӯз зиёданд

ТАҲСИЛОТИ САЛОҲИЯТНОК ТАТБИҚ МЕГАРДАД

ЗАМИН. Камбуди оби полизӣ мушкили ҳалталаб боқӣ мемонад

Гилерми: «Тоҷикон соҳиби кишвари афсонавианд»

Швейтсария дар Тоҷикистон бонк мекушояд

Ҷаҳон дар як сатр

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад


Дар сомонаҳои дигари Тоҷикистон хонед