logo

иҷтимоиёт

ИСТЕҲСОЛИ ДОРУ. ҲАРЧАНД ПЕШРАВИҲО ҲАСТАНД...

Бо устувор гардидани пояҳои давлатдорӣ, таҳкими сулҳу субот ва ваҳдати ҷовидонаи миллӣ дар баробари ташкил ва такмили дигар соҳаҳо зарурати ба роҳ мондани танзими бозори фармасевтӣ, назорати давлатӣ, бақайдгирӣ ва муқаррар кардани сифату судмандии маводи доруворӣ, ороишию гигиенӣ, таъмини аҳолӣ бо маводи бехавф ва судманд ба миён омад. Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба вазоратҳои тандурустӣ ва ҳифзи иҷтимоии аҳолӣ, саноат ва технологияҳои нав ва дигар мақомоти дахлдор доир ба рушди саноати дорусозии ватанӣ бо дарназардошти имкониятҳои фаровони табиӣ ва ашёи хом, аз ҷумла гиёҳҳои табиии шифобахши мамлакат супориш доданд, ки ҳар чи зудтар чораҷӯӣ намоянд. Султон Бекмуродзода, сардори Хадамоти назорати давлатии фаъолияти фармасевтӣ дар суҳбат бо хабарнигори “Ҷумҳурият” оид ба тадбирҳои дар ин самт роҳандозишуда чунин гуфт:
- Хадамоти назорати давлатии фаъолияти фармасевтӣ баҳри иҷрои дастуру супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва боз ҳам беҳтар ба роҳ мондани фаъолият дар соҳаи фармасевтӣ тадбирҳои мушаххас меандешад. Ин аст, ки дар ҷумҳурӣ воридоти маводи доруворӣ ва молҳои тиббӣ аз ҷониби шахсони ҳуқуқӣ ва ёрии башардӯстона зиёд шуда, қариб ба 200 миллион сомонӣ расид. Инчунин, истеҳсоли маводи дорувории ватанӣ рушд ёфта, дар баробари қонеъ намудани талаботи дохилӣ содирот низ дар ҳоли рушд аст. Аз ҷумла, дар нимсолаи аввал беш аз 36 миллион сомонӣ маводи дорувории ватанӣ ба хориҷи кишвар содирот шуд.
Роҳбарияти хадамот барои ҷалб намудани мутахассисони варзида ва тарбияи кадрҳои болаёқат бо дастгирии Ҳукумати кишвар барои баланд бардоштани савияи тахассусии кормандон мутахассисони ҷавони болаёқатро ба марказҳои илмӣ ва корхонаҳои истеҳсоли дорувории давлатҳои хориҷӣ мефиристад, ки ин барои рушди соҳа аҳамияти муҳим дорад. Дар Донишгоҳи давлатии  тиббии Тоҷикистон ба номи Абуалӣ ибни Сино ва Донишгоҳи миллӣ факултаҳои фармасевтӣ амал мекунанд. Дар тамоми коллеҷу омӯзишгоҳҳои тиббии мамлакат низ мутахассисони фармасевт омода мешаванд. Ба ин далел ҳоло дар ҷумҳурӣ мушкилоти нарасидани мутахассисони соҳа ва камбуди дастрасии аҳолӣ ба маводи доруворӣ аз байн рафтааст.
 Яке аз ҳадафҳои асосӣ ҷалби мутахассисони соҳа ва соҳибкорон ба рушди соҳаи истеҳсоли дорувории ватанӣ ба шумор меравад. Воқеан ҳам, мамлакати мо дорои имконоти бузурги табиии манбаи ашёи доруворӣ (рустаниҳои доруӣ ва маъданҳои нодир) ба шумор меравад. Дар ҷумҳурӣ, айни замон 28 ширкат ба истеҳсоли маводи доруворӣ, молҳои тиббӣ, гиёҳҳои шифобахш машғул мебошад. Корхонаҳои мо 209 номгӯй маводи доруворӣ, гиёҳҳои шифобахш, маҳлули антисептикӣ, ашёи хом ва моли тиббӣ истеҳсол менамоянд.
Дар баробари ин, ширкатҳое низ ҳастанд, ки ба ҷамъоварӣ, коркарди ашёи хоми доруии ватанӣ машғул буда, маҳсулоти онҳо барои содирот, ба хориҷи мамлакат нигаронда шудааст. 
Дар фаъолияти муассисаҳои фармасевтӣ ва нуқтаҳои савдои маводи ороишию гигиенӣ низ мушкилот ҷой дорад. Пеш аз ҳама, ин қочоқи маводи доруворӣ, молҳои тиббӣ, маводи ороишию гигиенӣ мебошад, ки воридкунандагон ба воситаи борхалтаҳо тариқи қатораю тайёраҳо ворид менамоянд. Ошкор намудани онҳо барои мутахассисони хадамот фақат баъди назорати фаъолияти дорухонаҳо ва нуқтаҳои савдои маводи ороишию гигиенӣ муяссар мегардад.
Норасоиҳо дар фаъолияти як зумра табибон низ ба мушоҳида мерасад. Ин ҳам бошад, иҷро накардани фармоиши Вазорати тандурустӣ ва ҳифзи иҷтимоии аҳолии кишвар дар бораи «Қоидаҳои ба расмият даровардани дорухат ва талабот нисбат ба он» мебошад. То кунун баъзе аз табибон таъйиноти маводи дорувориро, новобаста аз он ки муассисаҳои соҳаи тандурустӣ бо варақаҳои стандартӣ ва ягона таъмин карда шудаанд, дар варақаҳои ғайристандартии гуногун сабт мекунанд.
 Мусоҳиб
Шаҳбоз АБРОР, «Ҷумҳурият»


Баёни ақида (0)    Санаи нашр: 10.08.2017    №: 168    Мутолиа карданд: 552

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр

05.12.2019


Беш аз ду тонна доруворӣ ба коми оташ рафт

Фестивали филм ва мусиқии Руминия дар Тоҷикистон

Боздиди Рустами Эмомалӣ аз шаҳри Самарқанд

Дар Афғонистон шоҳасари Бобоҷон Ғафуров “Тоҷикон” чоп шуд

Макрон изҳороти НАТО оид ба «таҳдиди русӣ» - ро зери шубҳа гузошт

Боздошти муовини собиқ сарвари «ДИ» Ал - Бағдодӣ дар Ироқ

Андрей шевченко дар мураббигӣ низ муваффақ аст

Ҷаҳон дар як сатр

04.12.2019


Тақвияти ҳамкориҳо дар мубориза бар зидди терроризму экстремизм матраҳ гардид

Ҷаласаи гурӯҳи корӣ оид ба таҳияи намоишгоҳ бахшида ба мероси муштараки фарҳангии Роҳи абрешим баргузор шуд

Китоби Президенти Тоҷикистон Эмомалӣ Раҳмон дар Теҳрон рӯнамоӣ мешавад

Мирзиёев раиси шаҳри Душанбе Рустами Эмомалиро ба ҳузур пазируфт

Департаменти давлатӣ: «ИМА Россияро маблағгузори терроризм намешуморад»

Ҳукумати Албания хисороти заминҷунбии мудҳишро ҳисоб намуд

Москва ва Киев созишномаи 10 – солаи таҳвили нафтро ба имзо расонданд

Ҷаҳон дар як сатр

03.12.2019


Дар пойтахт барӯйхатгирии аҳолӣ ва фонди манзил гузаронда мешавад

Дар майдони «Дӯстӣ» арчаи солинавӣ қомат меафрозад

«Лолаи тиллоӣ» синамогарони тоҷикро ба ҳам овард

Дар Британия намояндагии маҳфили “Ҷавонони дар хориҷи кишвар таҳсилдошта” ифтитоҳ ёфт

Россия ва Беларус қисме аз ваколатҳоро ба ҳукумати ягона медиҳанд

Олимон суду зиёни қаҳванӯширо ном бурданд

Ҷаҳон дар як сатр

САМБО. Медали биринҷии Сорбон дар Қазоқистон

02.12.2019


Дар Бишкек кишварҳои аъзои СААД 15 санад ба имзо расонданд

Эрдуғон кишварҳои арабро ба ёрии Албания даъват намуд


Дар сомонаҳои дигари Тоҷикистон хонед