logo

иқтисод

ОБЁРӢ. ЧАНД ПАҲЛУИ ЯК ПРОБЛЕМА

Агентии беҳдошти замин ва обёрии назди Ҳукумати Ҷумҳурии Тоҷикистон аз аввали соли равон ҷиҳати таъмини кишоварзон ва  истифодабарандагон бо оби полизӣ, азхудсозии заминҳои нави обёришаванда, беҳсозии ҳолати мелиоративии заминҳо ва соҳилмустаҳкамсозӣ корҳои муайянеро анҷом додааст. Ташкилоту корхонаҳои агентӣ шабакаҳои обёриро ба мавсими обдиҳии ҳосили соли 2017 барвақт омода сохта, аз оғози моҳи март тариқи шабакаҳои худҷорӣ ва аз моҳи май тавассути пойгоҳҳои обкашӣ ва чоҳҳои амудӣ хоҷагиҳоро  бо оби полизӣ таъмин карданд.

- Кормандони мо то имрӯз бо 4826 истифодабарандаи об, ки дар ихтиёр 542909 гектар замини корами обӣ доранд, барои таъмини оби полизӣ шартнома бастанд. Аз рӯйи дархости хоҷагиҳои деҳқонӣ (фермерӣ) ва корхонаҳои кишоварзӣ ба онҳо дар шаш моҳ 1 миллиарду 909 миллион метри мукааб об дода шуд, ки нисбат ба нимсолаи аввали соли гузашта зиёд аст. Арзиши хизматрасонии об 32,7 миллион сомониро ташкил дода бошад ҳам, танҳо 17,1 миллион сомонии он аз тарафи истифодабарандагони об пардохта шудаасту халос.
Идораҳои давлатии беҳдошти замин ва обёрӣ  иҷрои шартномаҳоро дар бобати обрасонӣ таъмин карданд, аммо хоҷагиҳои кишоварзӣ ва дигар истифодабарандагони об ҳаққи хизмати обрасониро сари вақт ва пурра  пардохт намекунанд, ки аз ин ба агентӣ мушкилот пеш омадааст. Масалан, бақияи қарзи ҳаққи хизмати обрасонӣ дар шашмоҳа 12,1 миллион сомонӣ ва қарзи солҳои пешин 95,5 миллион сомониро ташкил медиҳад, - мегӯяд Қурбонзода Абдулло Ҳабибулло, муовини аввали директори агентӣ.
Оид ба дигар паҳлуҳои фаъолияти агентӣ ҳаминро зикр карданием, ки корхонаҳои он то 1 июли соли ҷорӣ аз ҳисоби маблағҳои мутамарказ 8,2 миллион сомониро азхуд карда, таъминоти обии 750 гектар заминро беҳтар намуда, ба масофаи 1 километр корҳои соҳилмустаҳкамсозиро ба анҷом расонданд. Дар фасли баҳор, ки дарёҳо сероб гашта, ба киштзор осеб мерасонданд, даҳҳо техникаю коргарону мутахассисон ба маҳалҳои аз офати табиӣ зарардида сафарбар шуданд.
Корхонаҳои агентӣ дар нимсола миқдори зиёди масолеҳи бинокориро дастрас карда натавонистанд, ки боиси кашол ёфтани муҳлати баистифодадиҳии баъзе аз иншоот гардид. Бо вуҷуди ин, корҳои сохтмонӣ, соҳилмустаҳкамкунӣ ва таъмиру барқарорсозии иншооти гидротехникӣ хуб ба роҳ монда шудааст.
- Тибқи  нақша соли ҷорӣ ҳолати мелиоративии  9937 гектар замин беҳтар хоҳад шуд, - гуфт Қурбонзода Абдулло.
Мирзои ФИРӮЗ, “Ҷумҳурият”


Баёни ақида (0)    Санаи нашр: 10.08.2017    №: 168    Мутолиа карданд: 565

19.08.2019


Баррасии асосноккунии техникиву иқтисодии роҳи Қалъаи Хумб – Ванҷ

Баргузории ҳамоиши "Ҷавонони эҷодкор – парчамбардорони миллат ва пайравони Пешвои миллат"

15.08.2019


Муносибатҳои Ҳиндустон ва ҶМЧ бояд суботи ҷаҳонро таъмин созанд

Дар Япония бар асари гармии ҳаво наздики 13 ҳазор кас бистарӣ шуд

Мулоқоти сарони Россия, Эрон ва Туркия моҳи сентябр доир мешавад

Ҷаҳон дар як сатр

05.08.2019


Ҷаҳон дар як сатр

01.08.2019


Вохӯрии Сироҷиддин Муҳриддин бо Кан Ҷе - квон

Масоили муҳоҷират матраҳ гардид

Фестивали яхмос ва обҳои ташнагишикан дар Душанбе

АКАДЕМИЯИ ИЛМҲО. Аз таъсиси маркази тарҷума то ҷашни Саразм

64 дарсади зарари молиявӣ барқарор шуд

ШАҲРИ ТУРСУНЗОДА. Корҳои ободонӣ вусъат мегиранд

ҲИСОР. Саноатикунонӣ дар мадди аввал

ФАЙЗОБОД. Афзоиши истеҳсоли маҳсулоти кишоварзӣ

НОҲИЯИ РӮДАКӢ. Саноат рӯ ба беҳбудӣ дорад

ДДТТ. Нуфузи байналмилалӣ меафзояд

Ҷаҳон дар як сатр

30.07.2019


Фестивали тобистонаи Душанбе доир мешавад

Мулоқоти Шодихон Ҷамшед бо Хуанг Деҳаи

Соҳибкорони ватанию хориҷӣ дар Бадахшон ҷамъ меоянд

БЕҲСОЗИИ ТАЪМИНОТ БО ОБ. Барои он зиёда аз 27 миллион ҷудо гардид

ШАҲРИНАВ. 160 иншооти ҷашнӣ ба истифода дода шуд

Трамп то интихоботи соли 2020 артишашро аз Афғонистон бароварданист

Душанбе 80 шаҳрванди Афғонистонро, ки дар Тоҷикистон ҳукм гирифтааст, ба Кобул истирдод намуд

Ҷаҳон дар як сатр

29.07.2019


ҲИФЗИ ИҶТИМОӢ. Як нишасти муҳим

ДУШАНБЕ. Рушди саноат дар мадди аввал

ХАТЛОН. Таъсиси 31 корхона дар 6 моҳ

МАРКАЗИ ТАДҚИҚОТИ СТРАТЕГӢ. Ҳамкориҳо самар медиҳанд

"ТОҶИК ЭЙР". Парвозҳо аз нав шурӯъ гаштанд

Таъсиси 26 ширкати сайёҳӣ дар ним сол

ДДК. Шумораи омӯзгорони унвондор меафзояд

Ҷаҳон дар як сатр


Дар сомонаҳои дигари Тоҷикистон хонед